കോടിയേരിയുടെ പരാമര്‍ശം നൂറ്റാണ്ടിലെ തമാശ -വെള്ളാപ്പള്ളി

പത്തനാപുരം: ബി.ഡി.ജെ.എസിനെ ഇടതുമുന്നണിയില്‍ ഉൾപ്പെടുത്താത്തത് വര്‍ഗീയകക്ഷി ആയതുകൊണ്ടാ​െണന്ന കോടിയേരിയുടെ പരാമര്‍ശം നൂറ്റാണ്ടിലെ ഏറ്റവും വലിയ തമാശയാ​െണന്ന് എസ്.എൻ.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. എസ്.എൻ.ഡി.പി യോഗം പത്തനാപുരം യൂനിയ​​​െൻറ ആസ്ഥാന മന്ദിരം ഉദ്​ഘാടനം ചെയ്യുകയായിരുന്നു അദ്ദേഹം.

വർഗീയകക്ഷിയായ ഐ.എൻ.എല്‍ ഇടതുമുന്നണിയുമായി സഹകരിക്കുന്നുണ്ട്. അഴിമതിക്കേസില്‍ ശിക്ഷിക്കപ്പെട്ട ആര്‍. ബാലകൃഷ്ണപിള്ളയും അദ്ദേഹത്തി​​​െൻറ പാര്‍ട്ടിയുമായും സഹകരിച്ചുപോരുന്നു. കെ.എം. മാണിയെ സ്വീകരിക്കാന്‍ സി.പി.എം തയാറെടുക്കുന്നു. ഇവര്‍ക്കാര്‍ക്കും ഇല്ലാത്ത എന്ത് അയോഗ്യതയാണ് ബി.ഡി.ജെ.എസിന് ഉള്ളതെന്നും വെള്ളാപ്പള്ളി ചോദിച്ചു. മതേതരത്വം പറയുന്നവര്‍ ശോഷിച്ചുവരികയും ബി.ജെ.പിയുടെ വളര്‍ച്ച ജെറ്റ് വേഗത്തില്‍ ഉയര്‍ന്നുകൊണ്ടും ഇരിക്കുകയാണ്. സവര്‍ണാധിപത്യം പുനഃസ്ഥാപിക്കാനാണ് എല്‍.ഡി.എഫ് സര്‍ക്കാറി​​​െൻറ ശ്രമം. നമ്മള്‍ ചിഹ്നം നോക്കി വോട്ട് കുത്തിയപ്പോള്‍ മറ്റുള്ളവര്‍ പേര് നോക്കി വോട്ട് ചെയ്തു. ഈഴവ സമുദായം വെറും വോട്ട്​ കുത്തി യന്ത്രങ്ങളാകരുതെന്നും വെള്ളാപ്പള്ളി പറഞ്ഞു. യൂനിയന്‍ പ്രസിഡൻറ്​ ആദംകോട് ഷാജി, സെക്രട്ടറി ബി. ബിജു എന്നിവര്‍ സംസാരിച്ചു .

എസ്.എൻ ട്രസ്​റ്റ്​ ബോർഡ് അംഗം പ്രീതി നടേശൻ കോൺഫറൻസ് ഹാളും യൂത്ത് മൂവ്മ​​െൻറ്​ കേന്ദ്ര സമിതി ചെയർമാൻ പച്ചയിൽ സന്ദീപ് യൂത്ത് മൂവ്മ​​െൻറ്​ ഓഫിസും യോഗം കൗൺസിലർ വനജ വിദ്യാധരൻ വനിതാ സംഘം ഓഫിസും ഉദ്ഘാടനം ചെയ്​തു. പത്തനാപുരം നഗരഹൃദയത്തിൽ അരക്കോടിയിലധികം രൂപ ചെലവഴിച്ചാണ് യൂനിയന്‍ ഓഫിസ് നിർമിച്ചത്.