വനിതാ കോളജിലേക്ക്​ ലോ കോളജ് വിദ്യാർഥികളുടെ പ്രണയദിനറാലി തടഞ്ഞു; പൊലീസുമായി സംഘർഷം

കൊച്ചി: സ​​െൻറ് തെരേസാസ് കോളജിലേക്ക് പ്രണയദിനറാലി നടത്താനുള്ള എറണാകുളം ലോ കോളജ് വിദ്യാർഥികളുടെ ശ്രമം പൊലീസ് തടഞ്ഞു. തുടർന്ന്​ വിദ്യാർഥികളും പൊലീസും തമ്മിൽ സംഘർഷമുണ്ടായി. പരിപാടിയിൽ പങ്കെടുക്കാനെത്തിയ ഫ്രാൻസ് സ്വദേശി ആൽബെൻ അല്ഡവാത്ത്, ഇംഗ്ലണ്ട്​ സ്വദേശി ഡെറിക് ഡാൻലി എന്നിവരെ കസ്​റ്റഡിയിലെടുത്തു. വിദേശ പൗരന്മാരുടെ കേസുകളുടെ നടപടിക്രമങ്ങൾക്കായുള്ള പ്രത്യേക വിഭാഗത്തിൽ ഇവരെ ഹാജരാക്കി. 

ലോ കോളജ് വിദ്യാർഥികളുടെ സംഘടനയായ ലോകോസാണ്​ വല​ൈൻറൻസ്​ ദിനത്തിൽ പരിപാടി സംഘടിപ്പിച്ചത്​. റാലിക്കൊടുവിൽ തൊട്ടടുത്ത വനിതാ കോളജിലെ 3000 പെൺകുട്ടികൾക്ക് പൂക്കൾ നൽകി പ്രണയാഭ്യർഥന നടത്താനായിരുന്നു പദ്ധതി. എന്നാൽ, റാലിക്ക്​ അനുമതിയില്ലെന്ന്​  ലോ കോളജ്​ പ്രിൻസിപ്പൽ പൊലീസിനെ അറിയിച്ചു. മാർച്ചിനെക്കുറിച്ച്​ പൊലീസിനെയും അറിയിച്ചിരുന്നില്ല. കാമ്പസിലെത്തിയ പൊലീസ്, മാർച്ച് അനുവദിക്കില്ലെന്ന് അറിയിച്ചതോടെ വിദ്യാർഥികൾ പൊലീസിനെതിരെ മുദ്രാവാക്യം വിളി ആരംഭിക്കുകയും പ്രിൻസിപ്പലിനെ ഉപരോധിക്കുകയും ചെയ്തു.

കോളജിനുള്ളിൽ കയറി മർദിച്ചെന്നാരോപിച്ചായിരുന്നു പ്രതിഷേധം. ഇത്​ തടഞ്ഞ പൊലീസും വിദ്യാർഥികളും തമ്മിൽ ഉന്തും തള്ളുമുണ്ടായി. ഈസമയം അവിടെയുണ്ടായിരുന്ന രണ്ട് വിദേശ പൗരന്മാർ മാധ്യമപ്രവർത്തകരെന്ന് അവകാശപ്പെ​െട്ടങ്കിലും തിരിച്ചറിയൽ രേഖകളുണ്ടായിരുന്നില്ല. തുടർന്നാണ്​ കസ്​റ്റഡിയിലെടുത്തത്​. സംഭവത്തിൽ പ്രതിഷേധിച്ച് വ്യാഴാഴ്ച ​ലോ കോളജിൽ പഠിപ്പുമുടക്കുമെന്ന് വിദ്യാർഥികൾ പറഞ്ഞു.