ജാതി-മത ശക്​തികൾക്കെതിരായ വിധിയെഴുത്ത്​ -കോടിയേരി

തിരുവനന്തപുരം: തെരഞ്ഞെടുപ്പ്​ രാഷ്​ട്രീയത്തിൽ ജാതി-മത ശക്​തികൾ ഇടപെടുന്നതിനെതിരായ വിധിയെഴുത്താണ്​ അഞ്ച്​ നിയമസഭാ മണ്ഡലങ്ങളിലേക്ക്​ നടന്ന ഉപതെരഞ്ഞെടുപ്പിൽ ഉണ്ടായതെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ. എൽ.ഡി.എഫ്​​​ തിളക്കമാർന്ന വിജയമാണ്​ നേടിയത്​. എൻ.എസ്​.എസ്​ സാമുദായിക ധ്രുവീകരണമുണ്ടാക്കാൻ ശ്രമിച്ചുവെന്നും കോടിയേരി കൂട്ടിച്ചേർത്തു.

വലിയ തിരിച്ചടിയാണ്​ ബി.ജെ.പിക്കുണ്ടായത്​. അരൂരിലെ പരാജയത്തെ കുറിച്ച്​ പാർട്ടി പരിശോധിക്കും. സംസ്ഥാന സർക്കാറി​​െൻറ ഉത്തരവാദിത്തം വർധിപ്പിക്കുന്ന ജനവിധിയാണ്​ ഉണ്ടായതെന്നും കോടിയേരി ബാലകൃഷ്​ണൻ കൂട്ടിച്ചേർത്തു.

വിജയാഹ്ലാദങ്ങളിൽ എൽ.ഡി.എഫ്​ പ്രവർത്തകർ സംയമനം പാലിക്കണം. മറ്റ്​ പാർട്ടി ഓഫീസുകൾക്ക്​ മുന്നിൽ പ്രകടനം നടത്തരുതെന്നും അദ്ദേഹം ആവശ്യപ്പെട്ടു.