മുൻകരുതൽ സ്വീകരിച്ചു; സർക്കാർ സജ്ജം -ആരോഗ്യമന്ത്രി

കൊച്ചി: എറണാകുളത്ത് പനി ബാധിച്ച് ചികിത്സയില്‍ കഴിയുന്ന രോഗിക്ക് നിപയെന്ന് ഒൗദ്യോഗികമായി സ്ഥിരീകരിച്ചിട്ടില്ലെങ്കിലും കോ​ഴി​ക്കോ​ട്ടെ മു​ന്‍ വ​ര്‍ഷ​ത്തെ അ​നു​ഭ​വം മു​ന്‍നി​ര്‍ത്തി​യു​മാ​ണ് ശ​ക്ത​മാ​യ മു​ന്നൊ​രു​ക്കം ന​ട​ത്തു​ന്ന​തെ​ന്ന് കൊ​ച്ചി​യി​ൽ മെ​ഡി​ക്ക​ൽ സം​ഘ​ത്തോ​ടൊ​പ്പ​മു​ള്ള ആ​രോ​ഗ്യ മ​ന്ത്രി കെ.​കെ. ശൈ​ല​ജ അ​റി​യി​ച്ചു. പൂണെയിൽ നിന്നുള്ള അന്തിമ ഫലം വന്നാൽ മാത്രമേ ഇക്കാര്യം സ്ഥിരീകരിക്കാൻ സാധിക്കൂവെന്നും ആരോഗ്യമന്ത്രി മാധ്യമങ്ങളോട് പറഞ്ഞു.

രോഗബാധ സംശയിക്കുന്ന യുവാവുമായി ഇടപഴകിയ 86 പേര്‍ ഇപ്പോള്‍ ആരോഗ്യവകുപ്പിന്‍റെ നിരീക്ഷണത്തിലാണ്. ആലപ്പുഴ, മണിപ്പാൽ ഇൻസ്റ്റിറ്റ്യൂട്ടുകളിൽ നടത്തിയ പരിശോധനിൽ നിപയോട് സാദ്യശ്യമുള്ള രോഗമാണെന്ന് സംശയിക്കുന്നു. എന്നാൽ ആശങ്ക വേണ്ടതില്ല. എ​റ​ണാ​കു​ളം ക​ള​മ​ശ്ശേ​രി മെ​ഡി​ക്ക​ല്‍ കോ​ള​ജി​ൽ ഉ​ൾ​പ്പെ​ടെ ഐ​സോ​ലേ​ഷ​ന്‍ വാ​ര്‍ഡ്് ഒ​രു​ക്കു​ക​യും, ജീ​വ​ന​ക്കാ​ര്‍ക്ക് പ്ര​ത്യേ​ക പ​രി​ശീ​ല​നം ന​ല്‍കു​ക​യും ചെ​യ്തു. സർക്കാർ മുൻ കരുതൽ സ്വീകരിച്ചിട്ടുണ്ട്. സമൂഹമാധ്യമങ്ങളിലൂടെ തെറ്റായ പ്രചാരണം നടത്തരുതെന്നും ആരോഗ്യമന്ത്രി പറഞ്ഞു.

കൂടുതല്‍ കേസുകള്‍ പ്രതീക്ഷിക്കുന്നില്ല –ആരോഗ്യമന്ത്രി
കൊ​ച്ചി: നി​പ സം​ശ​യി​ക്കു​ന്ന ഒ​രു കേ​സേ റി​പ്പോ​ര്‍ട്ട് ചെ​യ്തി​ട്ടു​ള്ളൂ​വെ​ന്നും കൂ​ടു​ത​ല്‍ കേ​സു​ക​ള്‍ പ്ര​തീ​ക്ഷി​ക്കു​ന്നി​ല്ലെ​ന്നും ആ​രോ​ഗ്യ​മ​ന്ത്രി കെ.​കെ. ശൈ​ല​ജ. എ​ങ്കി​ലും കൂ​ടു​ത​ല്‍ പേ​ര്‍ക്ക് വ​രാ​നു​ള്ള സാ​ഹ​ച​ര്യം മു​ന്നി​ല്‍ ക​ണ്ടാ​ണ് പ്ര​വ​ര്‍ത്തി​ക്കു​ന്ന​ത്.

നി​പ​യു​മാ​യി ബ​ന്ധ​പ്പെ​ട്ട് ക​ള​മ​ശ്ശേ​രി​യി​ലെ ഗ​വ. മെ​ഡി​ക്ക​ല്‍ കോ​ള​ജി​ൽ ചേ​ര്‍ന്ന ഉ​ന്ന​ത​ത​ല യോ​ഗ​ത്തി​നു​ശേ​ഷം മാ​ധ്യ​മ​പ്ര​വ​ര്‍ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു അ​വ​ര്‍. കോ​ഴി​ക്കോ​ട്ട് നി​പ ഉ​ണ്ടാ​യ സ​മ​യ​ത്ത് നേ​രി​ട്ട​തി​നേ​ക്കാ​ള്‍ ആ​ത്മ​വി​ശ്വാ​സ​ത്തോ​ടെ​യാ​ണ് ആ​രോ​ഗ്യ​വ​കു​പ്പ് നി​ല​വി​ല്‍ പ്ര​വ​ര്‍ത്തി​ക്കു​ന്ന​ത്. നി​പ സ്ഥി​രീ​ക​ര​ണ​മാ​യി ക​ഴി​ഞ്ഞാ​ല്‍ ചൊ​വ്വാ​ഴ്ച മു​ത​ല്‍ പൂ​ര്‍ണ പ്ര​തി​രോ​ധ പ്ര​വ​ര്‍ത്ത​ന​ങ്ങ​ളി​ലേ​ര്‍പ്പെ​ടും.
പെ​രു​ന്നാ​ള്‍ ആ​ഘോ​ഷം നി​പ​യി​ല്‍ ഇ​ല്ലാ​താ​ക്കേ​ണ്ട​തി​ല്ല. ക​ഴി​ഞ്ഞ വ​ര്‍ഷം കൊ​ണ്ടു​വ​ന്ന റി​ബാ വി​റി​ന്‍ മ​രു​ന്ന് ആ​ല​പ്പു​ഴ​യി​ലെ വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടി​ല്‍ സ്‌​റ്റോ​ക്കു​ണ്ട്. ഡോ​ക്ട​ര്‍മാ​രു​ടെ​യും ജീ​വ​ന​ക്കാ​രു​ടെ​യും സു​ര​ക്ഷ ഉ​റ​പ്പു​വ​രു​ത്താ​നു​ള്ള ന​ട​പ​ടി ക്ര​മ​ങ്ങ​ളെ​ല്ലാം സ്വീ​ക​രി​ച്ചു. പു​തു​താ​യി ചു​മ​ത​ല​യേ​റ്റ കേ​ന്ദ്ര ആ​രോ​ഗ്യ​മ​ന്ത്രി ഹ​ര്‍ഷ് വ​ര്‍ധ​ന്‍, ആ​രോ​ഗ്യ സെ​ക്ര​ട്ട​റി പ്രീ​തി സു​ധ​ന്‍ എ​ന്നി​വ​ര്‍ വി​ളി​ച്ച് എ​ല്ലാ പി​ന്തു​ണ​യും ഉ​റ​പ്പു​ന​ല്‍കി -മ​ന്ത്രി പ​റ​ഞ്ഞു.
അ​തേ​സ​മ​യം, നി​പ ഭീ​തി​യി​ൽ സ്​​കൂ​ൾ തു​റ​ക്കു​ന്ന​ത്​ വൈ​കി​ക്കേ​​ണ്ട സാ​ഹ​ച​ര്യ​മി​ല്ലെ​ന്ന്​ യോ​ഗ​ത്തി​ൽ പ​​ങ്കെ​ടു​ത്ത വി​ദ്യാ​ഭ്യാ​സ മ​ന്ത്രി സി.​ര​വീ​ന്ദ്ര​നാ​ഥ് പ​റ​ഞ്ഞു.

വ്യാ​ജ പ്ര​ചാ​ര​ണ​ം: ക​ർ​ശ​ന ന​ട​പ​ടി
ക​ഴി​ഞ്ഞ ത​വ​ണ​ത്തെ പോ​ലെ നി​പ വൈ​റ​സി​നെ കു​റി​ച്ച് സ​മൂ​ഹ​മാ​ധ്യ​മ​ങ്ങ​ളി​ല്‍ ഇ​ല്ലാ​ക്ക​ഥ എ​ഴു​തി പ്ര​ച​രി​പ്പി​ച്ചാ​ല്‍ ക​ര്‍ശ​ന ന​ട​പ​ടി സ്വീ​ക​രി​ക്കും. ചി​ല​ര്‍ ഇ​പ്പോ​ള്‍ ത​ന്നെ വ്യാ​ജ​പ്ര​ചാ​ര​ണം തു​ട​ങ്ങി. കോ​ഴി​യി​ല്‍നി​ന്നാ​ണ് രോ​ഗം പ​ട​രു​ന്ന​തെ​ന്ന​തു പോ​ലു​ള്ള സ​ന്ദേ​ശ​ങ്ങ​ള്‍ അ​യ​ച്ച​വ​രെ ക​ഴി​ഞ്ഞ ത​വ​ണ പി​ടി​കൂ​ടി​യി​രു​ന്നു. ത​​െൻറ പേ​രു​പ​യോ​ഗി​ച്ച് ഫേ​സ്ബു​ക്ക് ഐ.​ഡി സൃ​ഷ്​​ടി​ച്ച് വ്യാ​ജ സ​ന്ദേ​ശ​ങ്ങ​ള്‍ പ്ര​ച​രി​പ്പി​ക്കാ​ന്‍ തു​ട​ങ്ങി​യ​ത് ശ്ര​ദ്ധ​യി​ല്‍പെ​ട്ടു​വെ​ന്നും ഇ​ത് ഇ​ത് ത​ട​യാ​നു​ള്ള ന​ട​പ​ടി സ്വീ​ക​രി​ച്ച​താ​യും ആ​രോ​ഗ്യ​മ​ന്ത്രി കെ.​കെ. ശൈ​ല​ജ പ​റ​ഞ്ഞു.