അ​ന്താ​രാ​ഷ്ട്ര​ത​ല​ത്തി​ലേ​ക്ക് കൊ​ച്ചി ഫി​ഷ​റീ​സ് ഹാ​ർ​ബ​റി​നെ ഉ​യ​ർ​ത്തും; ഹാർബർ നവീകരണം പുനരാരംഭിച്ചു

മ​ട്ടാ​ഞ്ചേ​രി: അ​ന്താ​രാഷ്ട്ര​ത​ല​ത്തി​ലേ​ക്ക് കൊ​ച്ചി ഫി​ഷ​റീ​സ് ഹാ​ർ​ബ​റി​നെ ഉ​യ​ർ​ത്താ​നു​ള്ള ന​വീ​ക​ര​ണ പ​ദ്ധ​തി​ക്ക്​ ജീ​വ​ൻ വെ​ക്കു​ന്നു. ഹാ​ർ​ബ​ർ സം​ര​ക്ഷ​ണ സ​മി​തി​യു​ടെ ശ​ക്ത​മാ​യ ഇ​ട​പെ​ട​ലു​ക​ളെ തു​ട​ർ​ന്നാ​ണ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ പു​ന​രാ​രം​ഭി​ച്ച​ത്.

ഹാ​ർ​ബ​റി​ലേ​ക്കു​ള്ള റോ​ഡി​ന്റെ ന​വീ​ക​ര​ണ പ്ര​വ​ർ​ത്ത​ന​ങ്ങ​ളാ​ണ് ആ​ദ്യം തു​ട​ങ്ങി​യ​ത്. അ​തേ​സ​മ​യം, 12 മീ​റ്റ​ർ വീ​തി​യി​ലു​ള്ള ന​വീ​ക​ര​ണ​മാ​ണ് അ​ധി​കൃ​ത​ർ പ​റ​ഞ്ഞി​രു​ന്ന​തെ​ന്നും ആ​റ് മീ​റ്റ​ർ വീ​തി​യി​ലാ​ണ് ഇ​പ്പോ​ൾ ന​ട​ക്കു​ന്ന​തെ​ന്നും ധാ​ര​ണ പ്ര​കാ​ര​മു​ള്ള 12 അ​ടി​യി​ൽ​ത​ന്നെ​യു​ള്ള ന​വീ​ക​ര​ണം വേ​ണ​മെ​ന്നും സം​ര​ക്ഷ​ണ സ​മി​തി ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു.

ഇ​തു​സം​ബ​ന്ധി​ച്ച് സ​മി​തി ഭാ​ര​വാ​ഹി​ക​ൾ പോ​ർ​ട്ട് അ​ധി​കൃ​ത​രു​മാ​യി ച​ർ​ച്ച​യും ന​ട​ത്തി. വൈ​സ് ചെ​യ​ർ​മാ​ൻ എ.​എം. നൗ​ഷാ​ദ്, എ​ൻ.​എ​ച്ച്. ഇ​സ്ഹാ​ക്, സി.​എ​സ്. യൂ​സ​ഫ്, സി.​ബി. റ​ഷീ​ദ് എ​ന്നി​വ​രാ​ണ് ച​ർ​ച്ച ന​ട​ത്തി​യ​ത്. പ​രി​ഹാ​ര​മു​ണ്ടാ​ക്കാ​മെ​ന്ന് അ​ധി​കൃ​ത​ർ ഉ​റ​പ്പു​ന​ൽ​കി​യ​താ​യി വൈ​സ് ചെ​യ​ർ​മാ​ൻ പ​റ​ഞ്ഞു.

2021-22 കേ​ന്ദ്ര ബ​ജ​റ്റി​ൽ രാ​ജ്യ​ത്തെ അ​ഞ്ച് മ​ത്സ്യ​ബ​ന്ധ​ന തു​റ​മു​ഖ​ങ്ങ​ൾ അ​ന്താ​രാ​ഷ്ട്ര നി​ല​വാ​ര​ത്തി​ലേ​ക്ക് ഉ​യ​ർ​ത്താ​ൻ തീ​രു​മാ​നി​ച്ച​തി​ൽ ഒ​ന്ന് കൊ​ച്ചി ഫി​ഷ​റീ​സ് ഹാ​ർ​ബ​റാ​യി​രു​ന്നു.

140 കോ​ടി​യു​ടെ പ​ദ്ധ​തി​യി​ൽ ആ​ധു​നി​ക മ​ത്സ്യ​ശേ​ഖ​ര​ണ സം​വി​ധാ​ന​ങ്ങ​ളും ക​യ​റ്റി​റ​ക്ക് സൗ​ക​ര്യ​ങ്ങ​ളും ശു​ചി​മു​റി, വി​ശ്ര​മ​കേ​ന്ദ്രം, താ​പ​നി​ല നി​യ​ന്ത്രി​ത ലേ​ല കേ​ന്ദ്രം, പാ​ക്കി​ങ് യൂ​നി​റ്റു​ക​ൾ എ​ന്നി​വ വി​ഭാ​വ​നം ചെ​യ്തി​രു​ന്നു. എ​ന്നാ​ൽ, 50 ശ​ത​മാ​നം പ്ര​ദേ​ശ​ത്തെ കെ​ട്ടി​ട​ങ്ങ​ൾ പൊ​ളി​ച്ചു​നീ​ക്കി​യ​തി​ന് ശേ​ഷം നി​ർ​മാ​ണം സ്തം​ഭ​നാ​വ​സ്ഥ​യി​ലാ​യി. ഇ​ത് ഹാ​ർ​ബ​റി​ൽ മ​ത്സ്യം കൈ​കാ​ര്യം ചെ​യ്യു​ന്ന​തി​നെ ബാ​ധി​ക്കു​ക​യും ചെ​യ്തു. തു​ട​ർ​ന്ന് ഹാ​ർ​ബ​ർ സം​ര​ക്ഷ​ണ സ​മി​തി​യു​ടെ നേ​തൃ​ത്വ​ത്തി​ൽ പോ​ർ​ട്ട് ഉ​പ​രോ​ധം അ​ട​ക്ക​മു​ള്ള സ​മ​ര​ങ്ങ​ൾ ന​ട​ത്തി.

ഡി​സം​ബ​ർ 21ന് ​ര​ണ്ടാം​ഘ​ട്ട സ​മ​ര​മെ​ന്ന നി​ല​യി​ൽ കൊ​ച്ചി​ൻ പോ​ർ​ട്ടി​ന്റെ ഇ​രു ടോ​ൾ ഗേ​റ്റു​ക​ളും ഉ​പ​രോ​ധി​ക്കാ​ൻ തീ​രു​മാ​നി​ച്ച​തി​ന് പി​ന്നാ​ലെ പോ​ർ​ട്ട് അ​ധി​കൃ​ത​ർ സം​ര​ക്ഷ​ണ സ​മി​തി നേ​താ​ക്ക​ളെ ച​ർ​ച്ച​ക്ക് വി​ളി​ക്കു​ക​യും അ​നു​കൂ​ല സ​മീ​പ​ന​മു​ണ്ടാ​യ​തി​നെ തു​ട​ർ​ന്ന് സ​മ​രം താ​ൽ​ക്കാ​ലി​ക​മാ​യി നി​ർ​ത്തു​ക​യു​മാ​യി​രു​ന്നു.