ശ്രീറാം പൊലീസ്​ സെല്ലിലല്ല; മൾട്ടി​സ്​പെഷ്യാലിറ്റി ഐ.സി.യുവിൽ

ഗുരുതരപരിക്കില്ലെന്ന് കണ്ട് ഞായറാഴ്ച മെഡിക്കൽ കോളജ് ആശുപത്രിയിലെ പൊലീസ് സെല്ലിലേക്ക് മാറ്റിയ ശ്രീറാമിനെ മണിക്കൂറുകൾക്കം ആശുപത്രിയിലെ മൾട്ടി സ്‌പെഷാലിറ്റി ഐ.സി.യുവിലേക്ക് മാറ്റിയ നടപടിയും വിവാദമായി. ഞായറാഴ്​ച രാത ്രി 9.30ഓടെയാണ് ശ്രീറാമിനെ ആശുപത്രിയിലെ പൊലീസ്​ സെല്ലിൽ എത്തിച്ചത്. എന്നാൽ, കുറഞ്ഞ സമയം മാത്രമേ അദ്ദേഹം അവിടെ ച െലവഴിച്ചുള്ളൂ​. രാത്രി 11ഒാടെ ഛർദിൽ ആരംഭിച്ചതിനാൽ സർജിക്കൽ ഐ.സി.യുവിലേക്ക് മാറ്റുകയായിരുന്നെന്നാണ്​ ആശുപത്രി വൃത്തങ്ങളുടെ വിശദീകരണം​.

തുടർന്ന് ശ്രീറാമി​​െൻറ ആരോഗ്യസ്ഥിതി പരിശോധിക്കാന്‍ മെഡിക്കൽ കോളജ് സൂപ്രണ്ട് എസ്. ഷര്‍മദി‍​െൻറ നേതൃത്വത്തില്‍ അഞ്ചംഗ മെഡിക്കൽ ബോര്‍ഡും രൂപവത്കരിച്ചു. 72 മണിക്കൂർ നിരീക്ഷണമാണ് ഇപ്പോൾ പറഞ്ഞിരിക്കുന്നത്. സംഭവശേഷം ശ്രീറാമിന്​ മാനസിക സമ്മർദമുണ്ടെന്നും അതിനാലാണ്​ പ്രത്യേക നിരീക്ഷണം നടത്തുന്നതെന്നുമാണ്​ വിശദീകരണം.

എന്നാൽ, ശ്രീറാമിന്​ മെഡിക്കൽ കോളജ് ആശുപത്രിയിൽ പ്രത്യേക പരിഗണന നൽകില്ലെന്നും സാധാരണപൗരന് ലഭിക്കേണ്ട സൗകര്യങ്ങൾ മാത്രമേ അയാൾക്കും കിട്ടൂവെന്നും ആരോഗ്യമന്ത്രി കെ.കെ. ശൈലജ വ്യക്തമാക്കി.

രക്തത്തില്‍ മദ്യത്തി​െൻറ സാന്നിധ്യം കണ്ടെത്താനായില്ല

ശ്രീറാം വെങ്കിട്ടരാമനെ രക്ഷിക്കാൻ ഒത്തുകളി നടന്നെന്ന്​ തെളിയിക്കുന്നനിലയിൽ രക്തപരിശോധന റിപ്പോർട്ടും. ശ്രീറാമി​​െൻറ രക്തത്തില്‍ മദ്യത്തി​െൻറ സാന്നിധ്യം കണ്ടെത്താനായില്ലെന്ന രാസപരിശോധനാ ഫലം തിങ്കളാഴ്ച പൊലീസിന് കൈമാറി. പൊലീസി​െൻറ അനലറ്റിക്കല്‍ ലാബിലാണ് രക്തം പരിശോധിച്ചത്. അപകടം നടന്ന് 10 മണിക്കൂറിന് ശേഷമാണ് ശ്രീറാമി​െൻറ രക്തം പരിശോധനക്കായി എടുത്തത്. രക്തസാമ്പിൾ ശേഖരിക്കാനെടുത്ത കാലതാമസം പരിശോധനഫലത്തെ സ്വാധീനിക്കുമെന്ന് ആദ്യമേ ആരോപണമുയർന്നിരുന്നു.

ശനിയാഴ്ച പുലര്‍ച്ച ഒന്നേകാലോടെ ദേഹപരിശോധനക്കായി പൊലീസിനൊപ്പം ജനറല്‍ ആശുപത്രിയില്‍ എത്തിയ ശ്രീറാമിന് മദ്യത്തി​െൻറ മണമുണ്ടായിരുന്നതായി ഡ്യൂട്ടി ഡോക്ടർ സാക്ഷ്യപ്പെടുത്തിയെങ്കിലും രക്തപരിശോധനക്ക് പൊലീസ് തയാറായില്ല. തുടർന്ന് പൊലീസി​െൻറ ഒത്താശയോടെ സ്വകാര്യ ആശുപത്രിയിൽ അഡ്മിറ്റായ ശ്രീറാമിന് രക്തത്തിലെ ആൽക്കഹോളി​െൻറ അളവ് കുറയ്​ക്കുന്നതിന് ഡ്രിപ്പും മരുന്നും ഡോക്ടർമാർ നൽകിയതാണ് നിർണായക തെളിവ് മാഞ്ഞുപോകാൻ കാരണമെന്നാണ് നിഗമനം.