കൊടകര കുഴൽപണക്കവർച്ച: കണ്ണൂർ സ്വദേശി അറസ്​റ്റിൽ

തൃ​ശൂ​ർ: കൊ​ട​ക​ര കു​ഴ​ൽ​പ​ണ​ക്ക​വ​ർ​ച്ച കേ​സി​ൽ ത​ട്ടി​പ്പ് ആ​സൂ​ത്ര​ണം ചെ​യ്ത​വ​രി​ലെ പ്ര​ധാ​നി​ക​ളി​ലൊ​രാ​ൾ കൂ​ടി അ​റ​സ്​​റ്റി​ൽ. ക​ണ്ണൂ​ർ ഇ​രി​ട്ടി മു​ഴ​ക്കു​ന്ന് സ​ക്കീ​ന മ​ൻ​സി​ലി​ൽ കു​നൂ​ൽ വീ​ട്ടിൽ അ​ബ്​​ദു​ൽ റ​ഹീ​മാ​ണ് അ​റ​സ്​​റ്റി​ലാ​യ​ത്. ക​ണ്ണൂ​രി​ലെ വീ​ട്ടി​ൽ​നി​ന്നാ​ണ് ഇ​യാ​ളെ അ​ന്വേ​ഷ​ണ​സം​ഘം പി​ടി​കൂ​ടി​യ​ത്. കു​ഴ​ൽ​പ​ണ ത​ട്ടി​പ്പ് ആ​സൂ​ത്ര​ണം ചെ​യ്ത റ​ഹീം ത​ട്ടി​പ്പി​െൻറ ആ​ദ്യാ​വ​സാ​ന പ​ങ്കാ​ളി​യാ​ണെ​ന്നും പൊ​ലീ​സ് പ​റ​ഞ്ഞു. ഇ​തോ​ടെ കേ​സി​ൽ 19 പ്ര​തി​ക​ൾ പി​ടി​യി​ലാ​യി.

ക​സ്​​റ്റ​ഡി​യി​ലു​ള്ള പ്ര​തി​ക​​ളെ ചോ​ദ്യം ചെ​യ്​​ത​തി​ൽ​നി​ന്നാ​ണ് ഇ​യാ​ളെ​ക്ക​ു​റി​ച്ചു​ള്ള വി​വ​ര​ങ്ങ​ൾ ല​ഭി​ച്ച​ത്. തൃ​ശൂ​രി​ലെ​ത്തി ഗു​ണ്ടാ​സം​ഘ​ങ്ങ​ളു​മാ​യി കൂ​ടി​ക്കാ​ഴ്ച ന​ട​ത്തി​യ​തി​ന്​ പു​റ​മെ കൊ​ട​ക​ര​യി​ൽ കാ​ർ ആ​ക്ര​മി​ച്ച് പ​ണം ത​ട്ടി​യെ​ടു​ക്കു​ന്ന സ​മ​യ​ത്തു​ൾ​പ്പെ​ടെ ഇ​യാ​ളു​ണ്ടാ​യി​രു​ന്ന​താ​യി പൊ​ലീ​സ് സ്ഥി​രീ​ക​രി​ച്ചു.

തൃ​ശൂ​രി​ൽ ഗു​ണ്ടാ​സം​ഘ​ത്തി​ന് വാ​ഹ​ന​ങ്ങ​ൾ ഒ​രു​ക്കി ന​ൽ​കി​യ​ത് അ​ബ്​​ദു​ൽ റ​ഹീം ആ​ണ്. സു​ജീ​ഷ് ഏ​ർ​പ്പാ​ടാ​ക്കി​യ ദീ​പ​ക്കും ര​ഞ്ജി​ത്ത​ും ഉ​ൾ​പ്പെ​ടെ​യു​ള്ള സം​ഘ​വു​മാ​യി നേ​രി​ട്ട് ക്വ​ട്ടേ​ഷ​ൻ വി​വ​ര​ങ്ങ​ൾ ച​ർ​ച്ച ചെ​യ്​​തു. കൊ​ട​ക​ര​യി​ലെ കാ​ർ ആ​ക്ര​മ​ണം ക​ഴി​ഞ്ഞ് ദീ​പ​ക്കി​െൻറ സം​ഘ​ത്തി​നു​ള്ള വി​ഹി​തം ന​ൽ​കി​യ ശേ​ഷം ഒ​രു​മി​ച്ചാ​ണ് സം​ഘം കോ​ഴി​ക്കോ​ട്ടേ​ക്കും പി​ന്നീ​ട് ക​ണ്ണൂ​രി​ലേ​ക്കും തി​രി​ച്ച​ത്.

റ​ഹീ​മി​െൻറ വീ​ട്ടി​ലെ​ത്തി പ​ണം വീ​തം​വെ​പ്പ് സം​ബ​ന്ധി​ച്ച ച​ർ​ച്ച​ക​ളി​ലേ​ക്ക് ക​ട​ക്കു​ന്ന​തി​നി​ടെ​യാ​ണ് പ​രാ​തി​യും പി​ന്നാ​ലെ മാ​ധ്യ​മ​വാ​ർ​ത്ത​ക​ളും ഉ​യ​ർ​ന്ന​ത്. ഇ​തോ​ടെ സം​ഘം വേ​ർ​പി​രി​യു​ക​യാ​യി​രു​ന്നു​വ​ത്രെ. ഏ​പ്രി​ൽ മൂ​ന്നി​ന്​ കൊ​ട​ക​ര മേ​ൽ​പാ​ല​ത്തി​ന് സ​മീ​പം വ്യാ​ജ വാ​ഹ​നാ​പ​ക​ട​മു​ണ്ടാ​ക്കി മൂ​ന്ന​ര​ക്കോ​ടി ത​ട്ടി​യെ​ന്നാ​ണ് ആ​ക്ഷേ​പം.

കാ​റും 25 ല​ക്ഷ​വും ന​ഷ്​​ട​പ്പെ​ട്ടെ​ന്നാ​യി​രു​ന്നു കോ​ഴി​ക്കോ​െ​ട്ട അ​ബ്കാ​രി​യും ആ​ർ.​എ​സ്.​എ​സ് പ്ര​വ​ർ​ത്ത​ക​നു​മാ​യ ധ​ർ​മ​രാ​ജ​ൻ ഡ്രൈ​വ​ർ ഷം​ജീ​ർ മു​ഖേ​ന കൊ​ട​ക​ര പൊ​ലീ​സി​ന് പ​രാ​തി ന​ൽ​കി​യി​രു​ന്ന​ത്. എ​ന്നാ​ൽ, ഇ​തി​ന​കം ത​ന്നെ പ്ര​തി​ക​ളി​ൽ​നി​ന്ന് 47.5 ല​ക്ഷം പൊ​ലീ​സ് ക​ണ്ടെ​ടു​ത്തു.