കെ.എൻ.ഇ.എഫ് സംസ്ഥാന സമ്മേളന ലോഗോ പ്രകാശനം ചെയ്തു

തിരുവനന്തപുരം: കെ.എൻ.ഇ.എഫ് 20-ാം സംസ്ഥാന സമ്മേളന ലോഗോ കേസരി ഹാളിൽ മന്ത്രി ആന്റണി രാജു കെ.യു.ഡബ്ല്യു.ജെ സംസ്ഥാന ട്രഷറർ സുരേഷ് വെളളിമംഗലത്തിന് നൽകി പ്രകാശനം ചെയ്തു. സംസ്ഥാന പ്രസിഡന്‍റ് വി.എസ് ജോൺസൺ അധ്യക്ഷത വഹിച്ചു.

എ.ഐ.എൻ.ഇ.എഫ് ജന. സെക്രട്ടറി വി. ബാലഗോപാൽ, ജനറൽ കൺവീനർ ഉദയകുമാർ, ആക്ടിങ് ജന. സെക്രട്ടറി ജയിസൺ മാത്യു, ജില്ല പ്രസിഡന്‍റ് ജി. പ്രവീൺ എന്നിവർ സംസാരിച്ചു.

മേയ് 24, 25 തീയതികളിൽ തിരുവനന്തപുരത്താണ് സംസ്ഥാന സമ്മേളനം. മുഖ്യമന്ത്രി പിണറായി വിജയൻ സമ്മേളനം ഉദ്ഘാടനംചെയ്യും.