മ​ജി​സ്​​ട്രേ​റ്റ്​ നി​യ​മ​വി​രു​ദ്ധ​മാ​യി തീ​ർ​പ്പാ​ക്കി​യ 1622 കേ​സ്​ പു​നഃ​പ​രി​ശോ​ധി​ക്കു​ന്നു

കൊ​ച്ചി: കൊ​ല്ലം ജു​ഡീ​ഷ്യ​ല്‍ ഫ​സ്​​റ്റ്​ ക്ലാ​സ് മ​ജി​സ്‌​ട്രേ​റ്റ് (ജെ.​എ​ഫ്.​സി.​എം -ര​ണ്ട്) നി​യ​മ​വി​രു​ദ്ധ​മാ​യി തീ​ർ​പ്പാ​ക്കി​യ 1622 കേ​സു​ക​ൾ ഹൈ​കോ​ട​തി പു​നഃ​പ​രി​ശോ​ധി​ക്കു​ന്നു. ഇൗ ​കേ​സു​ക​ൾ സ്വ​മേ​ധ​യ റി​വി​ഷ​ൻ ഹ​ര​ജി​ക​ളാ​യി ഫ​യ​ലി​ൽ സ്വീ​ക​രി​ക്കാ​നാ​ണ്​ ഹൈ​കോ​ട​തി​യു​ടെ തീ​രു​മാ​നം. 

മു​തി​ർ​ന്ന ഹൈ​കോ​ട​തി ജ​ഡ്​​ജി​മാ​ര​ട​ങ്ങു​ന്ന അ​ഡ്​​മി​നി​സ്​​ട്രേ​റ്റി​വ്​ ക​മ്മി​റ്റി​യു​ടെ തീ​രു​മാ​ന പ്ര​കാ​ര​മാ​ണി​ത്. ഇ​തി​ൽ പ​കു​തി​യോ​ളം കേ​സു​ക​ൾ സ്വ​മേ​ധ​യ ഹ​ര​ജി​യാ​യി സിം​ഗി​ൾ ബെ​ഞ്ചി​​​െൻറ പ​രി​ഗ​ണ​ന​ക്കെ​ത്തി ഫ​യ​ലി​ല്‍ സ്വീ​ക​രി​ച്ചു​വെ​ന്നാ​ണ്​​ വി​വ​രം. ശേ​ഷി​ക്കു​ന്ന​തി​ലെ ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. 

ആ​ർ. രാ​ജേ​ഷ് മ​ജി​സ്​​ട്രേ​റ്റ്​ ആ​യി​രി​ക്കെ 2016 ജൂ​ണ്‍ ഒ​ന്നു​മു​ത​ല്‍ ഡി​സം​ബ​ര്‍ 31 വ​രെ തീ​ർ​പ്പാ​ക്കി​യ കേ​സു​ക​ളെ​ക്കു​റി​ച്ചാ​ണ്​ ആ​രോ​പ​ണ​മു​യ​ർ​ന്ന​ത്.​ അ​ബ്കാ​രി നി​യ​മ​ത്തി​ലെ 15 (സി), ​ല​ഹ​രി​മ​രു​ന്നു​മാ​യി ബ​ന്ധ​പ്പെ​ട്ട എ​ൻ.​ഡി.​പി.​എ​സ് നി​യ​മ​ത്തി​ലെ 27 (ബി), ​ഇ​ന്ത്യ​ന്‍ ശി​ക്ഷ നി​യ​മ​ത്തി​ലെ 279ാം വ​കു​പ്പ്, മോ​ട്ടോ​ര്‍ വാ​ഹ​ന നി​യ​മ​ത്തി​ലെ 185ാം വ​കു​പ്പ്​ തു​ട​ങ്ങി​യ​വ പ്ര​കാ​ര​മു​ള്ള 1622 കേ​സു​ക​ൾ ക്രി​മി​ന​ല്‍ ന​ട​പ​ടി ച​ട്ട​ങ്ങ​ളി​ലെ 258ാം വ​കു​പ്പ് പ്ര​കാ​ര​മു​ള്ള അ​ധി​കാ​രം ഉ​പ​യോ​ഗി​ച്ച് നി​യ​മ​വി​രു​ദ്ധ​മാ​യി തീ​ര്‍പ്പാ​ക്കി​യെ​ന്നാ​ണ്​ ആ​ക്ഷേ​പം. 

ആ​രോ​പ​ണം ശ​രി​വെ​ക്കു​ന്ന റി​പ്പോ​ർ​ട്ടു​ക​ളാ​ണ്​ കൊ​ല്ലം ജി​ല്ല ജ​ഡ്ജി​യും ചീ​ഫ് ജു​ഡീ​ഷ്യ​ല്‍ മ​ജി​സ്‌​ട്രേ​റ്റും (സി.​ജെ.​എം) ഹൈ​കോ​ട​തി ര​ജി​സ്​​ട്രാ​റും (വി​ജി​ല​ന്‍സ്) ന​ൽ​കി​യ​ത്. ഇൗ ​റി​പ്പോ​ർ​ട്ടു​ക​ൾ പ​രി​ശോ​ധി​ച്ച 2017 സെ​പ്റ്റം​ബ​ര്‍ 18ലെ ​അ​ഡ്മി​നി​സ്‌​ട്രേ​റ്റി​വ് ക​മ്മി​റ്റി യോ​ഗ​മാ​ണ്​ മ​ജി​സ്ട്ര​റ്റ് നി​യ​മ​വി​രു​ദ്ധ​മാ​യാ​ണ് കേ​സു​ക​ള്‍ തീ​ര്‍പ്പാ​ക്കി​യ​തെ​ന്ന് ക​ണ്ടെ​ത്തി​യ​ത്. 

കേ​സി​​​െൻറ നി​യ​മ​വ​ശ​ങ്ങ​ൾ പ​രി​ശോ​ധി​ക്കാ​തെ പ്ര​തി​ക​ളെ വെ​റു​തെ​വി​ടു​ക​യാ​യി​രു​ന്നു. ഹൈ​കോ​ട​തി 2013ലും 2015​ലും ഇ​റ​ക്കി​യ മാ​ർ​ഗ​നി​ര്‍ദേ​ശ​ങ്ങ​ള്‍ ലം​ഘി​ച്ചാ​യി​രു​ന്നു മ​ജി​സ്‌​ട്രേ​റ്റി​​​െൻറ ന​ട​പ​ടി. ഇ​ത്​​ സ്വാ​ഭാ​വി​ക നീ​തി​യു​ടെ ലം​ഘ​ന​മാ​യ​തി​നാ​ലാ​ണ് ക്രി​മി​ന​ല്‍ ന​ട​പ​ടി ച​ട്ട​ങ്ങ​ളി​ലെ 397, 401 വ​കു​പ്പു​ക​ള്‍ പ്ര​കാ​രം സ്വ​മേ​ധ​യ റി​വി​ഷ​ന്‍ ഹ​ര​ജി ഫ​യ​ലി​ല്‍ സ്വീ​ക​രി​ക്കാ​ന്‍ ഹൈ​കോ​ട​തി തീ​രു​മാ​നി​ച്ച​ത്. അ​ധി​കാ​രം സ്വേ​ച്ഛാ​പ​ര​വും നി​യ​മ​വി​രു​ദ്ധ​വു​മാ​യി വി​നി​യോ​ഗി​ച്ചെ​ന്ന ക​ണ്ടെ​ത്ത​ലി​ൽ മ​ജി​സ്‌​ട്രേ​റ്റി​നെ​തി​രെ അ​ച്ച​ട​ക്ക​ന​ട​പ​ടി​യും ശി​പാ​ര്‍ശ ചെ​യ്തി​ട്ടു​ണ്ട്.