കെവിൻ വധക്കേസിൽ ഒരു സാക്ഷി കൂടി കൂറുമാറി

കോട്ടയം: കെവിൻ വധക്കേസിൽ ഒരു സാക്ഷികൂടി കൂറുമാറി. 11ാം പ്രതി ഫസൽ ഷെരീഫി​​െൻറ വീട്ടിൽനിന്ന് പൊലീസ്​ ഫോൺ കണ്ട െടുത്തതിന്​ സാക്ഷിയായിരുന്ന ഇംതിയാസാണ് മൊഴിമാറ്റിയത്​. ഫസൽ ഷെരീഫി​​െൻറ വീട്ടിൽനിന്ന് എന്തൊക്കെയോ എടുക് കുന്നത് കണ്ടു. പക്ഷേ, ഫോണൊന്നും കണ്ടില്ല. ഫസലിനെ കുട്ടിക്കാലം മുതൽ അറിയാം. അവനെ ശിക്ഷിക്കരുെതന്നാണ് ആഗ്രഹം -ഇ ംതിയാസ്​ കോടതിയിൽ പറഞ്ഞു.

ഇതോടെ കേസിൽ ഇതുവരെ കൂറുമാറിയവരുടെ എണ്ണം ആറായി. വെള്ളിയാഴ്ച മൊത്തം ഒമ്പത് സാക്ഷികളെയാണ് വിസ്തരിച്ചത്. 2018 മേയ് 26ന് കെവിൻ, ബന്ധു അനീഷ് എന്നിവരെ തട്ടിക്കൊണ്ടുപോയ ദിവസം പ്രതികൾ എസ്.ബി.ഐ കാർഡ് സ്വൈപ്പ് ചെയ്ത് പെേട്രാൾ അടിച്ചതി​​െൻറ ലോഗ് രേഖ തിരുവനന്തപുരം പേരൂർക്കട എസ്.ബി.ഐ അസിസ്​റ്റൻറ്​ മാനേജർ കൃഷ്ണരാജ് തിരിച്ചറിഞ്ഞു. കോട്ടയത്തേക്ക്​ വരുന്നതിനിടെ പുനലൂർ നെല്ലപ്പള്ളി പമ്പിൽ എസ്.ബി.ഐ കാർഡ് സ്വൈപ്പ് ചെയ്ത് 6000 രൂപയുടെ ഇന്ധനം പ്രതികൾ മൂന്ന് വാഹനങ്ങളിൽ നിറച്ചിരുന്നു. ഇതാണ്​ കൃഷ്ണരാജ് ശരിവെച്ചത്​.

ചാലിയേക്കര തോട്ടിൽ കെവി​​െൻറ മൃതദേഹം കണ്ടെത്തിയ റെജി ജോസഫ്, കെവിനെയും വസ്ത്രങ്ങളും തിരിച്ചറിഞ്ഞ ബന്ധു ബൈജി, തട്ടിക്കൊണ്ടുപോയ അനീഷിന് തിരിച്ചുവരാൻനേരം പ്രതിയായ നിയാസ് നൽകിയ ഷർട്ട് പൊലീസിന്​ കൈമാറിയതിന്​ സാക്ഷിയായ മാന്നാനം സ്വദേശി സുരേഷ് എന്നിവരെയും വിസ്​തരിച്ചു.

ഒമ്പതാം പ്രതി ടിറ്റു ജെറോമി​​െൻറ വീട്ടിൽനിന്ന് ഫോൺ കണ്ടെടുത്ത് കൈമാറിയതിന്​ സാക്ഷിയായ ചന്ദ്രശേഖരപ്പിള്ള, മറ്റ് നാല് പ്രതികളുടെ ഫോൺ കൈമാറിയതിന് സാക്ഷികളായ ​െപാലീസ് ഉദ്യോഗസ്ഥരായ ശ്രീരംഗൻ, ജേക്കബ്, പത്മകുമാർ, റോയി ജേക്കബ് എന്നിവരെയും വെള്ളിയാഴ്​ച വിസ്തരിച്ചു. ഇവരെല്ലാം പ്രോസിക്യൂഷന്​ അനുകൂലമായി മൊഴി നൽകി.