മരിച്ച്​ നാലു മാസത്തിന്​ ശേഷം കെ.എം. ബഷീർ വാട്​സ്​ആപ്പിൽ​ ‘ലെഫ്​റ്റാ’യി; അന്വേഷണം വഴിത്തിരിവിൽ

തിരുവനന്തപുരം: ഐ.എ.എസ് ഉദ്യോഗസ്​ഥനായ ശ്രീറാം വെങ്കിട്ടരാമൻ ഓടിച്ച വാഹനമിടിച്ച് മരിച്ച മാധ്യമപ്രവർത്തകൻ കെ.എം. ബഷീറി‍​​െൻറ കാണാതായ മൊബൈല്‍ഫോൺ ആരോ ഉപയോഗിക്കുന്നെന്ന സൂചന ലഭിച്ചതോടെ പൊലീസ്​ അന്വേഷണം ആ വഴിക്കും. ഇത്​ കേസിൽ വഴിത്തിരിവാകുമെന്നാണ്​ പ്രതീക്ഷ​. അപകടം നടന്ന സ്ഥലത്തുനിന്ന്​ കാണാതായ മൊബൈൽ ഫോൺ ഇതുവരെ കണ്ടെത്താനായിട്ടില്ല. ഫോൺ സ്വിച്ച്ഡ്​ ഓഫ് ആണ്.

ആഗസ്​റ്റ്​ മൂന്നിനാണ്​ മ്യൂസിയത്തിന്​ സമീപം ശ്രീറാം വെങ്കിട്ടരാമൻ ഒാടിച്ച വാഹനമിടിച്ച്​ കെ.എം. ബഷീർ മരിച്ചത്​. നാലുമാസത്തിനുശേഷം ബഷീർ അംഗമായ വാട്‌സ്​ആപ് ഗ്രൂപ്പുകളിൽനിന്ന്​ അദ്ദേഹം തിങ്കളാഴ്​ച രാത്രിയോടെ ലെഫ്റ്റായതാണ് ദുരൂഹത സൃഷ്​ടിച്ചത്​. ബഷീർ ‘ലെഫ്റ്റ്’ എന്ന് വിവിധ മാധ്യമ ഗ്രൂപ്പുകളില്‍ സന്ദേശം ലഭിച്ചു. മൊബൈൽ നഷ്​ടപ്പെട്ട്​ മണിക്കൂറുകൾക്കുള്ളിൽ ഫോണി​​​െൻറ ടവർ ലൊക്കേഷൻ തമ്പാനൂരുൾപ്പെടെ കാണിച്ചിരുന്നു. എന്നാൽ പിന്നീട്​ ഒരു വിവരവുമില്ലാതെയിരിക്കെയാണ്​ ഗ്രൂപ്പുകളിൽനിന്ന്​ ലെഫ്റ്റ് ആയത്​.
ആരോ ഇൗ ഫോൺ ഉപയോഗിക്കുന്നെന്ന സംശയം ബലപ്പെടുത്തുന്നതാണ്​ ഇൗ സംഭവം. അന്വേഷണസംഘം സൈബര്‍ വിദഗ്ധരുടെ ഉപദേശം നേടിയിട്ടുണ്ട്. ബഷീറി​​​െൻറ ഫോണിൽ മറ്റേതെങ്കിലും സിം ഉപയോഗിക്കുന്നുണ്ടോയെന്നറിയാൻ ക്രൈംബ്രാഞ്ച് ഐ.എം.ഇ.ഐ നമ്പർ പരിശോധിച്ചെങ്കിലും സഹായകരമായ വിവരങ്ങൾ ലഭിച്ചിരുന്നില്ല. മൊബൈൽ ഫോൺ ഉപയോഗിക്കുന്ന വ്യക്​തി ബഷീർ ഉപയോഗിച്ചുവന്ന വാട്​സ്​ആപ്​ അൺ ഇൻസ്​റ്റാൾ ചെയ്​താൽ ലെഫ്റ്റ് ആയെന്ന സന്ദേശം വരാമെന്നാണ്​ സൈബർ വിദഗ്​ധർ പറയുന്നത്​.

ബഷീറി​​​െൻറ വാട്ട്സ്ആപ് ലഭിക്കാൻ ഫോണിൽ അദ്ദേഹത്തി‍​​െൻറ സിം വേണമെന്നില്ല. ഫോൺ നമ്പർ ഒരുതവണ രജിസ്​റ്റർ ചെയ്താൽ സിം ഇട്ടില്ലെങ്കിലും വൈ-ഫൈ ഉപയോഗിച്ചാൽ ഫോണിൽ വാട്‌സ്​ആപ് കിട്ടും. കുറച്ചുകാലം ഫോൺ ഉപയോഗിക്കാതിരുന്നാൽ വാട്‌സ്​ആപ് ഗ്രൂപ്പുകളിൽനിന്ന് സ്വയം ലെഫ്റ്റ് ആകാനുള്ള സാധ്യതയില്ലെന്നാണ് സൈബര്‍ വിദഗ്ധര്‍ പറയുന്നത്. അതിനാൽ വാട്​സ്​ആപ്​ അൺ ഇൻസ്​റ്റാൾ ചെയ്​തതാകാം എന്ന സംശയമാണ്​ ശക്​തമാകുന്നതും.

ബഷീറി​​​െൻറ അപകടമരണം സംഭവിച്ച്​ നാലു​മാസമായിട്ടും കുറ്റപത്രം സമർപ്പിച്ചിട്ടില്ല. പ്രതിയായ ശ്രീറാമി​​​െൻറ സസ്​പെൻഷൻ ദീർഘിപ്പിച്ചുവെന്നതല്ലാതെ മറ്റ്​ നടപടികളൊന്നുമുണ്ടായിട്ടുമില്ല.