കിസാൻ സമ്മാൻ: ഉദ്​ഘാടനത്തിൽ പ​െങ്കടുക്കണമെങ്കിൽ മന്ത്രിമാർക്ക്​ ഖൊരക്​പൂരിൽ പോകാം​ -കണ്ണന്താനം

തിരുവനന്തപുരം: കർഷകർക്ക്​ ധനസഹായം നൽകുന്ന കേന്ദ്ര സർക്കാർ പദ്ധതിയായ പ്രധാൻ മന്ത്രി കിസാൻ സമ്മാൻ പദ്ധതിയുടെ ഉദ്​ഘാടനവുമായി ബന്ധപ്പെട്ട് വിവാദത്തിൽ ​കൃഷി മന്ത്രി വി.എസ്​ സുനിൽകുമാറിനെ പരിഹസിച്ച്​ കേന്ദ്ര ടൂറിസം മന്ത് രി അൽഫോൺസ്​ കണ്ണന്താനം. ഉദ്​ഘാടനത്തിൽ പ​െങ്കടുക്കണമെങ്കിൽ മന്ത്രിമാർക്ക്​ ഖൊരക്​പൂരിൽ പോകാമെന്ന്​ കണ്ണന്താനം പറഞ്ഞു. തിരുവനന്തപുരത്ത്​ മൻ കീ ബാത്ത്​ കേൾക്കാനായാണ്​ എത്തിയത്​. കർഷകരാണ്​ ചടങ്ങിലുണ്ടായിരുന്ന അതിഥികളെന്നും അദ്ദേഹം പറഞ്ഞു.

പ്രധാൻ മന്ത്രി കിസാൻ സമ്മാൻ പദ്ധതിയുടെ സംസ്​ഥാന തല ഉദ്​ഘാടനവുമായി ബന്ധപ്പെട്ട്​ കേന്ദ്ര -സംസ്​ഥാന സർക്കാറുകൾ തമ്മിൽ തർക്കമുണ്ടായിരുന്നു. കോട്ടയം കുമരകത്ത്​ വി.എസ്​. സുനിൽ കുമാർ കിസാൻ സമ്മാൻ നിധി പദ്ധതിയുടെ സംസ്​ഥാന തല ഉദ്​ഘാടനം നടത്തിയപ്പോൾ സമാന്തരമായി തിരുവനന്തപുരം കഴക്കൂട്ടത്ത്​ കേന്ദ്രമന്ത്രി അൽഫോൺസ്​ കണ്ണന്താനവും പദ്ധതിയുടെ സംസ്​ഥാന തല ഉദ്​ഘാടനം നടത്തുകയായിരുന്നു.

കഴക്കൂട്ടത്ത്​​ പദ്ധതിയുടെ സംസ്​ഥാന തല ഉദ്​ഘാടനം എന്ന പേരിൽ നടന്ന പരിപാടിയെ കുറിച്ച്​ സംസ്​ഥാന സർക്കാറിനെ അറിയിച്ചിട്ടില്ലെന്ന്​ കൃഷിമന്ത്രി വി.എസ്​. സുനിൽ കുമാർ ആരോപിച്ചതിന്​ മറുപടിയായാണ്​ കണ്ണന്താനത്തി​​​​​െൻറ പരിഹാസം.