Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right60ാം വിവാഹവാർഷികം:...

60ാം വിവാഹവാർഷികം: ആശംസകളിൽ മനംനിറഞ്ഞ് മാണി; ആഘോഷമാക്കി നാട്ടുകാർ

text_fields
bookmark_border
60ാം വിവാഹവാർഷികം: ആശംസകളിൽ മനംനിറഞ്ഞ് മാണി; ആഘോഷമാക്കി നാട്ടുകാർ
cancel

പാലാ:  60ാം വിവാഹവാർഷിക വേളയിൽ പാലാക്കാരുടെ ആശംസകളിൽ മനംനിറഞ്ഞ് കെ.എം. മാണിയും പ്രിയതമ കുട്ടിയമ്മയും. കേരള കോൺഗ്രസി​െൻറ നെടുംതൂണായ കെ.എം. മാണിയെന്ന പാലാക്കാരുടെ മാണി സാർ ദാമ്പത്യജീവിതത്തിലേക്ക് പ്രവേശിച്ചതി​െൻറ 60ാം വാർഷികം പാർട്ടി പ്രവർത്തകരും നാട്ടുകാരും ആഘോഷമാക്കി.
 കോട്ടയം ബാർ അസോസിയേഷനിലെ വക്കീലും ജില്ല കോൺഗ്രസ്​ കമ്മിറ്റി സെക്രട്ടറിയുമായിരിക്കെ 25ാം വയസ്സിൽ 1957 നവംബർ 28ന് മരങ്ങാട്ടുപിള്ളി സ​െൻറ് ഫ്രാൻസിസ്​ അസീസി പള്ളിയിലായിരുന്നു വിവാഹം. വധു വാഴൂർ ഇറ്റത്തോട്ട് വീട്ടിലെ കുട്ടിയമ്മ എന്ന 21കാരി അസംപ്ഷൻ കോളജിലെ ബി.എ ഒന്നാം വർഷ വിദ്യാർഥിനിയുമായിരുന്നു. എത്സമ്മ, സാലി, ആനി, ടെസി, ജോസ്​ കെ. മാണി, സ്​മിത എന്നിവരാണ് മക്കൾ. പിന്നീട് കേരള രാഷ്​ട്രീയത്തിലെ ഭീഷ്മാചാര്യനായി മാറിയ മാണിയുടെ വിജയഗാഥക്ക് പിന്നിൽ കുട്ടിയമ്മയുടെ പിന്തുണയും കരുതലുമാണെന്ന് അദ്ദേഹം പലവേദികളിലും തുറന്നുപറഞ്ഞിട്ടുണ്ട്.

മക്കളും കൊച്ചുമക്കളും പേരക്കുട്ടികളും നാട്ടുകാരും ബന്ധുക്കളും ഒത്തുകൂടിയ വിവാഹവാർഷികം കഴിങ്ങോഴയ്ക്കൽ തറവാട്ടിൽ ഉത്സവപ്രതീതി പകർന്നു. ചൊവ്വാഴ്​ച രാവിലെ ഭരണങ്ങാനം പള്ളിയിൽപോയി പ്രാർഥിച്ച ശേഷം വീട്ടിലെത്തിയ കെ.എം. മാണിക്കും കുടുംബത്തിനും ആശംസകളുമായി നൂറുകണക്കിനാളുകളാണ്​ എത്തിയത്. ഫോൺവിളികളും ഏറെയായിരുന്നു. നന്ദിപറഞ്ഞ് മാണിയും കുട്ടിയമ്മയും ഉച്ചവരെ വീടി​​െൻറ ഉമ്മറത്തായിരുന്നു. പ്രവർത്തകർ പൂച്ചെണ്ടുകൾക്കൊപ്പം കേക്കും ലഡുവും ഉൾപ്പെടെയുള്ള മധുരപലഹാരങ്ങളും കൊണ്ടുവന്നിരുന്നു.

കേക്കുകൾ മുറിച്ചുനൽകി അവരുടെ സന്തോഷത്തിൽ ഇരുവരും പങ്കുചേർന്നു. ഇതിനി​െട നഗരത്തിലെ പൊതുപരിപാടികളിലും മാണി പങ്കെടുത്തു. ഉച്ചയോടെ മക്കളും കൊച്ചുമക്കളും വീട്ടിലെത്തി. തുടർന്ന് കോട്ടയത്ത് ജോസ്​ കെ. മാണി എം.പിയുടെ വീട്ടിലേക്ക് പോയി കുടുംബാംഗങ്ങളുടെ ആഘോഷങ്ങളിൽ പങ്കാളിയായി. ഇതിനിടെ പ്രവർത്തകർ വലിയ മാലയണിക്കാനും മറന്നില്ല. ജില്ല പഞ്ചായത്ത് വൈസ്​ പ്രസിഡൻറ്​ മേരി സെബാസ്​റ്റ്യൻ, മുൻ നഗരസഭാധ്യക്ഷ ലീന സണ്ണി, യൂത്ത്ഫ്രണ്ട് എം സംസ്ഥാന പ്രസിഡൻറ് സജി മഞ്ഞക്കടമ്പൻ, നിർമല ജിമ്മി, ജിജി തമ്പി, ടോബിൻ കെ. അലക്സ്​, ബൈജു കൊല്ലംപറമ്പിൽ, ജയ്സൺ മാന്തോട്ടം, ബേബി ഉഴുത്തുവാൽ, ഡെയ്സി ബേബി, രാജേഷ് വാളിപ്ലാക്കൽ തുടങ്ങിയവർ ആശംസനേരാനെത്തി. 

 

Show Full Article
TAGS:km mani 60 wedding anniversary kerala news malayalam news 
News Summary - km mani 60 wedding anniversary -Kerala news
Next Story