കെ.എം ഷാജിയെ വിജിലൻസ് ചോദ്യം ചെയ്യുന്നു

കോഴിക്കോട്: അ​ന​ധി​കൃ​ത സ്വ​ത്ത് സ​മ്പാ​ദ​ന കേ​സി​ല്‍ വിജിലന്‍സിന് മുമ്പാകെ ഹാജരായ മു​സ്​​ലിം ലീ​ഗ് സം​സ്ഥാ​ന സെ​ക്ര​ട്ട​റി കെ.​എം. ഷാ​ജി എം.​എ​ല്‍.​എ​യെ ചോദ്യം ചെയ്യുന്നു. രാവിലെ കോഴിക്കോട് തൊണ്ടയാടുള്ള വിജിലന്‍സ് ആന്‍ഡ് ആന്‍റി കറപ്ഷന്‍ ബ്യൂറോ ഓഫീസിലാണ് ഷാജി ഹാജരായത്. വിജിലൻസ് ആവശ്യപ്പെട്ട രേഖകളുമായാണ് ഷാജി എത്തിയതെന്നാണ് വിവരം.

ഏ​പ്രി​ൽ 16ന്​ ​തൊ​ണ്ടാ​യാ​​ട്ടെ വി​ജി​ല​ന്‍സ് സ്‌​പെ​ഷ​ല്‍ സെ​ല്‍ ഓ​ഫി​സി​ൽ അ​ഞ്ചു​ മ​ണി​ക്കൂ​റോ​ളം കെ.എം ഷാജിയെ ചോ​ദ്യം ചെ​യ്​​തിരുന്നു. അന്ന് കുറച്ച് രേഖകൾ അദ്ദേഹം അന്വേഷണ സംഘത്തിന് കൈമാറിയിരുന്നു. തുടർന്നാണ് കൂടുതൽ രേ​ഖ​ക​ൾ ഹാ​ജ​രാ​ക്കാ​ൻ എ​സ്.​പി എ​സ്. ശ​ശി​ധ​ര​​ൻ ഒ​രാ​ഴ്​​ച​ത്തെ സ​മ​യം അ​നു​വ​ദി​ച്ച​ത്.

പ​രി​ശോ​ധ​ന​ക്കി​ടെ ക​ണ്ണൂ​​രി​ലെ വീ​ട്ടി​ൽ നി​ന്ന്​ പി​ടി​ച്ച 47,35,500​ രൂ​പ​യു​ടെ​യും അ​ന​ധി​കൃ​ത സ്വ​ത്താ​യി ക​ണ്ടെ​ത്തി​യ 1.47 കോ​ടി ​രൂ​പ​യു​ടെ​യും സ്രോ​ത​സ്സു​ക​ളാ​ണ്​ വി​ജി​ല​ൻ​സ്​ പ്ര​ധാ​ന​മാ​യും ആ​വ​ശ്യ​പ്പെ​ട്ട​ത്​. പി​ടി​കൂ​ടി​യ പ​ണം സം​ബ​ന്ധി​ച്ച ചോ​ദ്യ​ത്തി​ന്​ അ​ഴീ​ക്കോ​ട്​ മ​ണ്ഡ​ല​ത്തി​ലെ യു.​ഡി.​എ​ഫ്​ സ്​​ഥാ​നാ​ർ​ഥി​യാ​യ താ​ൻ തെ​ര​ഞ്ഞെ​ടു​പ്പി​ന്​ പി​രി​ച്ച തു​ക​യാ​ണി​തെ​ന്നാ​യി​രു​ന്നു ഷാജിയുടെ മ​റു​പ​ടി.

ഒ​ന്ന​ര ദി​വ​സ​ത്തി​ലേ​റെ നീ​ണ്ട പ​രി​ശോ​ധ​നയാണ് കെ.എം. ഷാജിയുടെ വീടുകളിൽ നടത്തിയത്. കോ​ഴി​ക്കോ​​ട്ടെ പ​രി​ശോ​ധ​ന തി​ങ്ക​ളാ​ഴ്​​ച അ​ർ​ധ​രാ​ത്രി​യോ​ടെ​യും ക​ണ്ണൂ​​രി​ലെ പ​രി​ശോ​ധ​ന ചൊ​വ്വാ​ഴ്​​ച ഉ​ച്ച​യോ​ടെ​യു​മാ​ണ്​ അ​വ​സാ​നി​ച്ച​ത്.

ക​ണ്ണൂ​രി​ലെ വീ​ട്ടി​ൽ നി​ന്ന്​ രേ​ഖ​ക​ളി​ല്ലാ​ത്ത 47,35,500​ രൂ​പ, 60 ഗ്രാം ​സ്വ​ർ​ണാ​ഭ​ര​ണ​ങ്ങ​ൾ എ​ന്നി​വ​യും കോ​ഴി​ക്കോ​​ട്ടെ വീ​ട്ടി​ൽ നി​ന്ന്​ 475 ഗ്രാം ​സ്വ​ർ​ണാ​ഭ​ര​ണം, 30,000 രൂ​പ, വി​വി​ധ രാ​ജ്യ​ങ്ങ​ളു​ടെ വി​ദേ​ശ ക​റ​ൻ​സി​ക​ൾ, ര​ണ്ട്​ വീ​ട്ടി​ൽ നി​ന്നു​മാ​യി 77 രേ​ഖ​ക​ൾ എ​ന്നി​വ​യാ​ണ്​ വി​ജി​ല​ൻ​സ്​ ക​സ്​​റ്റ​ഡി​യി​ലെ​ടു​ത്ത​ത്.

വി​ദേ​ശ ​ക​റ​ൻ​സി​ക​ൾ മ​ക്ക​ളു​ടെ നാ​ണ​യ ശേ​ഖ​ര​മാ​ണെ​ന്ന്​ ഷാ​ജി അ​റി​യി​ച്ച​തോ​ടെ ഇ​ത്​ മ​ഹ​സ​റി​ൽ രേ​ഖ​പ്പെ​ടു​ത്തി​യ​ ശേ​ഷം വി​ട്ടു​ന​ൽ​കി.