Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightആലുവയിൽ അമ്മയു​െട...

ആലുവയിൽ അമ്മയു​െട ക്രൂര മർദനത്തിന്​ ഇരയായ കുഞ്ഞും മരണത്തിന്​ കീഴടങ്ങി

text_fields
bookmark_border
ആലുവയിൽ അമ്മയു​െട ക്രൂര മർദനത്തിന്​ ഇരയായ കുഞ്ഞും മരണത്തിന്​ കീഴടങ്ങി
cancel
camera_alt???????????? ??????? ??? ?????????

ആലുവ/കളമശ്ശേരി: തൊടുപുഴയിൽ രണ്ടാനച്ഛ​​​െൻറ കൊടുംപീഡനത്തിനിരയായി മരണത്തിന്​ കീഴടങ്ങിയ ഏഴുവയസ്സ​ുകാര​​​െ ൻറ കണ്ണീരോർമകൾ മായുംമു​േമ്പ മലയാളിക്ക്​ വീണ്ടും നൊമ്പരത്തി​​​െൻറ ദുഃഖവെള്ളി. കളമശ്ശേരിയിൽ അമ്മയുടെ ക്രൂര മർദനമേറ്റ്​ 43 മണിക്കൂറോളം മര​ണത്തോട്​ മല്ലടിച്ച മൂന്നുവയസ്സുകാരൻ വിടവാങ്ങി. തലച്ചോറിൽ പൊട്ടലും ദേഹമാസകല ം പരിക്കുമായി ആലുവയിലെ സ്വകാര്യ ആശുപത്രിയിൽ ചികിത്സയിലായിരുന്ന കുട്ടി വെള്ളിയാഴ്​ച രാവിലെ 9.05നാണ്​ മരിച്ചത് ​. സംഭവത്തിൽ അറസ്​റ്റിലായി റിമാൻഡിൽ കഴിയുന്ന മാതാവ്​ ഝാർഖണ്ഡ്​ സ്വദേശി ഹന ഖാത്തൂനെതിരെ പൊലീസ്​ കൊലക്കുറ്റത ്തിന്​ കേസെടുത്തു. പിതാവ്​ പൊലീസ്​ നിരീക്ഷണത്തിലാണ്​.

വ​​െൻറിലേറ്ററി​​​െൻറ സഹായത്തോടെ ജീവൻ നിലനിർത് തിയിരുന്ന കുട്ടിയുടെ ആരോഗ്യനില വെള്ളിയാഴ്​ച പുലർച്ചയോടെ​ വഷളായി​. തലച്ചോർ പ്രവർത്തനം പൂർണമായി നിലച്ചു. മര ുന്നുകളോട്​ പ്രതികരിക്കാതായി. തലച്ചോറിലെ മാരക പരിക്കാണ്​ മരണകാരണമെന്ന്​ ഡോക്​ടർമാർ പറഞ്ഞു. വീടി​​​െൻറ ടെറസിലേക്കുള്ള ഏണിപ്പടിയിൽനിന്ന്​ വീണതാണെന്ന്​ പറഞ്ഞ്​ ബുധനാഴ്​ച ഉച്ചക്ക്​ 1.45ന്​ ബംഗാൾ സ്വദേശിയായ പിതാവ്​ ഒറ്റക്കാണ്​ കുട്ടിയെ ആലുവയിലെ രാജഗിരി ആശുപത്രിയിൽ എത്തിച്ചത്​.

ഡോക്​ടർമാരുടെ മൊഴിയുടെ അടിസ്​ഥാനത്തിൽ വ്യാഴാഴ്​ച പൊലീസ്​ നടത്തിയ ചോദ്യംചെയ്യലിൽ കുട്ടിയെ ചട്ടുകം പഴുപ്പിച്ച്​ പൊള്ളിച്ചതായും കട്ടിയുള്ള വസ്​തുകൊണ്ട്​ മർദിച്ചതായും മാതാവ്​ സമ്മതിച്ചു. കുട്ടിക്ക്​ നിരന്തരം മർദനമേറ്റിരുന്നുവെന്നാണ്​ പരിക്കുകളിൽനിന്ന്​ വ്യക്​തമായത്​. വിവരങ്ങൾ മറച്ചുവെക്കാനും മാതാവിനെ രക്ഷപ്പെടുത്താനും ശ്രമിച്ചതിന്​ പിതാവിനെതിരെ കേസെടുത്തിട്ടുണ്ട്​. ഇയാളുടെ ക്രിമിനൽ പശ്​ചാത്തലവും അന്വേഷിച്ചുവരുകയാണ്​.

അത്യാസന്ന നിലയിലായ കുട്ടിയെ കാണാൻ വെള്ളിയാഴ്​ച രാവിലെ പിതാവിനെ ഐ.സി.യുവിൽ എത്തിച്ചെങ്കിലും അപ്പോഴേക്കും മരിച്ചിരുന്നു. മൃതദേഹം കണ്ട ഇയാൾ വാവിട്ട്​ കരയുകയായിരുന്നു. ജില്ല കലക്​ടർ മുഹമ്മദ് വൈ. സഫീറുല്ലയുടെ സാന്നിധ്യത്തിൽ സിറ്റി അസി. കമീഷണർ, ഏലൂർ സി.ഐ, ചൈൽഡ്‌ലൈൻ അധികൃതർ എന്നിവരുടെ നേതൃത്വത്തിൽ​ ഇൻക്വസ്‌റ്റ്​ തയാറാക്കിയ ശേഷമാണ് മൃതദേഹം ഉച്ചക്ക്​ ഒന്നോടെ പോസ്‌റ്റ്​മോർട്ടത്തിന്​ കളമശ്ശേരി മെഡിക്കൽ കോളജാശുപത്രിയിലേക്ക് കൊണ്ടുപോയത്. അന്വേഷണത്തി​​​െൻറ ഭാഗമായി മൂന്നുദിവസം മോർച്ചറിയിൽ സൂക്ഷിക്കുന്ന മൃതദേഹം പിന്നീട്​ കളമശ്ശേരി പാലക്കമുഗൾ ജുമാമസ്​ജിദ്​ ഖബർസ്​ഥാനിൽ ഖബറടക്കും.

മരണത്തോട്​ മല്ലടിച്ച്​ 43 മണിക്കൂർ
കൊച്ചി: ആരിലും കൗതുകവും സന്തോഷവും ഉണർത്തുന്ന മൂന്നുവയസ്സി​​​​െൻറ കുസൃതികൾ അമ്മക്ക്​ അസഹനീയമായപ്പോൾ ആ കുരുന്നിന്​ സ്വന്തം ജീവൻതന്നെ വില നൽകേണ്ടിവന്നു. നൊന്തുപെറ്റ ഒരമ്മക്ക്​ എങ്ങനെ ഇതിന്​ കഴിയുമെന്ന്​ ഈ ക്രൂരതയെക്കുറിച്ച്​ ​കേൾക്കുന്നവരെല്ലാം ചോദിക്കുന്നു. തൊടുപുഴയിൽ ഏഴുവയസ്സുകാരനെ മർദിച്ചത്​ ലഹരിക്കടിപ്പെട്ട രണ്ടാനച്ഛനാണെന്നെങ്കിലും പറയാമായിരുന്നു. ഇവിടെ സ്വന്തം അമ്മതന്നെയാണ്​ ഒരു പിഞ്ചുശരീരവും അവ​​​െൻറ കുരുന്ന്​ തലച്ചോറും തല്ലിപ്പൊളിച്ച്​ മരണത്തിന്​ ഇട്ടുകൊടുത്തത്​.

ബുധനാഴ്​ച രാവിലെ കഠിനമായ മർദനമേറ്റതുമുതൽ ആ കുഞ്ഞ്​ ഒന്ന്​ നിലവിളിക്കാൻ പോലുമാകാതെ കഠിനവേദന സഹിക്കുകയായിരുന്നു. തലച്ചോറ്​ തകർന്നനിലയിലും കാൽവെള്ളയിലും ദേഹത്തും അടിയേറ്റ പാടുകളോടെയും അരക്കെട്ടിന്​ പിൻഭാഗത്ത്​ പല ദിവസങ്ങളിലായി സംഭവിച്ച പൊള്ളലി​​​െൻറ പരിക്കുക​േളാടെയുമാണ്​ പിതാവ്​ കുഞ്ഞിനെ ആശുപത്രിയിൽ എത്തിച്ചത്​. തലച്ചോറിലെ രക്​തസ്രാവവും ശ്വാസോച്ഛ്വാസത്തിലെ പ്രയാസങ്ങളുംമൂലം അപ്പോൾതന്നെ ഏറക്കുറെ മൃതപ്രായനായിരുന്നു. അടുത്ത 48 മണിക്കൂറുകൾ നിർണായകമാണെന്നാണ്​ മൂന്ന്​ മണിക്കൂർ നീണ്ട ശസ്​​ത്രക്രിയക്കുശേഷം ഡോക്​ടർമാർ പറഞ്ഞത്​.

തലച്ചോറിൽ ശസ്​​ത്രക്രിയ നടത്തിയെങ്കിലും ആന്തരിക രക്​തസ്രാവം പൂർണമായി നിയന്ത്രിക്കാനായില്ല. കോട്ടയം മെഡിക്കൽ കോളജിലെ അഞ്ച്​ വിദഗ്​ധ ഡോക്​ടർമാരു​ൾപ്പെടുന്ന പ്രത്യേക മെഡിക്കൽ സംഘം വ്യാഴാഴ്​ച വൈകീട്ട്​ ആലുവയിലെത്തി കുട്ടിയെ പരിശോധിച്ചിരുന്നു. പ്രതീക്ഷക്ക്​ വകയില്ലെന്നാണ്​ ഇവരും പറഞ്ഞത്​. സംഭവം നടക്കു​േമ്പാൾ താൻ വീട്ടിലുണ്ടായിരുന്നെങ്കിലും ഉറക്കമായിരുന്നെന്നാണ്​ പിതാവി​​​െൻറ മൊഴി. ഇവർ കുട്ടിയുടെ യഥാർഥ രക്ഷിതാക്കൾ തന്നെ​യാണോയെന്നും പൊലീസ്​ അന്വേഷിക്കുന്നുണ്ട്​. ഇതിന്​ അമ്മയുടെ സ്വദേശമായ ഝാർഖണ്ഡുമായും പിതാവി​​​െൻറ സ്വദേശമായ ബംഗാളുമായും ബന്ധ​പ്പെട്ട്​ വിവരങ്ങൾ ശേഖരിക്കും. ആവശ്യമെങ്കിൽ ഡി.എൻ.എ ടെസ്​റ്റ്​ നടത്താനും ആലോചനയുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmalayalam newsboy attackedkerala online newsAluva attackThe Kid Beaten to Die
News Summary - The Kid Who Brutally Beaten by Mother, Died - Kerala News
Next Story