ഹരിപ്പാട്ട്​ മെമു പാളം തെറ്റി; ഒഴിവായത്​ വൻ ദുരന്തം

ഹരിപ്പാട്: കൊല്ലം-എറണാകുളം മെമു ട്രെയിൻ ഹരിപ്പാട്ട്​ പാളം തെറ്റി. ഒഴിവായത്​ വൻ ദുരന്തം. ഗാർഡിന് ഗുരുതരമല്ലാത്ത പരി​േക്കറ്റു. ശനിയാഴ്​ച രാവി​െല 10-.20-നാണ്​ സംഭവം.​​ ഹരിപ്പാട് സ്​റ്റേഷനിൽനിന്ന്​ പുറപ്പെട്ട ഉടനെയാണ്​ ഒടുവിലത്തെ ബോഗിയുടെ രണ്ട് വീലുകൾ പാളം തെറ്റിയത്. ഈ സമയം ബോഗിയിൽനിന്ന്​ തെറിച്ച്​ വീണ ഗാർഡ് രഞ്ജനാണ്​ (37) പരിക്കേറ്റത്. വലത് കൈക്കും കാലിനും പരിക്കേറ്റ ഇദ്ദേഹത്തെ ഹരിപ്പാട് ഗവ. ആശുപത്രിയിൽ പ്രവേശിപ്പിച്ചു. എവിടെയും പിടിക്കാതെ നിന്ന ഗാർഡ് ​പെ​െട്ടന്നുണ്ടായ കുലുക്കത്തിൽ താഴെ വീഴുകയായിരുന്നു. ഇരുമ്പ്​ വീലുകളുടെ തേയ്മാനമാകാം പാളം തെറ്റലിന്​ കാരണമെന്നാണ് പ്രാഥമിക നിഗമനം.

എന്നാൽ, തിരുവനന്തപുരം റെയിൽവേ ഡിവിഷനിൽനിന്ന്​ വിദഗ്ധർ എത്തി പരിശോധന നടത്തിയാൽ മാത്രമെ ഇക്കാര്യം സ്​ഥിരീകരിക്കാനാവു. ഈ സമയം മറ്റ് സർവിസ്​ ഇല്ലാത്തതിനാൽ തൊട്ടടുത്ത സ്​റ്റേഷനിലൊന്നും ​െട്രയിനുകൾ പിടിച്ചിടേണ്ടി വന്നില്ല. സ്​റ്റേഷനോട് ചേർന്ന ഒന്നാം പ്ലാറ്റ്ഫോമിൽനിന്നും ട്രെയിൻ പുറപ്പെടുമ്പോൾ തൊട്ടടുത്ത പാളങ്ങളിൽ പണി നടക്കുന്നുണ്ടായിരുന്നുവെന്നും ​െട്രയിൻ പതുക്കെ നീങ്ങുമ്പോൾ വലിയ ശബ്​ദം കേട്ട് ഭയന്നുപോയെന്നും യാത്രക്കാരനായ രാജു പറഞ്ഞു.

രണ്ടാം പ്ലാറ്റ്ഫോമിലൂടെയുള്ള സർവിസ് നിർത്തിവെച്ചിട്ടില്ലെന്ന് സ്​റ്റേഷൻ മാസ്​റ്റർ പറഞ്ഞു. ഉച്ചക്ക്​ 12-ന് കൊച്ചുവേളിയിൽനിന്നും വടക്കോട്ട് പോകുന്ന സംബർക്ക ക്രാന്തി സൂപ്പർ ഫാസ്​റ്റിൽ മെമുവിലെ യാത്രക്കാരെ എറണാകുളം വരെ കയറ്റിവിടുകയായിരുന്നു. 12.45ന്​എറണാകുളത്തുനിന്ന്​ ഡീ റെയിലിങ്​ ജീവനക്കാർ എത്തി പരിശോധന നടത്തിയശേഷം ട്രെയിൻ കൊല്ലത്തേക്ക്​ കൊണ്ടുപോയി.