ആലുവ റെയിൽവേ സ്റ്റേഷൻ പരിസരത്ത് വീണ്ടും തട്ടിക്കൊണ്ടുപോകൽ

ആ​ലു​വ: റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് വീ​ണ്ടും ത​ട്ടി​ക്കൊ​ണ്ടു​പോ​ക​ൽ. ഞാ​യ​റാ​ഴ്ച രാ​വി​ലെ കെ.​എ​സ്.​ആ​ർ.​ടി.​സി ബ​സ്​​സ്റ്റാ​ൻ​ഡി​നും റെ​യി​ൽ​വേ സ്റ്റേ​ഷ​നു​മി​ട​യി​ൽ​വെ​ച്ച്​ കാ​റി​ലെ​ത്തി​യ സം​ഘം യു​വാ​വി​നെ ത​ട്ടി​ക്കൊ​ണ്ടു​പോ​യി. ര​ണ്ടു​ദി​വ​സം മു​മ്പ്​ റെ​യി​ൽ​വേ സ്റ്റേ​ഷ​ന് മു​ന്നി​ൽ​നി​ന്ന് മ​റ്റൊ​രാ​ളെ​യും ത​ട്ടി​ക്കൊ​ണ്ടു​പോ​യി​രു​ന്നു. ഇ​യാ​ളെ പി​ന്നീ​ട് ക​ണ്ടെ​ത്തി. ഞാ​യ​റാ​ഴ്ച രാ​വി​ലെ ഏ​ഴോ​ടെ​യാ​ണ് ര​ണ്ടാ​മ​ത്തെ ത​ട്ടി​ക്കൊ​ണ്ടു​പോ​ക​ൽ. റോ​ഡ​രി​കി​ൽ അ​ര​മ​ണി​ക്കൂ​റോ​ളം നി​ർ​ത്തി​യി​ട്ട ഇ​ന്നോ​വ കാ​റിൽ സ​മീ​പ​ത്തെ ഹോ​ട്ട​ലി​ൽ​നി​ന്ന് ഭ​ക്ഷ​ണം ക​ഴി​ച്ചി​റ​ങ്ങി​യ ആ​ളെ​യാ​ണ് ബ​ല​മാ​യി പി​ടി​ച്ചു​ക​യ​റ്റി​യ​ത്.

സം​ഭ​വം ക​ണ്ട ഓ​ട്ടോ​റി​ക്ഷാ ഡ്രൈ​വ​ർ​മാ​ർ അ​റി​യി​ച്ച​ത​നു​സ​രി​ച്ചാ​ണ് പൊ​ലീ​സ് എ​ത്തി​യ​ത്. ഒ​രാ​ളെ ബ​ല​മാ​യി ത​ള്ളി​ക്ക​യ​റ്റു​ന്ന​താ​ണ് ഓ​ട്ടോ തൊ​ഴി​ലാ​ളി​ക​ൾ ക​ണ്ട​ത്. ആ​റ​ര​യോ​ടെ ഒ​രു കാ​ർ ടാ​ക്‌​സി സ്റ്റാ​ൻ​ഡി​ൽ നി​ർ​ത്തി​യി​ട്ടു. അ​വി​ടെ നി​ർ​ത്താ​ൻ പാ​ടി​ല്ലെ​ന്ന് പ​റ​ഞ്ഞ​പ്പോ​ൾ വാ​ഹ​നം മാ​റ്റി​നി​ർ​ത്തി​യെ​ന്നാ​ണ് സം​ഭ​വം ക​ണ്ട ഓ​ട്ടോ ഡ്രൈ​വ​ർ പ​റ​യു​ന്ന​ത്. കു​റ​ച്ചു​ക​ഴി​ഞ്ഞ​പ്പോ​ൾ ബ​ഹ​ളം കേ​ട്ടു. പി​ന്നീ​ട്​ ഒ​രാ​ളെ ത​ള്ളി​ക്ക​യ​റ്റി​പ്പോ​കു​ന്ന​ത് ക​ണ്ടു​വെ​ന്നും ഡ്രൈ​വ​ർ പ​റ​യു​ന്നു.

ചു​വ​പ്പ്​ നി​റ​മു​ള്ള ഇ​ന്നോ​വ​യി​ലാ​ണ് സം​ഘം വ​ന്ന​തെ​ന്നും നാ​ലു​പേ​രു​ണ്ടാ​യി​രു​ന്നു​വെ​ന്നും അ​റി​യു​ന്നു. സ​മീ​പ​ത്തെ ഹോ​ട്ട​ലി​ൽ​നി​ന്ന് പൊ​ലീ​സി​ന് ചി​ല സി.​സി.​ടി.​വി ദൃ​ശ്യ​ങ്ങ​ൾ ല​ഭി​ച്ചി​ട്ടു​ണ്ട്. ഇ​തി​ന്‍റെ അ​ടി​സ്ഥാ​ന​ത്തി​ൽ അ​ന്വേ​ഷ​ണം ഊ​ർ​ജി​ത​മാ​ക്കി. കാ​റി​ന്‍റെ ന​മ്പ​ർ വ്യാ​ജ​മാ​ണെ​ന്നാ​ണ്​ പൊ​ലീ​സി​ന്​ ല​ഭി​ച്ച വി​വ​രം.

വ്യാ​ഴാ​ഴ്ച പു​ല​ർ​ച്ച മൂ​ന്നു​മ​ണി​യോ​ടെ ട്രെ​യി​നി​ൽ​വ​ന്ന്​ പു​റ​ത്തേ​ക്കി​റ​ങ്ങി​യ ക​രു​നാ​ഗ​പ്പ​ള്ളി സ്വ​ദേ​ശി​യെ കാ​റി​ലെ​ത്തി​യ നാ​ലം​ഗ സം​ഘ​മാ​ണ് ത​ട്ടി​ക്കൊ​ണ്ടു​പോ​യ​ത്. ബ​ല​മാ​യി പി​ടി​ച്ചു​ക​യ​റ്റി എ​റ​ണാ​കു​ളം ഭാ​ഗ​ത്തേ​ക്ക് അ​തി​വേ​ഗം പോ​വു​ക​യാ​യി​രു​ന്നു. ഇ​ത് ശ്ര​ദ്ധ​യി​ൽ​പെ​ട്ട ഓ​ട്ടോ​റി​ക്ഷാ ഡ്രൈ​വ​ർ​മാ​രാ​ണ് പൊ​ലീ​സി​നെ വി​വ​ര​മ​റി​യി​ച്ച​ത്.

ഉ​ട​ൻ ആ​ലു​വ പൊ​ലീ​സ് അ​ന്വേ​ഷ​ണം ആ​രം​ഭി​ച്ചു. ഫോ​ൺ സി​ഗ്​​ന​ലി​ന​നു​സ​രി​ച്ച് പി​ന്തു​ട​ർ​ന്ന് കൊ​ല്ല​ത്തു​നി​ന്നാ​ണ് ഇ​യാ​ളെ പി​ടി​കൂ​ടി​യ​ത്. ത​ന്നെ അ​ജ്ഞാ​ത​സം​ഘം ത​ട്ടി​ക്കൊ​ണ്ടു​പോ​യ​താ​ണെ​ന്നാ​ണ് ആ​ലു​വ പൊ​ലീ​സി​ന് മൊ​ഴി ന​ൽ​കി​യ​ത്. മ​ർ​ദി​ച്ച​ശേ​ഷം ഫോ​ണും പ​ഴ്‌​സും ത​ട്ടി​യെ​ടു​ത്ത് ഉ​പേ​ക്ഷി​ക്കു​ക​യാ​യി​രു​ന്നെ​ന്നും ഇ​യാ​ൾ പ​റ​ഞ്ഞ​താ​യാ​ണ് അ​റി​യു​ന്ന​ത്. ഇ​യാ​ൾ സ്വ​ർ​ണ​ക്ക​ട​ത്ത് സം​ഘ​ത്തി​ൽ​പെ​ട്ട​യാ​ളാ​ണോ​യെ​ന്ന് പൊ​ലീ​സ് സം​ശ​യി​ക്കു​ന്നു​ണ്ട്.

സ്വ​ർ​ണം ത​ട്ടി​യെ​ടു​ത്ത​ശേ​ഷം സം​ഘം ഉ​പേ​ക്ഷി​ച്ച​താ​കാ​മെ​ന്നും പൊ​ലീ​സ് ക​രു​തു​ന്നു. അ​തി​നാ​ൽ ത​ന്നെ ഇ​യാ​ളെ ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ർ ചോ​ദ്യം ചെ​യ്യു​ന്നു​ണ്ട്. ഇ​ത്ത​ര​ത്തി​ൽ സ്വ​ർ​ണ​ക്ക​ട​ത്തോ കു​ഴ​ൽ​പ്പ​ണ ഇ​ട​പാ​ടോ പു​തി​യ ത​ട്ടി​ക്കൊ​ണ്ടു​പോ​ക​ലി​ന് പി​ന്നി​ലും ഉ​ള്ള​താ​യി സം​ശ​യി​ക്കു​ന്നു. കാ​ല​ങ്ങ​ളാ​യി മ​യ​ക്കു​മ​രു​ന്ന് ക​ട​ത്തി​ന് കു​പ്ര​സി​ദ്ധ​മാ​ണ് ആ​ലു​വ റെ​യി​ൽ​വേ സ്റ്റേ​ഷ​ൻ.