You are here

നീ​തി കി​ട്ടാ​ത്ത​ത്​ ക​രു​ണാ​ക​ര​നു മാ​ത്രം –മു​ര​ളീ​ധ​ര​ന്‍

15:16 PM
14/09/2018
k muraleedharan

കോ​ഴി​ക്കോ​ട്: ചാ​ര​ക്കേ​സി​ൽ പ്ര​തി​ചേ​ർ​ത്ത ന​മ്പി നാ​രാ​യ​ണ​ന്​ ന​ഷ്​​ട​പ​രി​ഹാ​രം ന​ൽ​ക​ണ​മെ​ന്ന സു​പ്രീം​കോ​ട​തി വി​ധി സ്വാ​ഗ​തം ചെ​യ്യു​ന്നു​വെ​ന്നും കാ​ല​ങ്ങ​ളാ​യി പീ​ഡി​പ്പി​ക്ക​പ്പെ​ട്ട ശാ​സ്ത്ര​ജ്​​ഞ​ന്​​ വൈ​കി വ​ന്ന അം​ഗീ​കാ​ര​മാ​ണ് വി​ധി​യെ​ന്നും കോ​ണ്‍ഗ്ര​സ് നേ​താ​വ് കെ. ​മു​ര​ളീ​ധ​ര​ൻ. കോ​ട​തി​വി​ധി​യോ​ട്​ പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. 

ചാ​ര​ക്കേ​സ് ചാ​ര​മാ​യ​തോ​ടെ കെ. ​ക​രു​ണാ​ക​ര​ൻ നീ​തി​മാ​നാ​യ ഭ​ര​ണ ക​ര്‍ത്താ​വാ​യി​രു​ന്നു​വെ​ന്ന് വ്യ​ക്ത​മാ​യി. നീ​തി​കി​ട്ടാ​തെ പോ​യ​ത് ക​രു​ണാ​ക​ര​നു മാ​ത്ര​മാ​ണെ​ങ്കി​ലും വി​ധി​യി​ല്‍ തൃ​പ്തി​യു​ണ്ട്. സ്വാ​ത​ന്ത്യ​സ​മ​ര​ത്തി​ല്‍ പ​ങ്കെ​ടു​ത്ത് നാ​ടി​നും പാ​ര്‍ട്ടി​ക്കും സേ​വ​നം മാ​ത്രം ചെ​യ്ത ക​രു​ണാ​ക​ര​നെ​യാ​ണ് രാ​ജ്യ​ത്തെ ഒ​റ്റി​ക്കൊ​ടു​ത്തെ​ന്ന കു​റ്റം ചാ​ര്‍ത്തി ഇ​റ​ക്കി​വി​ട്ട​ത്.

ക​ള്ള​ക്കേ​സ് ച​മ​ച്ച​വ​രെ പി​ടി​കൂ​ടാ​ൻ വി​ധി​യി​ലൂ​ടെ ക​ഴി​യു​മെ​ന്ന് പ്ര​തീ​ക്ഷി​ക്കു​ന്നു. ജു​ഡീ​ഷ്യ​ല്‍ അ​ന്വേ​ഷ​ണ​ത്തി​ല്‍ മൂ​ന്ന് ഉ​ദ്യോ​ഗ​സ്ഥ​രെ ചോ​ദ്യം ചെ​യ്യു​േ​മ്പാ​ൾ ഗൂ​ഢാ​ലോ​ച​ന  പു​റ​ത്താ​കും. ക​രു​ണാ​ക​ര​നെ രാ​ജി​വെ​പ്പി​ക്കാ​ന്‍ അ​വ​സാ​ന​മാ​യി ശ്ര​മി​ച്ച​ത് ന​ര​സിം​ഹ​റാ​വു​വാ​ണ്. ബാ​ബ​രി മ​സ്ജി​ദ്​ ത​ക​ര്‍ച്ച​യെ തു​ട​ര്‍ന്ന് ന്യൂ​ന​പ​ക്ഷ വോ​ട്ടു​ക​ള്‍ കോ​ണ്‍ഗ്ര​സി​ന് ന​ഷ്​​ട​പ്പെ​ടു​ത്തി​യ​ത് റാ​വു​വാ​െ​ണ​ന്നും  അ​ദ്ദേ​ഹ​​ത്തെ മാ​റ്റ​ണ​മെ​ന്നും ആ​ക്ഷേ​പ​മു​ണ്ടാ​യ സാ​ഹ​ച​ര്യ​ത്തി​ലാ​ണ്​ റാ​വു എ​തി​രാ​യ​ത്. റാ​വു​വി​ന് പ​ക​രം മാ​ധ്യ​മ​ങ്ങ​ളി​ല്‍ ക​രു​ണാ​ക​ര​​​​െൻറ പേ​രും ഉ​ള്‍പ്പെ​ട്ട​താ​ണ്​ പ്ര​ശ്​​ന​മാ​യ​ത്. 

മാ​ധ്യ​മ​ങ്ങ​ളി​ല്‍ ക​ണ്ട ര​ണ്ടു പേ​രെ കേ​സി​ല്‍ ഉ​ള്‍പ്പെ​ടു​ത്തി രാ​ജി​വെ​പ്പി​ച്ച​പ്പോ​ൾ ക​രു​ണാ​ക​ര​​നെ ചാ​ര​ക്കേ​സി​ലും കു​ടു​ക്കി.  ഡ​ല്‍ഹി​യി​ലേ​ക്ക് വി​ളി​പ്പി​ച്ച് ഒ​രാ​ഴ്ച​യോ​ളം സ്ഥാ​നം ന​ല്‍കാ​തെ ഒ​ടു​വി​ൽ അ​പ്ര​ധാ​ന ചു​ത​ല​യു​ള്ള മ​ന്ത്രി​യാ​ക്കി ഒ​തു​ക്കി റാ​വു ക​രു​ണാ​ക​ര​നെ ച​തി​ക്കു​ക​യാ​യി​രു​ന്നു. കേ​സ് കെ​ട്ടി​ച്ച​മ​ച്ച​താ​ണെ​ന്നും ചാ​ര്‍ജ് ഷീ​റ്റ് തെ​റ്റാ​െ​ണ​ന്നും എ​ല്ലാ​വ​ര്‍ക്കും ബോ​ധ്യ​പ്പെ​ട്ട​തി​നാ​ൽ അ​തി​ലേ​ക്ക് ന​യി​ച്ച കാ​ര്യ​ങ്ങ​ൾ ഇ​നി അ​ന്വേ​ഷി​ക്ക​ണം. ന​മ്പി നാ​രാ​യ​ണ​ൻ തെ​റ്റു​ചെ​യ്യാ​ത്ത​തു​കൊ​ണ്ടാ​ണ്​ കോ​ട​തി ന​ഷ്​​ടം വി​ധി​ച്ച​തെ​ന്നും മു​ര​ളീ​ധ​ര​ന്‍ പ​റ​ഞ്ഞു.

Loading...
COMMENTS