Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോടിയേരി...

കോടിയേരി അവധിയിലേക്കെന്ന്​ സൂചന; അന്തിമതീരുമാനം സെക്ര​േട്ടറിയറ്റിൽ​

text_fields
bookmark_border
കോടിയേരി അവധിയിലേക്കെന്ന്​ സൂചന; അന്തിമതീരുമാനം സെക്ര​േട്ടറിയറ്റിൽ​
cancel

തിരുവനന്തപുരം: ചികിത്സയിലുള്ള സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ അവധിയിൽ പോയേക്കും. വെള്ളിയാഴ്​ച ചേരുന്ന സംസ്ഥാന സെക്ര​േട്ടറിയറ്റ്​ ഇക്കാര്യത്തിൽ അന്തിമ തീരുമാനമെടുക്കും. വിദേശസന്ദർശനത്തിന്​ പോയ മുഖ്യമന്ത്രി വ്യാഴാഴ്​ച മടങ്ങിയെത്തും. അമേരിക്കയിൽ ചികിത്സക്ക്​ പോയിരുന്ന കോടിയേരി ആഴ്​ചകൾക്ക്​ മുമ്പാണ്​ തിരിച്ചുവന്നത്​.

അതിനുശേഷം ഒരു പൊതുപരിപാടിയിലും പ​െങ്കടുത്തിട്ടില്ല. വീട്ടിൽ വിശ്രമത്തിലാണ്​. എ.കെ.ജി സ​​​െൻററിലെ ജീവനക്കാരൻ മാത്രമാണ് ഒാഫിസ്​ സംബന്ധമായ​ ആവശ്യങ്ങൾക്ക്​ അദ്ദേഹത്തെ കാണുന്നത്​. തുടർചികിത്സക്ക്​ വീണ്ടും അദ്ദേഹത്തിന്​ വിദേശത്തേക്ക്​ പോകേണ്ടിവരുമെന്ന്​ നേതാക്കൾ വ്യക്തമാക്കിയിരുന്നു.

ത​​​​െൻറ ബുദ്ധിമുട്ടുകൾ കോടിയേരി കേന്ദ്രനേതൃത്വത്തെ അറിയിച്ചിട്ടുണ്ട്​. എന്നാൽ, ചികിത്സക്കൊപ്പം സെക്രട്ടറി സ്ഥാനത്ത്​ തുടരണമെന്ന നിർദേശമാണ്​ ഉയർന്നത്. അവസാന തീരുമാനം സംസ്ഥാന ഘടകത്തിൽ എടുക്കണമെന്ന്​ നിർദേശിച്ചു. വെള്ളിയാഴ്​ചത്തെ യോഗത്തിൽ ഇത്​ പരിഗണിക്കും.

ത​​​​െൻറ നിലപാടിൽ കോടിയേരി ഉറച്ചുനിന്നാൽ താൽക്കാലിക ചുമതലക്കായി മറ്റൊരാളെ ചുമതലപ്പെടുത്തേണ്ടിവരും. മന്ത്രി ഇ.പി. ജയരാജൻ, എൽ.ഡി.എഫ്​ കൺവീനർ എ. വിജയരാഘവൻ, കേന്ദ്ര കമ്മിറ്റിയംഗം എം.വി. ഗോവിന്ദൻ തുടങ്ങിയവരുടെ പേരുകൾ പരിഗണിച്ചേക്കും.

പിണറായി വിജയൻ സെക്രട്ടറി സ്ഥാനം ഒഴിഞ്ഞതിനെതുടർന്ന്​ ആലപ്പുഴ സംസ്ഥാന സമ്മേളനമാണ്​ 2015 ഫെബ്രുവരി 23ന്​ കോടിയേരി ബാലകൃഷ്​ണനെ സംസ്ഥാന സെക്രട്ടറിയായി ആദ്യം തെരഞ്ഞെടുത്തത്​. 2018 ഫെബ്രുവരി 26ന്​ സമാപിച്ച തൃശൂർ സംസ്ഥാന സമ്മേളനത്തിൽ അദ്ദേഹത്തെ വീണ്ടും തെരഞ്ഞെടുത്തു.

Show Full Article
TAGS:Kodiyeri Balakrishanan kerala news malayalam news 
News Summary - Kodiyeri balakrishnan Leave-Kerala news
Next Story