കാസർകോട്​ കൊലപാതകം: ആരെയും പാർട്ടി സംരക്ഷിക്കില്ല -കോട​ിയേരി

തിരുവനന്തപുരം: കാസർകോട്​ കൊലപാതകത്തിൽ സി.പി.എം പ്രവർത്തകർക്ക്​ ആർക്കെങ്കിലും പങ്കുണ്ടെങ്കിൽ അവർക്കെതിരെ നടപടി എടുക്കുമെന്ന്​ സംസ്ഥാന സെക്രട്ടറി കോടിയേരി ബാലകൃഷണൻ. കൊലപാതകവുമായി ബന്ധപ്പെട്ട​ ആരെയും സി.പി.എം സംരക്ഷിക്കില്ല. എല്ലാ പ്രതികളെയും നിയമത്തിന്​ മുന്നിലെത്തിക്കുമെന്നും കോടിയേരി ബാലകൃഷ്​ണൻ പറഞ്ഞു.

രാഷ്​ട്രീയബോധമുള്ള സി.പി.എം പ്രവർത്തകർക്ക്​ ഇത്തരം അക്രമങ്ങൾ ചെയ്യാനാവില്ല. എന്തൊക്കെ പ്രകോപനങ്ങൾ ഉണ്ടായാലും അക്രമത്തിന്​ മുന്നിട്ടറിങ്ങരുതെന്ന്​ പാർട്ടി നിർദേശം നൽകിയിട്ടുണ്ടെന്നും കോടിയേരി പറഞ്ഞു. എൽ.ഡി.എഫി​​െൻറ ജില്ലാ ജാഥ നടക്കുന്ന ദിവസം ഇത്തരം അക്രമപ്രവർത്തനങ്ങൾ നടത്തിയവർ പാർട്ടി നയങ്ങളെ അംഗീകരിക്കാത്തവരാണെന്നും കോടിയേരി വ്യക്​തമാക്കി.