വടകരയിൽ മത്സരിക്കാനില്ലെന്ന് കെ.കെ രമ

കോഴിക്കോട്: നിയമസഭ തെരഞ്ഞെടുപ്പിൽ വടകര നിയോജക മണ്ഡലത്തിൽ മത്സരിക്കാനില്ലെന്ന് ആർ.എം.പി നേതാവ് കെ.കെ രമ. ഇക്കാര്യം രമ പാർട്ടി നേതൃത്വത്തെ അറിയിച്ചു. തിങ്കളാഴ്ച ഉച്ചയോടെ ആർ.എം.പിയുടെ സ്ഥാനാർത്ഥി പ്രഖ്യാപനമുണ്ടാകും.

വടകരയിൽ രമ സ്ഥാനാര്‍ത്ഥിയാകണമെന്നും യുഡിഎഫ് പിന്തുണയ്ക്കുമെന്നും നേരത്തെ കോൺഗ്രസ് നിര്‍ദ്ദേശിച്ചിരുന്നു. രമ പിൻമാറിയതോടെ എൻ. വേണുവിനെ മത്സരിപ്പിക്കുമെന്നാണ് റിപ്പോർട്ട്.