കെ.കെ.രമയുടെ അപകീർത്തിക്കേസ്: ദേശാഭിമാനി പത്രാധിപർക്ക് ജാമ്യം

കോ​ഴി​ക്കോ​ട്: അ​പ​കീ​ർ​ത്തി​പ്പെ​ടു​ത്തി​യെ​ന്നാ​രോ​പി​ച്ച് കെ.​കെ. ര​മ എം.​എ​ൽ.​എ കൊ​ടു​ത്ത കേ​സി​ൽ ദേ​ശാ​ഭി​മാ​നി പ​ത്രാ​ധി​പ​ർ​ക്ക് ജാ​മ്യം. സ​ച്ചി​ൻ ദേ​വ് എം.​എ​ൽ.​എ​ക്കെ​തി​രെ ന​ൽ​കി​യ കേ​സി​ൽ അ​ദ്ദേ​ഹ​ത്തി​നു​വേ​ണ്ടി അ​ഭി​ഭാ​ഷ​ക​ൻ ഹാ​ജ​രാ​യി അ​വ​ധി​യ​പേ​ക്ഷ ന​ൽ​കി. വ്യാ​ഴാ​ഴ്ച ഔ​ദ്യോ​ഗി​ക തി​ര​ക്ക് കാ​ര​ണം ഹാ​ജ​രാ​കാ​നാ​യി​ല്ലെ​ന്ന് കാ​ണി​ച്ചാ​ണ് അ​പേ​ക്ഷ.

ദേ​ശാ​ഭി​മാ​നി​ക്കെ​തി​രാ​യ കേ​സി​ൽ കു​റ്റ​പ​ത്രം വാ​യി​ച്ച് കേ​ൾ​പ്പി​ക്കാ​നും സ​ച്ചി​ൻ ദേ​വി​നെ​തി​രാ​യ കേ​സ് അ​ദ്ദേ​ഹം കോ​ട​തി​യി​ൽ നേ​രി​ട്ട് ഹാ​ജ​രാ​വാ​നും വേ​ണ്ടി ഒ​ക്ടോ​ബ​ർ 27ന് ​മാ​റ്റി. ദേ​ശാ​ഭി​മാ​നി ചീ​ഫ് എ​ഡി​റ്റ​ർ പു​ത്ത​ല​ത്ത് ദി​നേ​ശ​ൻ, പ്രി​ന്റ​ർ ആ​ൻ​ഡ് പ​ബ്ലി​ഷ​ർ കെ.​ജെ. തോ​മ​സ് എ​ന്നി​വ​ർ​ക്കെ​തി​രെ ര​മ, അ​ഡ്വ.​പി. കു​മാ​ര​ൻ കു​ട്ടി മു​ഖേ​ന ന​ൽ​കി​യ ര​ണ്ട് ഹ​ര​ജി​ക​ളി​ലാ​ണ് ചീ​ഫ് ജു​ഡീ​ഷ്യ​ൽ മ​ജി​സ്ട്രേ​റ്റ് വി.​ജി. ബി​ജു​വി​ന്റെ ന​ട​പ​ടി. ദേ​ശാ​ഭി​മാ​നി​ക്കും സ​ച്ചി​ൻ ദേ​വി​നും വേ​ണ്ടി അ​ഡ്വ. എ​ൻ.​കെ. ദി​നേ​ശ​ൻ ഹാ​ജ​രാ​യി.

ര​ണ്ട് കേ​സി​ലും ര​ണ്ടു​വീ​തം സാ​ക്ഷി​ക​ളു​​ടെ മൊ​ഴി കോ​ട​തി നേ​ര​ത്തേ രേ​ഖ​പ്പെ​ടു​ത്തി​യി​രു​ന്നു. മാ​ർ​ച്ച് 15ന് ​നി​യ​മ​സ​ഭ​ക്ക​ക​ത്ത് പ്ര​തി​പ​ക്ഷ എം.​എ​ൽ.​എ​മാ​ർ പ്ര​തി​ഷേ​ധി​ച്ച​ത് സു​ര​ക്ഷാ ഉ​ദ്യോ​ഗ​സ്ഥ​ർ ത​ട​യു​ന്ന​തി​നി​ടെ ര​മ​ക്ക് പ​രി​ക്കേ​റ്റി​രു​ന്നു. ഇ​തേ​പ്പ​റ്റി പി​റ്റേ​ന്ന് ദേ​ശാ​ഭി​മാ​നി​യി​ൽ ര​മ​യു​ടെ കൈ​യി​ലെ കെ​ട്ട് നാ​ട​കം എ​ന്ന രീ​തി​യി​ൽ അ​പ​മാ​ന​ക​ര​മാ​യ വാ​ർ​ത്ത കൊ​ടു​ത്തു​വെ​ന്നാ​ണ് പ​രാ​തി.

സ​ച്ചി​ൻ ദേ​വ് മാ​ർ​ച്ച് 15ന് ​ഫേ​സ്ബു​ക്കി​ൽ അ​പ​മാ​ന​ക​ര​മാ​യ പോ​സ്റ്റും ഇ​ട്ടു. ‘സി​നി​മ​യി​ൽ ഇ​ട​തു കൈ​യി​ലു​ണ്ടാ​യി​രു​ന്ന തി​രു​മു​റി​വ് വ​ല​തു കൈ​യി​ലേ​ക്ക് മാ​റി​പ്പോ​കു​ന്ന സീ​നു​മാ​യി ഇ​ന്ന് സ​ഭ​യി​ൽ ന​ട​ന്ന സം​ഭ​വ​ങ്ങ​ൾ​ക്ക് സാ​ദൃ​ശ്യം തോ​ന്നി​യി​ട്ടു​ണ്ടെ​ങ്കി​ൽ ക്ഷ​മി​ക്ക​ണം’ എ​ന്നാ​യി​രു​ന്നു ഫേ​സ്ബു​ക്ക് പോ​സ്റ്റ്. ഫേ​സ്ബു​ക്ക് പോ​സ്റ്റും പ​ത്ര​വാ​ർ​ത്ത​യും അ​പ​മാ​ന​ക​ര​മാ​യെ​ന്ന് കാ​ണി​ച്ചാ​ണ് കെ.​കെ. ര​മ​യു​ടെ ഹ​ര​ജി.