സസ്‌പെന്‍ഷനിലൂടെ മാത്രം പ്രശ്‌നം തീരില്ല -ചെന്നിത്തല

തിരുവനന്തപുരം: മാധ്യമപ്രവര്‍ത്തകന്‍ കെ.എം. ബഷീറിനെ കാറിടിച്ചുകൊന്ന കേസില്‍ പൊലീസ് വരുത്തിയ വീഴ്ചയില്‍ ഒരു എസ്.ഐയെ സസ്‌പെന്‍ഡ് ചെയ്​തതുകൊണ്ട് പ്രശ്‌നം തീരില്ലെന്ന് പ്രതിപക്ഷനേതാവ് രമേശ് ചെന്നിത്തല. എസ്.ഐ മാത്രം വിചാരിച്ചാല്‍ അട്ടിമറി സാധ്യമല്ല.

അതിനാൽ ഇതിനുപിന്നിലെ എല്ലാ ഉദ്യോഗസ്ഥരെയും കണ്ടെത്തി നടപടി സ്വീകരിക്കണം. ബഷീറി​​െൻറ ഭാര്യക്ക്​ ജോലിയും കുടുംബത്തിന് സംരക്ഷണവും സര്‍ക്കാര്‍ നല്‍കണമെന്നും ചെന്നിത്തല വാർത്തസമ്മേളനത്തില്‍ ആവശ്യപ്പെട്ടു.