കെ.എം.സി.സി ഡൽഹി ഘടകം സെക്രട്ടറി അസ്ഹറുദ്ദീൻ നിര്യാതനായി

ന്യൂഡൽഹി: കെ.എം.സി.സി ഡൽഹി ഘടകം സെക്രട്ടറി അസ്ഹറുദ്ദീൻ പാലോട്(24) നിര്യാതനായി. പനി ബാധിച്ച് തീവ്ര പരിചരണ വിഭാഗത്തിൽ ചികിത്സയിലായിരുന്നു.

ജാമിഅ മില്ലിയ്യ സർവകലാശാല വിദ്യാർഥിയാണ്. എസ്.കെ.എസ്.എസ്.എഫ് ദേശീയ എക്സിക്യൂട്ടിവ് അംഗവും എം.എസ്.എഫ് (ഡൽഹി) ട്രഷററുമായിരുന്നു. മണ്ണാർക്കാട് നാട്ടുകൽ പാലോട് സ്വദേശിയായ അസ്ഹറുദ്ദീൻ ഡൽഹിയിലെ മത-രാഷ്ട്രീയ-പൊതുമേഖലയിലെ നിറസാന്നിധ്യമായിരുന്നു.

വൈകിട്ടോടെ നാട്ടിലെത്തിക്കുന്ന മൃതദേഹം തിങ്കളാഴ്ച രാവിലെ 10 ന് പാറമ്മൽ ജുമാ മസ്ജിദ് ഖബർസ്ഥാനിൽ ഖബറടക്കുമെന്ന് ബന്ധുക്കൾ അറിയിച്ചു.