ഇനി വേണ്ടത്​ പരിസ്ഥിതി സംരക്ഷിച്ചുള്ള വികസനം-കോടിയേരി

തിരുവനന്തപുരം: യു എ ഇ സഹായം എങ്ങനെ ലഭ്യമാക്കാമെന്ന്​ ആലോചിക്കണമെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. കേന്ദ്രനയം തടസമാണെങ്കിൽ തിരുത്തണം.അതിനായി കൂട്ടായ പരിശ്രമം വേണം. മറ്റ് സംസ്ഥാനങ്ങളുടെ കാര്യത്തിൽ കാണിക്കുന്ന ശുഷ്‌കാന്തി കേരളത്തോടും കാണിക്കാൻ സംസ്ഥാനം ആവശ്യപ്പെട്ടണമെന്ന്​ പറഞ്ഞു.​വിദേശരാജ്യങ്ങളിൽ നിന്നുള്ള സഹായത്തിന് കേന്ദ്രസർക്കാരുമായി കൂട്ടായി സഹകരിക്കണം.

ലോക കേരള സഭയുടെ സഹായത്തോടെ വിദേശരാജ്യങ്ങളിൽ നിന്ന് പണം സമാഹരിക്കണം. അത് ലോകത്തിന് മാതൃകയാകുമെന്നും കോടിയേരി പറഞ്ഞു. ദുരന്തസാധ്യത പ്രദേശങ്ങളെ ഒഴിവാക്കിയാകണം നിർമ്മാണ പ്രവർത്തനങ്ങൾ നടത്തേണ്ടത്. ഇത്തരം സ്ഥലങ്ങളിൽ താമസിക്കുന്നവർക്ക്​ മറ്റൊരു സ്ഥലം തദ്ദേശ സ്വയംഭരണ സ്ഥാപനങ്ങൾ കണ്ടെത്തി നൽകണമെന്ന്​ അദ്ദേഹം ആവശ്യപ്പെട്ടു.

ഭൂമി കുറവാണ്​ എന്ന്​ മനസിലാക്കിയാണ്​ കേരളത്തി​​​​െൻറ പുനർനിർമാണം നടത്തേണ്ടത്​. പരിസ്ഥിതി സംരക്ഷിച്ച് ഉള്ള വികസന പ്രവർത്തനമാണ് വേണ്ടത്​. നിർമ്മാണ പ്രവർത്തനങ്ങൾ പരിഷ്കരിക്കണോ എന്ന പരിശോധിക്കണംജീവനോപാധികൾ കണ്ടെത്തുന്നതിന് പ്രത്യേകം ശ്രദ്ധ വേണമെന്നും കോടിയേരി പറഞ്ഞു.

പ്രളയം ഡാമുകൾ തുറന്നുവിട്ടതുകൊണ്ടല്ല. പ്രതിപക്ഷം വിഷയം രാഷ്ട്രീയവത്കരിക്കുന്നു. രണ്ട്​ എം.എൽ.എമാർ നിയമസഭയുടെ പ്രത്യേക സമ്മേളനത്തിൽ സംസാരിക്കാത്തത്​ പ്രശ്​നമാക്കേണ്ടതില്ലെന്നും കോടിയേരി പറഞ്ഞു.