'ആർത്തിരമ്പുന്ന സാഗരം സാക്ഷി, നിലതെറ്റിയ കപ്പലിൽ നീറിപ്പുകഞ്ഞത് ആശങ്കയുടെ മണിക്കൂറുകൾ'

കൊ​ച്ചി: ''ന​ടു​ക്ക​ട​ലി​ൽ എ​ന്തു​ചെ​യ്യ​ണ​മെ​ന്ന​റി​യാ​തെ ക​ഴി​ച്ചു​കൂ​ട്ടി​യ നി​മി​ഷ​ങ്ങ​ളി​ൽ​നി​ന്ന്​ സു​ര​ക്ഷി​ത​രാ​യി ഞ​ങ്ങ​ളെ ക​ര​യി​ലെ​ത്തി​ച്ച നാ​ഥ​നാ​ണ് സ​ർ​വ​സ്തു​തി​യും'' ആ​ന്ത്രോ​ത്ത്​ സ്വ​ദേ​ശി​യാ​യ അ​ധ്യാ​പ​ക​ൻ കെ. ​ഖാ​ലി​ദി‍െൻറ വാ​ക്കു​ക​ളാ​ണി​ത്.

ക​വ​ര​ത്തി​യി​ൽ​നി​ന്ന്​ ആ​ന്ത്രോ​ത്തി​ലേ​ക്കു​ള്ള യാ​ത്രാ​മ​ധ്യേ തീ​പി​ടി​ത്ത​മു​ണ്ടാ​യി ക​ട​ലി​ൽ അ​ക​പ്പെ​ട്ട ല​ക്ഷ​ദ്വീ​പ് ക​പ്പ​ൽ എം.​വി ക​വ​ര​ത്തി​യി​ലെ യാ​ത്ര​ക്കാ​ര​നാ​യി​രു​ന്നു ഖാ​ലി​ദ്. ക​ര​യി​ലെ ആ​രെ​യും ബ​ന്ധ​പ്പെ​ടാ​നാ​കാ​ത്ത സാ​ഹ​ച​ര്യ​ത്തി​ൽ ധൈ​ര്യം ന​ൽ​കി ക​പ്പ​ൽ ജീ​വ​ന​ക്കാ​ർ ഒ​പ്പ​മു​ണ്ടാ​യി​രു​ന്നു​വെ​ന്ന് ഖാ​ലി​ദ് 'മാ​ധ്യ​മ'​ത്തോ​ട് പ​റ​ഞ്ഞു.

സു​ഹൃ​ത്ത് എ​ച്ച്.​കെ. ആ​ദി​ലി​നൊ​പ്പ​മു​ള്ള യാ​ത്ര​ക്കി​ടെ ചെ​റു​താ​യൊ​ന്ന് മ​യ​ങ്ങി. ബു​ധ​നാ​ഴ്ച ഉ​ച്ച​ക്ക് 12.10 ആ​യ​പ്പോ​ൾ എ​ല്ലാ​വ​രും സീ​റ്റു​ക​ളി​ൽ​നി​ന്ന് പു​റ​ത്തേ​ക്ക് വ​ര​ണ​മെ​ന്ന്​ മ​ല​യാ​ളി​യാ​യ ക്യാ​പ്റ്റ​ൻ ബാ​ല​കൃ​ഷ്ണ‍െൻറ അ​നൗ​ൺ​സ്മെൻറ് കേ​ട്ട് ഉ​ണ​ർ​ന്നു. അ​ൽ​പ​സ​മ​യ​ത്തി​ന​കം കാ​ബി​നി​ലു​ള്ളി​ലേ​ക്ക് പു​ക​വ​രു​ന്ന​താ​യി തോ​ന്നി.

ഉ​ട​ൻ പു​റ​ത്തേ​ക്ക് ഓ​ടി. ഈ​സ​മ​യം ആ​ളു​ക​ൾ ക​പ്പ​ലി​ന്​ മു​ക​ളി​ലേ​ക്ക് ഒ​ഴു​കി​യെ​ത്തി. എ​ൻ​ജി​ൻ ഭാ​ഗ​ത്ത് തീ​പി​ടി​ച്ച​താെ​ണ​ന്നും എ​ൻ​ജി​ൻ കൂ​ള​റി​ന് കേ​ടു​പ​റ്റി​യെ​ന്നു​മു​ള്ള വാ​ർ​ത്ത പ​ര​ന്നു.

ക​പ്പ​ൽ ജീ​വ​ന​ക്കാ​രു​ടെ സ​മ​യോ​ചി​ത ഇ​ട​പെ​ട​ലും ദൈ​വാ​നു​ഗ്ര​ഹ​വും കാ​ര​ണം വേ​ഗ​ത്തി​ൽ തീ​യ​ണ​ക്കാ​നാ​യി. എ​ന്നാ​ൽ, ഈ​നേ​രം ക​പ്പ​ലി​ലെ ജ​ന​റേ​റ്റ​ർ ഓ​ഫാ​യി. മു​റി​ക​ളി​ലേ​ക്ക് പോ​കാ​നാ​കാ​തെ ആ​ളു​ക​ൾ അ​ഞ്ചു​നി​ല ക​പ്പ​ലിെൻറ പു​റം​ഭാ​ഗ​ത്താ​യി നി​ല​യു​റ​പ്പി​ച്ചു. വി​ശ​ന്നു​വ​ല​ഞ്ഞ് പു​റ​ത്തു​നി​ൽ​ക്കു​ന്ന​വ​ർ​ക്ക്​ കാ​ൻ​റീ​ൻ ജീ​വ​ന​ക്കാ​ർ ​ബ്ര​ഡും പ​ഴ​വും എ​ത്തി​ച്ചു.

ക​പ്പ​ൽ ക​വ​ര​ത്തി​യി​ലേ​ക്ക് കെ​ട്ടി​വ​ലി​ക്കാ​ൻ കോ​റ​ൽ ഷി​പ് വ​രു​ന്നു​വെ​ന്ന അ​നൗ​ൺ​സ്മെൻറ് എ​ത്തി​യെ​ങ്കി​ലും അ​നു​മ​തി ല​ഭി​ച്ചി​ല്ലെ​ന്ന വാ​ർ​ത്ത വ​ന്ന​തോ​ടെ യാ​ത്ര​ക്കാ​ർ നി​രാ​ശ​രാ​യി.

ശേ​ഷം ന​ടു​ക്ക​ട​ലി​ൽ നീ​ലാ​കാ​ശം നോ​ക്കി പ്രാ​ർ​ഥ​ന​യു​മാ​യി ഇ​രു​ന്ന​വ​രി​ലേ​ക്ക് കെ​ട്ടി​വ​ലി​ക്കാ​ൻ ക​പ്പ​ൽ എ​ത്തു​ന്നു​വെ​ന്ന മ​റ്റൊ​രു വാ​ർ​ത്ത വ​ന്നു. ആ​റോ​ടെ എ​ത്തി​യ ര​ണ്ട് ക​പ്പ​ലു​മാ​യി ഒ​രു​മ​ണി​ക്കൂ​റെ​ടു​ത്ത് എം.​വി ക​വ​ര​ത്തി ബ​ന്ധി​പ്പി​ച്ച് മു​ന്നോ​ട്ട് നീ​ങ്ങി​യ​പ്പോ​ഴാ​ണ് യാ​ത്ര​ക്കാ​രു​ടെ മു​ഖ​ത്ത് ആ​ശ്വാ​സ​ത്തിെൻറ പു​ഞ്ചി​രി തെ​ളി​ഞ്ഞ​ത്. വൈ​ദ്യു​തി​ബ​ന്ധം ത​ക​രാ​റി​ലാ​യ ക​പ്പ​ലി​ൽ കി​ട​ന്നു​റ​ങ്ങാ​ൻ പി​ഞ്ചു​കു​ട്ടി​ക​ളും പ്രാ​യ​മാ​യ​വ​രും രോ​ഗി​ക​ളു​മൊ​ക്കെ ഏ​റെ ബു​ദ്ധി​മു​ട്ടി.

പു​ല​ർ​ച്ച 4.45ഓ​ടെ ദൂ​രെ ആ​ന്ത്രോ​ത്ത് ദ്വീ​പ് തെ​ളി​ഞ്ഞു​ക​ണ്ട​പ്പോ​ഴു​ണ്ടാ​യ സ​ന്തോ​ഷം പ​റ​ഞ്ഞ​റി​യി​ക്കാ​നാ​കി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ക്യാ​പ്റ്റ​നും ക​പ്പ​ൽ ജീ​വ​ന​ക്കാ​ർ​ക്കും കോ​സ്​​റ്റ്​​ഗാ​ർ​ഡ് ഉ​ദ്യോ​ഗ​സ്ഥ​ർ​ക്കു​മ​ട​ക്കം ഒ​പ്പം നി​ന്ന എ​ല്ലാ​വ​ർ​ക്കും ന​ന്ദി പ​റ​യു​ക​യാ​ണെ​ന്നും ഖാ​ലി​ദ് പ​റ​ഞ്ഞു. 624 യാ​ത്ര​ക്കാ​രും 85 ജീ​വ​ന​ക്കാ​രു​മാ​യി​രു​ന്നു ക​പ്പ​ലി​ലു​ണ്ടാ​യി​രു​ന്ന​ത്.