നവവരനെ അര്‍ധരാത്രി വീടാക്രമിച്ച്​ തട്ടിക്കൊണ്ടുപോയി; സഹോദരനെന്ന്​ വധു

കോട്ടയം: പ്രണയ വിവാഹത്തി​​​െൻറ പേരിൽ നവവരനെയും ബന്ധുവിനെയും അര്‍ധരാത്രി വീടാക്രമിച്ച്​ ക്വ​േട്ടഷൻ സംഘം തട്ടിക്കൊണ്ടുപോയി. കോട്ടയം നട്ടാശ്ശേരി എസ്.എച്ച് മൗണ്ട് ചവിട്ടുവരി പ്ലാത്തറ രാജുവി​​​െൻറ മകൻ കെവിനെയും (24), ബന്ധു മാന്നാനം കളമ്പുകാട്ടുചിറ അനീഷ് സെബാസ്​റ്റ്യനെയുമാണ്​ (30) തട്ടിക്കൊണ്ടുപോയത്​. പിന്നീട്​ അനീഷിനെ മർദിച്ച് അവശനാക്കിയ ശേഷം ഗുണ്ടസംഘം വഴിയിൽ ഉപേക്ഷിച്ചു. ഇവരെ തട്ടിക്കൊണ്ടുപോയത്​ ത​​​െൻറ സഹോദര​​​െൻറ നേതൃത്വത്തിലുള്ള ഗുണ്ടസംഘമാണെന്ന്​ കെവി​​​െൻറ ഭാര്യ നീനു ഗാന്ധിനഗർ പൊലീസിൽ പരാതി നൽകി. 

കഴിഞ്ഞ വെള്ളിയാഴ്ചയാണ് ഏറ്റുമാനൂർ രജിസ്ട്രാർ ഓഫിസിൽ കെവിനും (23) കൊല്ലം തെന്മല സ്വദേശിയായ നീനുവും വിവാഹിതരായത്. ശനിയാഴ്​ച പുലർച്ച 1.30ഒാടെ കെവി​​​െൻറ പിതൃസഹോദരിയുടെ മകൻ മാന്നാനം സ്വദേശി അനീഷ് സെബാസ്​റ്റ്യ​​​െൻറ വീട്ടിലെത്തിയ ഗുണ്ടസംഘം വീട് അടിച്ചുതകർക്കുകയായിരുന്നു. ഇൗ സമയം കെവിനും അനീഷും മാത്രമാണ്​ വീട്ടിലുണ്ടായിരുന്നത്​. വീടി​​​െൻറ അടുക്കള അടിച്ചുതകർത്ത് അഞ്ചുപേർ വീട്ടിൽ കയറി, വടിവാളും ഇരുമ്പ് വടിയും ഉപയോഗിച്ച് ടി.വി, ഫ്രിഡ്ജ് തുടങ്ങിയ സാധനങ്ങൾ മുഴുവൻ തകർത്ത ശേഷം ഇരുവ​െരയും ക്രൂരമായി മർദിച്ചു. തുടർന്ന് രണ്ടുപേരു​െടയും കഴുത്തിൽ വടിവാൾ ​െവച്ച ശേഷം സംഘം വന്ന മൂന്ന്​ കാറുകളിലൊന്നിൽ കയറ്റിക്കൊണ്ടുപോവുകയായിരുന്നു. രാവിലെ 11ഒാടെ പുനലൂർ ഭാഗത്താണ്​ അനീഷിനെ ഇറക്കിവിട്ടത്​. രാത്രിയോടെ തട്ടിക്കൊണ്ടുപോയ ഇന്നോവ കാർ തെന്മല പൊലീസ്​ കസ്​ റ്റഡിയിലെടുത്തു. എന്നാൽ, കെവിനെ കണ്ടെത്താനായില്ല.

കെവി​െനയും അനീഷി​െനയും തട്ടിക്കൊണ്ടുപോയതറിഞ്ഞ നീനു ഗാന്ധിനഗർ സ്​റ്റേഷനിലെത്തി വിവരം പറഞ്ഞതിനെ തുടർന്ന്​ എസ്​.​െഎ പെൺകുട്ടിയുടെ സഹോദരനോട്​ ഫോണിൽ സംസാരിച്ചു. എന്നാൽ, കെവിൻ വണ്ടിയിൽനിന്ന്​ ചാടിപ്പോയെന്നാണ്​ അവർ​ പറഞ്ഞത്​. എന്നാൽ, പിന്നീട്​ പൊലീസി​​​െൻറ ഭാഗത്തുനിന്ന്​ നടപടിയുണ്ടാകാത്തതിനെ തുടർന്ന്​ ​ഭർത്താവിനെ വിട്ടുകിട്ടണമെന്നാവശ്യപ്പെട്ട് നീനു ഗാന്ധിനഗർ പൊലീസ് സ്​റ്റേഷനിൽ കുത്തിയിരുന്ന്​ പ്രതിഷേധിച്ചു. രാവിലെ മുതൽ സ്​റ്റേഷന്​ മുന്നിൽ നിന്ന പെൺകുട്ടിയെ പ്രതിഷേധം കനത്തതോടെ വൈകീട്ട്​ ഏറ്റുമാനൂർ മജിസ്​ട്രേറ്റിന്​ മുന്നിൽ ഹാജരാക്കി. മുഖ്യമന്ത്രിയുടെ സന്ദര്‍ശനത്തി​​​െൻറ തിരക്കുകള്‍ ഉള്ളതിനാല്‍ പിന്നീട്​ അന്വേഷിക്കാമെന്നാണ് പൊലീസ്​ അറിയിച്ചതെന്നും ഗുണ്ടസംഘത്തിൽനിന്ന്​ പൊലീസ്​ പണം വാങ്ങിയതായും കെവി​​​െൻറ ബന്ധുക്കൾ ആരോപിച്ചു.

കഴിഞ്ഞ 24ന് രാത്രി ഏഴേ​ാടെ​ നീനുവിനെ വീട്ടിൽനിന്ന്​ കാണാതായതിനെ തുടർന്ന്​ ബന്ധുക്കൾ പൊലീസിൽ പരാതി നൽകിയിരുന്നു. കെവിനുമായി പ്രണയത്തിലാണെന്ന്  മനസ്സിലായതിനെ തുടർന്ന്​ ഗാന്ധിനഗർ സ്​റ്റേഷനിലെത്തിയ യുവതിയുടെ ബന്ധുക്കളുടെ ആവശ്യപ്രകാരം യുവാവി​െനയും യുവതി​െയയും സ്​റ്റേഷനിലേക്ക് വിളിച്ചുവരുത്തി. ഇവർ രജിസ്​റ്റർ വിവാഹത്തി​​​െൻറ രേഖകൾ കാണി​െച്ചങ്കിലും പിതാവി​​​െൻറ കൂടെ പോകാൻ പൊലീസ് യുവതിയോട്​ ആവശ്യപ്പെട്ടുവെന്ന് കെവി​​​െൻറ ബന്ധുക്കൾ പറഞ്ഞു. ബന്ധുക്കളുടെ കൂടെ പോകാൻ വിസമ്മതിച്ച യുവതിയെ പൊലീസ് സ്​റ്റേഷൻ കോമ്പൗണ്ടിൽ ​െവച്ച് മർദിക്കുകയും വലിച്ചിഴച്ച് കൊണ്ടുപോകാൻ ശ്രമിക്കുകയും ചെയ്​​െതങ്കിലും യുവതി കുതറി ഓടി യുവാവി​​​െൻറ ബന്ധുക്കളുടെ ഒപ്പം പോവുകയായിരുന്നു. പിന്നീട് യുവതിയെ അമലഗിരിയിലുള്ള ഹോസ്​റ്റലിൽ താമസിപ്പിച്ചിരിക്കുകയായിരുന്നു.

തട്ടിക്കൊണ്ടുപോയ കാറി​​​െൻറ നമ്പർ ഉൾപ്പെടെ നൽകിയിട്ടും നടപടിയെടുത്തില്ലെന്ന്​ അനീഷ്
കോട്ടയം: തിരുവനന്തപുരം റജിസ്ട്രേഷനിലുള്ള ഇന്നോവ കാറിലാണ്​ തട്ടിക്കൊണ്ടുപോയതെന്നതും ഇതി​​​െൻറ നമ്പർ ഉൾപ്പെടെ വിവരം നൽകിയിട്ടും പൊലീസ് ഒന്നും ചെയ്തി​ല്ലെന്നും തട്ടിക്കൊണ്ടുപോകലിന്​ ഇരയായ അനീഷ്​ മാധ്യമപ്രവർത്തകരോട്​ പറഞ്ഞു. തെന്മലയിലെത്തിയപ്പോൾ ഛർദിക്കണമെന്നുപറഞ്ഞപ്പോഴാണ്​ തന്നെ ഇറക്കിവിട്ടത്. പിന്നീട് രണ്ട്​ വാഹനങ്ങളിൽ നിന്നുള്ളവർ തുടരെ മർദിച്ചു. പെൺകുട്ടിയെ തിരികെ എത്തിച്ച്​ തന്നാൽ വിട്ടയക്കാമെന്ന്​ പറഞ്ഞു. അതിന്​ സഹായിക്കാമെന്നു പറഞ്ഞപ്പോഴായിരുന്നു മർദനം നിർത്തിയത്.മർദനത്തിൽ സാരമായി പരിക്കേറ്റ അനീഷിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മുഖത്താണ്​ പരിക്ക്​. കെവിനെയും അവർ ക്രൂരമായി മർദിച്ചിട്ടുണ്ടെന്നും കെവിൻ മറ്റൊരു വണ്ടിയിൽനിന്ന്​ ചാടിപ്പോയെന്ന്​ പെൺകുട്ടിയുടെ ബന്ധുക്കൾ പറഞ്ഞതായും അനീഷ്​ കൂട്ടിച്ചേർത്തു.