കേന്ദ്ര ബജറ്റ്​: അർഹമായ വിഹിതം ​​പ്രതീക്ഷിക്കുന്നു -മന്ത്രി

തി​രു​വ​ന​ന്ത​പു​രം: കേ​ന്ദ്ര ബ​ജ​റ്റി​ൽ കേ​ര​ള​ത്തി​ന്​ അ​ർ​ഹ​ത​പ്പെ​ട്ട വി​ഹി​തം ​പ്ര​തീ​ക്ഷി​ക്കു​ന്നെ​ന്ന്​ മ​ന്ത്രി കെ.​എ​ൻ. ബാ​ല​ഗോ​പാ​ൽ. 24000 കോ​ടി​യു​ടെ പാ​ക്കേ​ജ് സം​സ്ഥാ​നം ആ​വ​ശ്യ​പ്പെ​ട്ടി​ട്ടു​ണ്ട്. ആ​വ​ശ്യ​പ്പെ​ട്ട​തി​ൽ മു​ഴു​വ​ൻ ല​ഭി​ച്ചി​ല്ലെ​ങ്കി​ലും പ​കു​തി​യെ​ങ്കി​ലും ല​ഭി​ക്കു​മെ​ന്നാ​ണ് ക​രു​തു​ന്ന​തെ​ന്ന്​ മ​ന്ത്രി മാ​ധ്യ​മ​പ്ര​വ​ർ​ത്ത​ക​​രോ​ട്​ പ​റ​ഞ്ഞു. വ​യ​നാ​ടി​നു​വേ​ണ്ടി ആ​വ​ശ്യ​പ്പെ​ട്ട​ത് 2000 കോ​ടി​യു​ടെ പാ​ക്കേ​ജാ​ണ്. വ​യ​നാ​ട്​ തീ​വ്ര​ദു​ര​ന്ത​മാ​യി പ്ര​ഖ്യാ​പി​ച്ചെ​ങ്കി​ലും പ്ര​ത്യേ​ക സ​ഹാ​യം ഇ​തു​വ​രെ അ​നു​വ​ദി​ച്ചി​ട്ടി​ല്ല.

ജി.​എ​സ്.​പി ന​ഷ്ട​പ​രി​ഹാ​ര കാ​ലാ​വ​ധി അ​ഞ്ചു​വ​ർ​ഷ​മെ​ന്ന​ത്​ ദീ​ർ​ഘി​പ്പി​ക്ക​ണം. വി​ഴി​ഞ്ഞം തു​റ​മു​ഖ​ത്തി​നാ​യി പ്ര​ത്യേ​ക പാ​ക്കേ​ജും ആ​വ​ശ്യ​പ്പെ​ട്ടി​ട്ടു​ണ്ട്. 5000 കോ​ടി​യാ​ണ് ആ​വ​ശ്യ​പ്പെ​ട്ട​ത്.

വി​ഴി​ഞ്ഞം തു​റ​മു​ഖ പ​ദ്ധ​തി​യി​ൽ വ​യ​ബി​ലി​റ്റി ഗ്യാ​പ്​ ഫ​ണ്ട്​ തി​രി​ച്ച​ട​ക്ക​ണ​മെ​ന്ന വ്യ​വ​സ്ഥ ഒ​ഴി​വാ​ക്ക​ണ​മെ​ന്ന ആ​വ​ശ്യ​വും ഉ​ന്ന​യി​ച്ചി​ട്ടു​ണ്ട്. പ്ര​വാ​സി​ക​ൾ​ക്ക് സം​ര​ക്ഷ​ണ പ​ദ്ധ​തി​ക​ൾ​ക്കാ​യി 300 കോ​ടി​യും റ​ബ​ർ താ​ങ്ങു​വി​ല 250 രൂ​പ​യാ​യി നി​ല​നി​ർ​ത്തു​ന്ന​തി​ന് 1000 കോ​ടി​യും നീ​ക്കി​വെ​ക്ക​ണം. കേ​ന്ദ്ര ബ​ജ​റ്റി​ൽ നി​ന്ന് പ്ര​തീ​ക്ഷി​ക്കു​ന്ന​ത് സ​മ്പ​ദ് വ്യ​വ​സ്ഥ​യെ ഊ​ർ​ജ​സ്വ​ല​മാ​ക്കു​ന്ന ന​ട​പ​ടി​ക​ളാ​ണ്​. മൂ​ല​ധ​ന നി​ക്ഷേ​പം കൂ​ട്ടു​ന്ന​തി​നു​ള്ള ന​ട​പ​ടി​ക​ളും പ്ര​തീ​ക്ഷി​ക്കു​ന്നു​​ണ്ടെ​ന്ന്​ മ​ന്ത്രി പ​റ​ഞ്ഞു.