സംസ്​ഥാനത്ത്​ സമൂഹവ്യാപനം ഉണ്ടായിട്ടില്ല; വരുന്ന ഒരാഴ്​ച നിർണായകം -ആരോഗ്യമന്ത്രി

തിരുവനന്തപുരം: കേരളത്തിൽ ഇതുവരെ കോവിഡ്​ ബാധയിൽ സമൂഹവ്യാപനം ഉണ്ടായിട്ടില്ലെന്ന്​ ആരോഗ്യമന്ത്രി കെ.കെ. ശൈലജ.

നിരീക്ഷിക്കുന്നവരുടെ എണ്ണം കൂടിയത്​ ഗൾഫിൽനിന്നുള്ള വരവ്​ മൂലമാണ്​. കേരളത്തിൽ രോഗം സ്​ഥിരീകരിച്ചവരിൽ 80 ശതമാനവും വിദേശത്തുനിന്നുള്ളവരാണെന്നും മന്ത്രി മനോരമ ന്യൂസിന്​ നൽകിയ അഭിമുഖത്തിൽ പറയുന്നു.

വരുന്ന ഒരാഴ്​ച നിർണായകമാണ്​. വിദേശത്തുനിന്ന്​ എത്തുന്നവർ ക്വാറൻറീൻ പാലിക്കുന്നില്ലെന്നത്​ ദൗർഭാഗ്യകരമാണെന്ന്​ ആരോഗ്യമന്ത്രി പറഞ്ഞു.

ഗുരുതര രോഗങ്ങൾക്ക്​ സംസ്​ഥാനത്തിന്​ പുറത്ത്​ ചികിത്സക്ക്​ പോകാം. ചികിത്സ രേഖകൾ നൽകി ​പൊലീസിൻെറ അനുമതി വാങ്ങിയാൽ മതിയെന്നും മന്ത്രി അറിയിച്ചു.