Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightഒറ്റക്ക്​ നിന്നാൽ...

ഒറ്റക്ക്​ നിന്നാൽ ആർക്കും ശക്​തിയില്ല; കാനത്തിന് മറുപടിയുമായി കോടിയേരി

text_fields
bookmark_border
ഒറ്റക്ക്​ നിന്നാൽ ആർക്കും ശക്​തിയില്ല; കാനത്തിന് മറുപടിയുമായി കോടിയേരി
cancel

തിരുവനന്തപുരം: ഒറ്റക്ക്​ നിന്നാൽ കേരളത്തിൽ ഒരു പാർട്ടിയും വലിയ ശക്​തിയല്ലെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. 1965ലെ തെരഞ്ഞെടുപ്പ്​ ഇതിനുള്ള തെളിവാണ്​. ഇതിന്​ ശേഷം ആരും ഒറ്റക്ക്​ മൽസരിച്ചിട്ടില്ലെന്നും കോടിയേരി പറഞ്ഞു. കേരള കോൺഗ്രസ്​ മാണി വിഭാഗം കേരളത്തിലെ വലിയ ശക്​തിയല്ലെന്ന കാനം രാജേന്ദ്ര​​​െൻറ പ്രസ്​താവനയോടായിരുന്നു കോടിയേരിയുടെ മറുപടി.

ജോസ്​ കെ.മാണിയുടെ നിലപാട്​ വ്യക്​തമായാൽ അവരുമായി ചർച്ച നടത്തും. ഇതുവരെ ചർച്ചയൊന്നും നടത്തിയിട്ടില്ല. സി.പി.ഐക്ക്​ അവരുടേതായ നിലപാട്​ ഉണ്ടാകും. ഇക്കാര്യത്തിൽ അന്തിമ തീരുമാനം എടുക്കുക എൽ.ഡി.എഫാണെന്നും കോടിയേരി പറഞ്ഞു.
യു.ഡി.എഫിൽ ഇനിയും ചോർച്ചയുണ്ടാകും. ജോസ്​ കെ.മാണി വിഭാഗം മുന്നണി വിടുന്നതോടെ യു.ഡി.എഫ്​ ശിഥിലമാകും. ജോസ്​ കെ.മാണിക്ക്​ അവരുടേതായ മേഖലകളിൽ വ്യക്​തമായ സ്വാധീനമുണ്ടെന്നും കോടിയേരി കൂട്ടിച്ചേർത്തു.  

മുസ്​ലിം ലീഗ്​-വെൽഫയർ പാർട്ടി സഖ്യം സംസ്ഥാനത്ത്​ വർഗീയ ധ്രുവീകരണത്തിനിടയാക്കുമെന്ന്​  കോടിയേരി ബാലകൃഷ്​ണൻ പറഞ്ഞു. മുസ്​ലിം സമുദായം ഈ കൂട്ടുകെട്ട്​ അംഗീകരിക്കില്ല. പരാജയഭീതികൊണ്ടാണ്​ യു.ഡി.എഫ്​ വർഗീയ കക്ഷികളുമായി കൂട്ടുകെട്ടുണ്ടാക്കുന്നതെന്നും കോടിയേരി ആരോപിച്ചു.


LATEST VIDEO

Show Full Article
TAGS:kodiyeri balakrishnan kerala congress kerala news malayalam news 
Next Story