വിധി നടപ്പാക്കേണ്ടെന്ന്​ കേന്ദ്രം പറ​യ​െട്ട- കോടിയേരി

തിരുവനന്തപുരം: ശബരിമല സ്​ത്രീ പ്രവേശനത്തിൽ സുപ്രീംകോടതി വിധി നടപ്പാക്കേണ്ടതില്ലെങ്കിൽ അത്​ കേന്ദ്രസർക്കാർ പറയ​െട്ടയെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. വിധി നടപ്പാക്കണമെന്നാണ്​ കേന്ദ്രസർക്കാർ പറയുന്നത്​. പിന്നെന്തിനാണ്​ ബി.ജെ.പി സമരം നടത്തുന്നുതെന്നും കോടിയേരി ചോദിച്ചു.

വിധി നടപ്പാക്കിയില്ലെങ്കിൽ സുപ്രീംകോടതി സർക്കാറിനെയാവും വിമർശിക്കുക. ഇതറിയാവുന്നവരാണ്​ ശബരിമലയിൽ കലാപത്തിന്​ ശ്രമിക്കുന്നത്​. കോടതി നിർദേശം നടപ്പാക്കണമെന്ന്​ സർക്കാറിന്​ വാശിയില്ലെന്നും കോടിയേരി പറഞ്ഞു.

കഴിഞ്ഞ ദിവസം ആക്​ടിവിസ്​റ്റുകളുൾപ്പടെ എല്ലാവർക്കും ശബരിമലയിൽ പ്രവേശനം നൽകണമെന്ന നിലപാട്​ കോടിയേരി ബാലകൃഷ്​ണൻ സ്വീകരിച്ചിരുന്നു. കടകംപള്ളിയുടെ നിലപാട്​ തള്ളിയായിരുന്നു കോടിയേരിയുടെ പ്രസ്​താവന.