കോവിഡ് കാലത്ത് കെ.എം.സി.സി എത്തിച്ചത്​ നൂറുകോടിയുടെ സഹായം

കോഴിക്കോട്: കോവിഡ് കാലത്ത് ലോകത്ത്​ വിവിധ ഭാഗങ്ങളിലെ കെ.എം.സി.സി കമ്മിറ്റികൾ ചെയ്ത സേവനങ്ങളുടെ സമ്പൂർണ വിവരം മുസ്​ലിം ലീഗ് സംസ്ഥാന കമ്മിറ്റി പ്രസിദ്ധീകരിച്ചു. സംസ്ഥാന പ്രസിഡൻറ്​ പാണക്കാട് ഹൈദരലി ശിഹാബ് തങ്ങളുടെ ഫേസ്ബുക്ക് പേജിൽ പ്രകാശനം ചെയ്താണ് വിവരങ്ങൾ പുറത്തുവിട്ടത്.

ജി.സി.സി രാഷ്​ട്രങ്ങളിലും മലേഷ്യ, തായ്്​ലൻഡ്​​, സിംഗപ്പൂർ, ആസ്‌ട്രേലിയ, തുർക്കി, ബ്രിട്ടൻ, യു.എസ്, കാനഡ എന്നിവിടങ്ങളിലും കെ.എം.സി.സി സേവന പ്രവർത്തനങ്ങൾ സജീവമാക്കി. കെ.എം.സി.സി കമ്മിറ്റികൾ സേവന പ്രവർത്തനങ്ങൾക്കായി ചെലവഴിച്ചത് നൂറുകോടിയിലേറെ രൂപയാണ്​. കൃത്യമായി പറഞ്ഞാൽ 100,47,23,736 രൂപയാണ്​ കോവിഡ് കാല സേവനങ്ങൾക്കായി ചെലവഴിച്ചത്. ഇന്ത്യക്കകത്ത് വിവിധ സംസ്ഥാനങ്ങളിൽ എ.ഐ.കെ.എം.സി.സിയുടെ നേതൃത്വത്തിലും സേവന പ്രവർത്തനങ്ങൾ സജീവമായി.

കെ.എം.സി.സി ചാർട്ടേഡ് വിമാനങ്ങളിൽ നാടണഞ്ഞത് 63,257 പേരാണ്. 32.2 കോടി രൂപ സൗജന്യ യാത്രികർക്കായും നിരക്ക് കുറച്ച് നൽകിയതി​െൻറ ഫലമായും ചെലവഴിച്ചു. വന്ദേ ഭാരത് ഫ്ലൈറ്റ് സേവനത്തിന് ഗുണഭോക്താക്കളായി 11,559 പേരുണ്ടായി. 2.37 കോടി ഇതിനായി ചെലവഴിച്ചു. മെഡിക്കൽ സേവനങ്ങൾ (5.61 കോടി), ഹെൽപ്‌ഡെസ്‌ക് സർവിസ് (2.58 കോടി), ക്വാറൻറീൻ സഹായം (3.90 കോടി) എന്നിങ്ങനെയാണ് ചെലവഴിച്ചത്​. കോവിഡ് കാലത്ത് 446 മൃതദേഹങ്ങളുടെ പരിചരണം കെ.എം.സി.സി നടത്തി.