കള്ളനോട്ട്​ കേസ്​: യുവമോർച്ച നേതാക്കൾക്ക്​ ജാമ്യമില്ല

കൊച്ചി: കള്ളനോട്ട്​ കേസിൽ അറസ്​റ്റിലായ യുവമോർച്ച പ്രാദേശിക നേതാക്കൾ ഹൈകോടതിയിൽ നൽകിയ ജാമ്യ ഹരജി പിൻവലിച്ചു. കൊടുങ്ങല്ലൂർ മതിലകം സ്വദേശികളും സഹോദരങ്ങളുമായ രാകേഷ് ഹർഷൻ, രാജീവ് ഹർഷൻ എന്നിവരാണ് ജാമ്യം നിഷേധിക്കുമെന്ന്​ ഉറപ്പായതോടെ ഹരജി പിൻവലിച്ചത്​. ദേശവിരുദ്ധ പ്രവർത്തനമാണ്​ ഇവരിൽനിന്നുണ്ടായതെന്ന്​ വെള്ളിയാഴ്​ച ജാമ്യ ഹരജി പരിഗണിക്കവേ കോടതി പറഞ്ഞു. 

രാഷ്​​ട്രത്തി​​െൻറ സാമ്പത്തിക ഭദ്രത തകർക്കുന്ന കുറ്റകൃത്യമെന്ന നിലയിൽ ജാമ്യം അനുവദിക്കാനാവില്ലെന്നും വ്യക്​തമാക്കിയതിനെ തുടർന്ന്​ ഹരജി പിൻവലിക്കാൻ അഭിഭാഷകൻ അനുമതി തേടി.​ സിംഗിൾ ബെഞ്ച്​ ഇത്​ അനുവദിക്കുകയായിരുന്നു. ജാമ്യം തേടി സെഷൻസ്​ കോടതിയെ സമീപിക്കുന്നതിൽ തടസ്സമില്ലെന്നും ഹൈകോടതി വ്യക്​തമാക്കി.