Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഎൻ.എസ്.എസി​െൻറ...

എൻ.എസ്.എസി​െൻറ വിരട്ടലിൽ സി.പി.എം ഭയക്കില്ല -കോടിയേരി

text_fields
bookmark_border
എൻ.എസ്.എസി​െൻറ വിരട്ടലിൽ  സി.പി.എം ഭയക്കില്ല -കോടിയേരി
cancel

കോഴിക്കോട്: എൻ.എസ്.എസിനെതിരെ തുറന്നടിച്ച് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. എൻ.എസ്.എസി‍​​​െൻറ വിരട്ടലിൽ സി.പി.എം ഭയപ്പെടില്ല. അവർക്ക്​ രാഷ്​ട്രീയ താൽപര്യമുണ്ടെങ്കിൽ രാഷ്​ട്രീയ പാർട്ടി രൂപവത്​കരിക്കണം. അല്ലാതെ നിഴൽ യുദ്ധം ചെയ്യുകയല്ല വേണ്ടത് ​-അദ്ദേഹം മാധ്യമങ്ങളോട് പറഞ്ഞു.

എൻ.എസ്.എസ് നേരത്തേയും സി.പി.എം വിരുദ്ധ നിലപാട് സ്വീകരിച്ചിട്ടുണ്ട്. സമുദായംഗങ്ങളുടെ പുരോഗതിക്ക് വേണ്ടിയുള്ള നിലപാടാണ് എൻ.എസ്.എസ് കൈക്കൊള്ളേണ്ടത്. രാഷ്​ട്രീയ നിലപാട് എടുക്കാൻ പാടില്ല. അത് അവരുടെ അണികൾതന്നെ എതിർക്കുന്നുണ്ടെന്നും കോടിയേരി പറഞ്ഞു.

എൻ.എസ്.എസിന് വേണമെങ്കിൽ പാർട്ടിയുണ്ടാക്കാം. മുമ്പ്​ അവരത് ചെയ്തിട്ടുമുണ്ട്, 1982ൽ. എൻ.ഡി.പി എന്നായിരുന്നു പാർട്ടിയുടെ പേര്. കേരള ചരിത്രത്തിൽ ഏറ്റവും കൂടുതൽ അഴിമതി നടത്തിയ പാർട്ടിയായിരുന്നു അത്​. അവരെ കൂടാതെ ധീവരസഭയുടെ ഡി.എൽ.പിയും എസ്.എൻ.ഡി.പിയുടെ എസ്.ആർ.പിയും ചേർന്ന മുന്നണിയായിരുന്നു യു.ഡി.എഫ്.

ആ മുന്നണിയെ പരാജയപ്പെടുത്തിയാണ് 1987ൽ ഇടതുമുന്നണി അധികാരത്തിൽ വന്നത്. അത്തരം വിരട്ടലുകൾക്ക് മുന്നിൽ സി.പി.എം ഭയപ്പെടാൻ പോകുന്നില്ല. ഇങ്ങനെയുള്ള രാഷ്​ട്രീയ പരീക്ഷണത്തിന് സുകുമാരൻ നായർ തുനിയുകയാണെങ്കിൽ നേരിടാൻ സി.പി.എമ്മിന് കഴിയുമെന്നും കോടിയേരി ബാലകൃഷ്ണൻ പറഞ്ഞു.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:CBIkodiyeri balakrishnankerala newsmamatha banerjeemalayalam news
News Summary - kodiyeri against mamatha banerjee-kerala news
Next Story