കിഫ്​ബി: വ്യക്തിവിവരങ്ങൾ തേടുന്നത്​ എന്തിന്​​ -ഇ.ഡിയോട്​ ഹൈകോടതി

കൊ​ച്ചി: മ​സാ​ല​ബോ​ണ്ടു​ക​ൾ ഇ​റ​ക്കി​യ​തി​ൽ വി​ദേ​ശ​നാ​ണ്യ വി​നി​മ​യ നി​യ​മ​ത്തി​ന്‍റെ (ഫെ​മ) ലം​ഘ​ന​മു​ണ്ടോ​യെ​ന്ന അ​ന്വേ​ഷ​ണ​ത്തി​ന്​ മു​ൻ ധ​ന​മ​ന്ത്രി തോ​മ​സ് ഐ​സ​ക് ഉ​ൾ​പ്പെ​ടെ​യു​ള്ള​വ​രു​ടെ വ്യ​ക്തി​വി​വ​ര​ങ്ങ​ൾ തേ​ടു​ന്ന​ത്​ എ​ന്തി​നെ​ന്ന്​ ഇ.​ഡി​യോ​ട്​ ഹൈ​കോ​ട​തി. ഇ.​ഡി​യു​ടെ ഇ​ത്ത​രം നീ​ക്ക​ങ്ങ​ൾ സം​ശ​യ​മു​ള​വാ​ക്കു​ന്ന​താ​ണ്. ഇ​ത്ത​രം കാ​ര്യ​ങ്ങ​ളി​ല്‍ അ​ന്വേ​ഷ​ണം ആ​വ​ശ്യ​മാ​ണോ എ​ന്നും ജ​സ്റ്റി​സ്​ ദേ​വ​ൻ രാ​മ​ച​ന്ദ്ര​ൻ വാ​ക്കാ​ൽ ആ​രാ​ഞ്ഞു. അ​ന്വേ​ഷ​ണ​ത്തി​ന്‍റെ പേ​രി​ൽ ഇ.​ഡി തു​ട​ർ​ച്ച​യാ​യി സ​മ​ൻ​സ് ന​ൽ​കി ബു​ദ്ധി​മു​ട്ടി​ക്കു​ക​യാ​ണെ​ന്ന്​ ആ​രോ​പി​ച്ച് തോ​മ​സ് ഐ​സ​ക്കി​ന്​ പു​റ​മെ കി​ഫ്ബി സി.​ഇ.​ഒ കെ.​എം. എ​ബ്ര​ഹാം, ജോ​യ​ന്‍റ്​ ഫ​ണ്ട് മാ​നേ​ജ​ർ ആ​നി ജൂ​ല തോ​മ​സ് എ​ന്നി​വ​ർ ന​ൽ​കി​യ ഹ​ര​ജി​യാ​ണ് കോ​ട​തി പ​രി​ഗ​ണി​ക്കു​ന്ന​ത്.

തോ​മ​സ്‌ ഐ​സ​ക്‌ ഉ​ൾ​പ്പെ​ടെ​യു​ള്ള​വ​ർ​ക്ക്‌ നി​ര​ന്ത​രം സ​മ​ന്‍സ് ന​ല്‍കു​ന്ന​ത് കൊ​ണ്ടാ​ണ് ഹ​ര​ജി​ക്കാ​ർ​ക്ക്‌ കോ​ട​തി​യെ സ​മീ​പി​ക്കേ​ണ്ടി വ​രു​ന്ന​തെ​ന്ന്​ കോ​ട​തി ചൂ​ണ്ടി​ക്കാ​ട്ടി. മാ​ത്ര​മ​ല്ല, ചോ​ദ്യം ചെ​യ്യ​ലി​ന്‌ ഹാ​ജ​രാ​കാ​ൻ ആ​വ​ശ്യ​പ്പെ​ട്ട്‌ ന​ൽ​കി​യ സ​മ​ൻ​സു​ക​ളി​ൽ ചെ​യ്‌​ത കു​റ്റ​മെ​ന്തെ​ന്നോ, എ​ന്ത്‌ നി​യ​മ​ലം​ഘ​ന​മാ​ണ്‌ ന​ട​ത്തി​യ​തെ​ന്നോ വി​ശ​ദീ​ക​രി​ക്കു​ന്നി​ല്ല. ഹ​ര​ജി​ക്കാ​ർ​ക്ക്​ തു​ട​ർ​ച്ച​യാ​യി സ​മ​ൻ​സ് ന​ൽ​കു​ന്ന​ത്​ കോ​ട​തി നേ​ര​ത്തേ ത​ട​ഞ്ഞി​രു​ന്നു. എ​ന്നാ​ൽ, സ​മ​ൻ​സ്​ അ​യ​ക്കു​ന്ന​താ​ണ്​ ത​ട​ഞ്ഞ​തെ​ന്നും അ​ന്വേ​ഷ​ണം തു​ട​രാ​ൻ ത​ട​സ്സ​മി​ല്ലെ​ന്നും സിം​ഗി​ൾ​ബെ​ഞ്ച് വ്യ​ക്ത​മാ​ക്കി.

ഇ​ട​ക്കാ​ല ഉ​ത്ത​ര​വി​നെ തു​ട​ർ​ന്ന് അ​ന്വേ​ഷ​ണം ത​ട​സ്സ​പ്പെ​ട്ടെ​ന്ന് ഇ.​ഡി​ക്കു​വേ​ണ്ടി ഹാ​ജ​രാ​യ അ​ഡീ. സോ​ളി​സി​റ്റ​ർ ജ​ന​റ​ൽ ചൂ​ണ്ടി​ക്കാ​ട്ടി​യ​പ്പോ​ഴാ​ണ് കോ​ട​തി ഇ​ക്കാ​ര്യം വ്യ​ക്ത​മാ​ക്കി​യ​ത്. ഹ​ര​ജി​ക്കാ​രെ വി​ളി​ച്ചു​വ​രു​ത്തു​ന്ന​ത്​ സം​ബ​ന്ധി​ച്ച് വാ​ദം കേ​ട്ടു മാ​ത്ര​മേ തീ​രു​മാ​നി​ക്കൂ​വെ​ന്നും ഇ​തി​ന്‍റെ ​പേ​രി​ൽ അ​ന്വേ​ഷ​ണം ത​ട​സ്സ​പ്പെ​ടേ​ണ്ട​തി​ല്ലെ​ന്നും കോ​ട​തി വ്യ​ക്ത​മാ​ക്കി. തു​ട​ർ​ന്ന്​ ഹ​ര​ജി ന​വം​ബ​ർ 24ന്​ ​പ​രി​ഗ​ണി​ക്കാ​ൻ മാ​റ്റി.