കൊല്ലം എസ്.എൻ കോളജ് ഫണ്ട് തിരിമറി കേസ്: വെള്ളാപ്പള്ളിയുടെ അപ്പീൽ കേൾക്കും

ന്യൂഡൽഹി: കൊല്ലം എസ്.എൻ കോളജ് സുവർണ ജൂബിലി ഫണ്ട് തിരിമറി കേസിൽ കേരള ഹൈകോടതി വിധിക്കെതിരെ എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ സമർപ്പിച്ച ഹരജി സുപ്രീംകോടതി ഫയലിൽ സ്വീകരിച്ച് വാദം കേൾക്കാനായി മാറ്റി.

വെള്ളാപ്പള്ളി നടേശന്റെ അപ്പീലിൽ ഹൈകോടതി വിധി കഴിഞ്ഞ മേയിൽ സുപ്രീംകോടതി സ്റ്റേ ചെയ്തിരുന്നു. അന്തിമ വിധി വരുന്നത് വരെ സ്റ്റേ തുടരുമെന്നും സുപ്രീംകോടതി വ്യക്തമാക്കി.