Begin typing your search above and press return to search.
exit_to_app
exit_to_app
kokkayar
cancel
Homechevron_rightNewschevron_rightKeralachevron_rightകൊക്കയാർ...

കൊക്കയാർ വാസയോഗ്യമല്ലെന്ന്​ ജില്ല കലക്​ടർ; പുനരധിവാസ പദ്ധതി നടപ്പാക്കും

text_fields
bookmark_border

തൊടുപുഴ: ഉരുൾപൊട്ടലുണ്ടായ കൊക്കയാർ വാസയോഗ്യമല്ലെന്ന്​ ഇടുക്കി ജില്ല കലക്​ടർ ഷീബാ ജോർജ്​. കൊക്കയാറിൽ ഇനി ആളുകളെ താമസിപ്പിക്കാനാവില്ലെന്നും മാറ്റിപ്പാർപ്പി​ക്കേണ്ടവരുടെ കണക്കെടുത്തെന്നും കലക്​ടർ അറിയിച്ചു.

'പ്രദേശത്ത് ഇനിയൊരു​ പുനരിധിവാസം സാധ്യമാകുമോ എന്ന കാര്യത്തിൽ സംശയമുണ്ട്​. 17 ഭാഗങ്ങളിൽ ചെറുതും വലുതുമായ ഉരുൾപൊട്ടൽ ഉണ്ടായിട്ടുണ്ട്​​. അവിടെ ഇനി താമസം സുരക്ഷിതമല്ല. നാട്ടുകാരുടെ പുനരധിവാസത്തിനായി കൊക്കയാർ പഞ്ചായത്ത്​ അധികൃതരോട്​ സ്​ഥലം കണ്ടെത്താൻ ആവശ്യപ്പെട്ടിട്ടുണ്ട്​. ഇതിനായി പ്രത്യേക പദ്ധതി തയാറാക്കും.

കൃഷി നാശം കൂടാതെ 78 കോടിയുടെ നാശനഷ്​ടമാണ് ഇടുക്കി​ ജില്ലയിൽ ഉണ്ടായിട്ടുള്ളതെന്നാണ്​ പ്രാഥമിക കണക്ക്​. കൂടുതൽ കണക്കെടുപ്പ്​ നടക്കുകയാണ്​. 129 വീടുകൾ പൂർണമായും അതിലധികം വീടുകൾ ഭാഗികമായും തകർന്നു.

ജലനിരപ്പ്​ ഉയരുന്നതിനാൽ മുല്ലപ്പെരിയാർ ഡാമിൻറെ പരിസരത്ത്​ രണ്ട്​ കൺട്രോൾ റൂമുകൾ തുറന്നിട്ടുണ്ട്​. വെള്ളം തുറന്നുവിടേണ്ട സാഹചര്യം ഉണ്ടായാൽ ജനങ്ങളെ മാറ്റിപ്പാർപ്പിക്കേണ്ടി വരും. ഇതിനായി ക്യാമ്പുകൾ ഒരുക്കേണ്ട സ്​ഥലങ്ങൾ കണ്ടെത്തിയിട്ടുണ്ട്​ -കലക്​ടർ പറഞ്ഞു.

Show Full Article
TAGS:kokkayar 
News Summary - Kokkayar uninhabitable: District Collector Rehabilitation plan will be implemented
Next Story