കെ.എം.എം.എൽ: താൽക്കാലിക ജീവനക്കാരെ സ്ഥിരപ്പെടുത്തും -ഇ.പി ജയരാജൻ

തിരുവനന്തപുരം: കെ.എം.എം.എല്ലിലെ താൽക്കാലിക ജീവനക്കാരെ സ്ഥിരപ്പെടുത്തുമെന്ന്​ വ്യവസായ മന്ത്രി ഇ.പി ജയരാജൻ. നി ലവിൽ 410 തൊഴിലാളികളാണ്​ ഇത്തരത്തിൽ ജോലി ചെയ്യുന്നത്​. ഏറ്റവും കൂടുതൽ സർവീസുള്ളവരെയാണ്​ സ്ഥിരപ്പെടുത്തുകയെന്നും മന്ത്രി പറഞ്ഞു.

പിണറായി വിജയൻ അധികാരമേറ്റെടുത്തതിന്​ ശേഷം കഴിഞ്ഞ വർഷാവസാനം വരെ 36,000 സൂക്ഷ്​മ-ചെറുകിട-ഇടത്തര വ്യവസായ യൂണിറ്റുകൾ സംസ്ഥാനത്ത്​ പ്രവർത്തനം ആരംഭിച്ചിട്ടുണ്ട്​. അതിലെല്ലാം കൂടി 127000ൽ പരം തൊഴിലവസരങ്ങൾ സൃഷ്​ടിക്കാൻ സാധിച്ചിട്ടുണ്ടെന്നും ജയരാജൻ വ്യക്​തമാക്കി. ഇത്തരത്തിൽ എല്ലാ മേഖലയിലും തൊഴിൽ സാധ്യതകൾ പരമാവധി ഉയർത്തിക്കൊണ്ടുവരാനും കേരളത്തി​​​​െൻറ സാമ്പത്തിക സ്ഥിതി മെച്ചപ്പെടുത്താനുമുള്ള പ്രവർത്തനങ്ങളാണ്​ വ്യവസായ രംഗത്ത്​ നടപ്പിലാക്കിക്കൊണ്ടിരിക്കുന്നതെന്നും​ മന്ത്രി കൂട്ടിച്ചേർത്തു.