കൊച്ചി ഗ്രേറ്റ് ഫയർ: നാടിനെ നടുക്കിയ തീപിടിത്തത്തിന്​ 132

മ​ട്ടാ​ഞ്ചേ​രി: ഫോ​ർ​ട്ട്​​കൊ​ച്ചി​യു​ടെ ച​രി​ത്ര​ത്തി​ലെ ഏ​റ്റ​വും വ​ലി​യ തീ​പി​ടി​ത്തം ന​ട​ന്നി​ട്ട് ഇ​ന്നേ​ക്ക്​ 132 വ​ർ​ഷം തി​ക​യു​ന്നു. 1889 ജ​നു​വ​രി നാ​ലി​നാ​യി​രു​ന്നു കാ​യ​ലോ​ര​ത്തെ സ്ഥാ​പ​ന​ങ്ങ​ളും വീ​ടു​ക​ളും ന​ക്കി​ത്തു​ട​ച്ച തീ​പി​ടി​ത്തം. ക​പ്പ​ൽ നി​ർ​മാ​ണ​ത്തി​ൽ കൊ​ച്ചി​ക്കു​ണ്ടാ​യി​രു​ന്ന പെ​രു​മ ത​ക​ർ​ക്കാ​ൻ ബ്രി​ട്ടീ​ഷു​കാ​ർ ആ​സൂ​ത്ര​ണം ചെ​യ്ത പ​ദ്ധ​തി ഒ​ടു​വി​ൽ അ​വ​ർ​ക്കു ത​ന്നെ വി​ന​യാ​യ തീ​പി​ടി​ത്ത​മാ​യി മാ​റു​ക​യാ​യി​രു​ന്നു. മേ​ഖ​ല​യി​ലെ മു​ന്നൂ​റോ​ളം വീ​ടു​ക​ളും ക​ത്തി​ന​ശി​ച്ചു.

കൊ​ച്ചി കാ​യ​ൽ തീ​ര​ത്ത് അ​ന്ന് പ​ത്തോ​ളം ക​പ്പ​ൽ നി​ർ​മാ​ണ കേ​ന്ദ്ര​ങ്ങ​ൾ ഉ​ണ്ടാ​യി​രു​ന്നു. ആ​ഞ്ഞി​ലി, തേ​ക്ക് ത​ടി​ക​ൾ കൊ​ണ്ടാ​യി​രു​ന്നു നി​ർ​മാ​ണം. ഈ​ടും ഉ​റ​പ്പും മാ​ത്ര​മ​ല്ല വി​ല​ക്കു​റ​വും കൊ​ച്ചി ക​പ്പ​ലു​ക​ളു​ടെ പ്ര​ത്യേ​ക​ത​യാ​യി​രു​ന്നു. അ​തി​നാ​ൽ അ​റ​ബി​ക​ളും യൂ​റോ​പ്യ​രും കൊ​ച്ചി​യി​ലെ ക​പ്പ​ലു​ക​ൾ വാ​ങ്ങാ​ൻ താ​ൽ​പ​ര്യം പു​ല​ർ​ത്തി​യി​രു​ന്ന​ത് ബ്രി​ട്ടീ​ഷ് ക​പ്പ​ൽ നി​ർ​മാ​ണ ക​മ്പ​നി​ക​ളെ അ​സൂ​യാ​ലു​ക്ക​ളാ​ക്കി.

അ​ങ്ങ​നെ​യി​രി​ക്കെ​യാ​ണ് 1887 ൽ 5000 ​ട​ൺ ച​ര​ക്ക് വ​ഹി​ക്കാ​ൻ ശേ​ഷി​യു​ള്ള 'ച​ന്ദ്ര​ഭാ​നു' ക​പ്പ​ൽ കൊ​ച്ചി​യി​ൽ പ​ണി​ത് നീ​റ്റി​ലി​റ​ക്കി​യ​ത്. ക​ലി പൂ​ണ്ട ബ്രി​ട്ടീ​ഷ് ക​മ്പ​നി​ക​ൾ ബ്രി​ട്ടീ​ഷ് സ​ർ​ക്കാ​റി​നെ സ്വാ​ധീ​നി​ച്ച് ക​പ്പ​ൽ ഉ​ട​മ​ക്കെ​തി​രെ കേ​സ് കൊ​ടു​ത്തു. ബ്രി​ട്ടീ​ഷ് ക​മ്പ​നി​ക​ൾ​ക്ക് അ​നു​കൂ​ല​മാ​യി വി​ധി വ​ന്നു. ക​പ്പ​ൽ ക​ണ്ടു​കെ​ട്ടാ​നും ഉ​ട​മ​യി​ൽ​നി​ന്ന്​ വ​ൻ തു​ക പി​ഴ​യാ​യി ഈ​ടാ​ക്കാ​നു​മാ​യി​രു​ന്നു വി​ധി.

ക​ൽ​വ​ത്തി കാ​യ​ൽ തീ​ര​ത്തു​നി​ന്ന്​ വ​ട​ക്ക് പ​ടി​ഞ്ഞാ​റ് മാ​റി ഇ​പ്പോ​ഴ​ത്തെ വ​ല്ലാ​ർ​പാ​ടം ക​ണ്ടെ​യ്ന​ർ ടെ​ർ​മി​ന​ലി​െൻറ സ്ഥ​ല​ത്ത് കോ​ട​തി വി​ധി പ്ര​കാ​രം ക​പ്പ​ൽ കെ​ട്ടി​യി​ട്ടു. ര​ണ്ടു​വ​ർ​ഷം ക​ഴി​ഞ്ഞ്​ 1889 ജ​നു​വ​രി നാ​ലി​ന് വൈ​കീ​ട്ട് നാ​ലു​മ​ണി​യോ​ടെ ക​പ്പ​ലി​ൽ​നി​ന്ന്​ പു​ക ഉ​യ​ർ​ന്നു. ക്ര​മേ​ണ​ ആ​കാ​ശം മു​ട്ടെ ഉ​യ​ർ​ന്ന തീ​യാ​യി മാ​റി.

ഇ​തി​നി​ടെ ക​പ്പ​ൽ കെ​ട്ട​ഴി​ച്ചു​വി​ടാ​ൻ ബ്രി​ട്ടീ​ഷ് ഭ​ര​ണാ​ധി​കാ​രി​ക​ൾ ക​ൽ​പി​ച്ചു. ക​ത്തു​ന്ന ക​പ്പ​ൽ കാ​റ്റി​െൻറ ഗ​തി​ക്ക​നു​സ​രി​ച്ച് പ​ടി​ഞ്ഞാ​റോ​ട്ട് നീ​ങ്ങി പു​റം​ക​ട​ലി​ലേ​ക്ക് ഒ​ഴു​കു​മെ​ന്നാ​യി​രു​ന്നു ഉ​ദ്യോ​ഗ​സ്ഥ​ർ ക​ണ​ക്ക് കൂ​ട്ടി​യി​രു​ന്ന​ത്. എ​ന്നാ​ൽ, ക​ണ​ക്ക് കൂ​ട്ട​ൽ തെ​റ്റി​ച്ച്​ ക​പ്പ​ൽ ഒ​ഴു​കി വ​ന്ന​ത് ക​ൽ​വ​ത്തി തീ​ര​ത്തേ​ക്ക്.

വോ​ൾ​ക്കാ​ട്ട് ക​മ്പ​നി സ്ഥി​തി ചെ​യ്യു​ന്ന ഭാ​ഗ​ത്ത് ക​പ്പ​ൽ അ​ടി​ഞ്ഞു. ക​മ്പ​നി​യും ക​മ്പ​നി​യി​ലു​ണ്ടാ​യി​രു​ന്ന അ​രി, വെ​ളി​ച്ചെ​ണ്ണ ഉ​ൾ​പ്പെ​ടെ സാ​ധ​ന​ങ്ങ​ളും ക​ത്തി. വെ​ളി​ച്ചെ​ണ്ണ​ക്ക് തീ​പി​ടി​ച്ച​തോ​ടെ അ​ഗ്​​നി​യു​ടെ ശ​ക്തി വീ​ണ്ടും വ​ർ​ധി​ച്ചു.

ആ ​ഭാ​ഗ​ത്തു​ണ്ടാ​യി​രു​ന്ന യൂ​റോ​പ്യ​ൻ ക​മ്പ​നി​ക​ളും മു​ന്നൂ​റോ​ളം വീ​ടു​ക​ളും ക​ത്തി​യെ​രി​ഞ്ഞു. അ​ന്ന് ബ്രി​ട്ടീ​ഷു​കാ​ർ​ക്കും നാ​ട്ടു​കാ​ർ​ക്കും അ​ഭ​യ​മാ​യ​ത് ക​ൽ​വ​ത്തി മു​സ്​​ലിം പ​ള്ളി​യാ​യി​രു​ന്നു. പ​ള്ളി​യു​ടെ ചെ​റി​യൊ​രു ചാ​യ്പി​ന് തീ​പി​ടി​ച്ചെ​ങ്കി​ലും ര​ക്ഷ​പ്പെ​ട്ട് ഓ​ടി​യെ​ത്തി​യ​വ​ർ​ക്ക് പൂ​ർ​ണ സം​ര​ക്ഷ​ണം ല​ഭി​ച്ചു .

'കൊ​ച്ചി ഗ്രേ​റ്റ് ഫ​യ​ർ' എ​ന്നാ​ണ് ബ്രി​ട്ടീ​ഷു​കാ​ർ സം​ഭ​വ​ത്തെ അ​നു​സ്മ​രി​ച്ച​ത്. തീ​പി​ടി​ത്ത​ത്തി​െൻറ ഓ​ർ​മ​ക്കാ​യി ഫോ​ർ​ട്ട്​​കൊ​ച്ചി ക​ട​പ്പു​റ​ത്ത് വ​ലി​യ സ്തൂ​പ​മു​ണ്ട്. ഫോ​ർ​ട്ട്​​കൊ​ച്ചി കു​ട്ടി​ക​ളു​ടെ പാ​ർ​ക്കി​ന്​ സ​മീ​പം പോ​ർ​ച്ചു​ഗീ​സു​കാ​ർ പ​ണി​ത സാ​ന്താ​ക്രൂ​സ് ദേ​വാ​ല​യം ഡ​ച്ചു​കാ​ർ പൊ​ളി​ച്ചു​നീ​ക്കി​യ​പ്പോ​ൾ ശേ​ഷി​ച്ച ഏ​താ​ണ്ട് മൂ​ന്ന് മീ​റ്റ​ർ നീ​ള​മു​ള്ള തൂ​ൺ സ്ഥാ​പി​ച്ച​ത് 1890 ഒ​ക്ടോ​ബ​ർ ഏ​ഴി​ന് തു​റ​മു​ഖ ഓ​ഫി​സ​റാ​യി​രു​ന്ന ജെ.​ഇ. വി​ൻ​ക്ല​റാ​ണ്.

തീ​പി​ടി​ത്ത​വു​മാ​യി തൂ​ണി​ന് ബ​ന്ധ​മി​ല്ലെ​ങ്കി​ലും വി​ൻ​ക്ല​ർ സ്ഥാ​പി​ച്ച സ്തൂ​പം ഗ്രേ​റ്റ് ഫ​യ​റി​െൻറ സ്മ​ര​ണ​യാ​യി ക​ണ​ക്കാ​ക്കു​ക​യാ​ണ്.