ആളുകളെ നേരത്തേ മാറ്റിപ്പാർപ്പിക്കാൻ മുൻകൈ എടുത്തില്ല; സജി ചെറിയാനെതിരെ കൊടിക്കുന്നിൽ സുരേഷ്​

ന്യൂഡൽഹി: ചെങ്ങന്നൂർ എം.എൽ.എ സജി ചെറിയാനെതിരെ കൊടിക്കുന്നിൽ സുരേഷ്​ എം.പി. വെള്ളപ്പൊക്ക കെടുതിയിൽനിന്ന്​ ചെങ്ങന്നൂർ നിവാസികളെ രക്ഷിക്കുന്നതിന്​ സജി ചെറിയാൻ ഉണർന്നു പ്രവർത്തിച്ചില്ലെന്നും പകരം നിലവിളിക്കുക മാത്രമാണ്​ ചെയ്​തതെന്നും കൊടിക്കുന്നിൽ ആരോപിച്ചു. 

ഡാമുകൾ തുറന്നുവിട്ട്​ വെള്ളം ഉയരുകയും പരിഭ്രാന്തി പടരുകയും ചെയ്​ത നേരത്ത്​ ചെങ്ങന്നൂരിൽ ‘സരസ്​’ എന്ന പേരിൽ കുടുംബശ്രീ മേളയുടെ ക്രമീകരണങ്ങളുമായി നടക്കുകയായിരുന്നു സജി ചെറിയാൻ. ചെങ്ങന്നൂരിൽനിന്ന്​ ആളുകളെ നേരത്തേ മാറ്റിപ്പാർപ്പിക്കാൻ എം.എൽ.എ മുൻകൈ എടുത്തില്ല. ഭരണസൗകര്യം ഉണ്ടായിട്ടും സർക്കാർ സഹായം ലഭ്യമാക്കിയില്ല. കാര്യങ്ങൾ പിടിവിട്ടപ്പോൾ ചാനലുകളിൽ നിലവിളിക്കുക മാത്രമാണ്​ ചെയ്​തത്​. 

പ്രളയക്കെടുതി ചർച്ചചെയ്യാൻ മാത്രമായി നടന്ന പ്രത്യേക നിയമസഭ സമ്മേളനത്തിൽ ചെങ്ങന്നൂരി​​​െൻറ പ്രതിനിധിക്ക്​ സംസാരിക്കാൻപോലും കഴിഞ്ഞില്ല. സി.പി.എം അവസരം നൽകിയില്ല. അവിടത്തെ ​ജനങ്ങൾ നേരിട്ട പ്രതിസന്ധി അവതരിപ്പിക്കാൻ ആളില്ലാതെ​ പോയത്​ ഖേദകരമാണ്​. എം.എൽ.എയായി തുടരാൻതന്നെ സജി ചെറിയാന്​ ധാർമിക അവകാശമില്ല. പാർട്ടിക്ക്​ വിശ്വാസമില്ലാത്ത എം.എൽ.എ തുടരുന്നതിൽ അർഥമില്ല. 

സ്​ഥലം എം.എൽ.എയെ കിട്ടാതെവന്നതി​​​െൻറ രോഷം​ പല കേന്ദ്രങ്ങളിലും തനിക്ക്​ നേരിടേണ്ടി വന്നുവെന്ന്​ കൊടിക്കുന്നിൽ സുരേഷ്​ പറഞ്ഞു. സാഹചര്യങ്ങളുടെ ഗൗരവം മനസ്സിലാക്കി രക്ഷാപ്രവർത്തനം നടത്തിയിരുന്നെങ്കിൽ സ്​ഥലം എം.എൽ.എക്ക്​ ചാനലിൽ കയറി നിലവിളിക്കേണ്ടിവരില്ലായിരുന്നു.  ചെങ്ങന്നൂർ നേരിട്ട പ്രതിസന്ധി പാർലമ​​െൻറിൽ താൻ ഉന്നയിക്കുമെന്നും കൊടിക്കുന്നിൽ പറഞ്ഞു.