നി​െൻറ എം.എൽ.എ മരിച്ചോ? ഇത്​ വെളച്ചിൽ തന്നെ, നിന്നെ ചൂരലിന്​ അടിക്കണം; സഹായം ചോദിച്ച്​ വിളിച്ച വിദ്യാർഥിയോട്​ കയർത്ത്​ എം.മുകേഷ്​ എം.എൽ.എ

ഫോണിൽ സഹായം ചോദിച്ച്​ വിളിച്ച വിദ്യാർഥിയോട്​ കയർത്തും പരുഷമായി സംസാരിച്ചും കൊല്ലം എം.എൽ.എ എം.മുകേഷ്​. കുട്ടിയും മുകേഷും തമ്മിലുള്ള സംഭാഷണത്തി​െൻറ ഫോൺ കോൾ റെക്കോർഡ്​ സമൂഹമാധ്യമങ്ങളിൽ പ്രചരിക്കുകയാണ്​. പാലക്കാട്​ ഒറ്റപ്പാലം സ്വദേശിയായ 10ാം ക്ലാസുകാരനാണ്​ എം.എൽ.എയെ വിളിച്ചത്​. കൂട്ടുകാരൻ കൊടുത്ത നമ്പർ ഉപയോഗിച്ചായിരുന്നു വിളി.

ഫോൺ എടുത്തപാടെ കുറ്റവാളികളെ ചോദ്യം ചെയ്യുന്നരീതിയിലായിരുന്നു എം.എൽ.എയുടെ സംസാരം. 'ആറ്​ പ്രാവശ്യം എന്തിനാണ്​ വിളിച്ചത്​, ഒറ്റപ്പാലം എം.എൽ.എ മരിച്ചോ, അയാളെ വിളിക്കാതെ എന്തിനാണ്​ എന്നെ വിളിച്ചത്'എന്നുതുടങ്ങി പിന്നീടങ്ങോട്ട്​ ശകാരവർഷമായി. ​ഞാനൊരു സ്​റ്റുഡൻറ്​ ആണെന്നും 10ാം ക്ലാസിലാണ്​ പഠിക്കുന്നതെന്നും വിദ്യാർഥി പറഞ്ഞു. ആരായാലും തന്നെ വിളിക്കേ​ണ്ടെന്നായിരുന്നു എം.എൽ.എയുടെ മറുപടി. കൂട്ടുകാരനാണ്​ നമ്പർ തന്നതെന്ന്​ പറഞ്ഞപ്പോൾ അവ​െൻറ ചെവിക്കുറ്റി നോക്കി അടിക്കണം എന്നായി പ്രതികരണം. സ്വന്തം എം.എൽ.എയുടെ നമ്പർ തരാതെ വേറേരാജ്യത്തുള്ള എം.എൽ.എയുടെ നമ്പർ തന്ന കൂട്ടുകാരനാരാണെന്നും മുകേഷ്​ ചോദിച്ചു.

താൻ വലിയ ഒരു മീറ്റിങ്ങിൽ ഇരിക്കുകയാണെന്നും തന്നെ ആളുകൾ പരിഹസിക്കുന്നുവെന്നുമായി പിന്നീടുള്ള പ്രതികരണം. ഇതോടെ കുട്ടി സോറി പറഞ്ഞു. സോറി ഒന്നും പറയേണ്ടെന്നും ഇത്​ നല്ല അസ്സൽ വെളച്ചിലാണെന്നുമായി എം.എൽ.എ. സംഭാഷണം സമൂഹമാധ്യമത്തിൽ എത്തിയതോടെ രൂക്ഷ വിമർശനമാണ്​ മുകേഷ്​ എം.എൽ.എക്കെതിരേ ഉയരുന്നത്​. ഒരു കുട്ടിയോട്​ ഇങ്ങിനെ സംസാരിക്കുന്ന ആൾ എങ്ങിനെ ജനസേവനം നടത്തുമെന്നും നിരവധിപേർ ചോദിക്കുന്നു​.