കെവി​െൻറ മരണം: ഒരാൾ പൊലീസ്​ കസ്​റ്റഡിയിലെന്ന് 

കോട്ടയം: പ്രണയ വിവാഹത്തെ തുടർന്ന്​ ഭാര്യവീട്ടുകാർ തട്ടികൊണ്ട്​ പോയ കോട്ടയം ​സ്വദേശി കെവി​​​​​​​​െൻറ മരണവുമായി ബന്ധപ്പെട്ട്​ ഒരാൾ പൊലീസ്​ കസ്​റ്റഡിയിലായതായി സുചന. കെവി​​നെ തട്ടികൊണ്ടു പോയ സംഘത്തിലെ ഇഷാൻ എന്നയാളെ തിങ്കളാഴ്​ച പുലർച്ചയോടെയാണ് അഞ്ചൽ​ പൊലീസ്​ കസ്​റ്റഡിയിലെടുത്തത്​. ഇയാളിൽ നിന്ന്​ നിർണായക വിവരങ്ങൾ പൊലീസിന്​ ലഭിച്ചുവെന്നാണ്​ റിപ്പോർട്ട്. കേസിൽ കെവി​​​​​​​​െൻറ ഭാര്യ നീനുവിന്‍റെ സഹോദരൻ ഷാനു അടക്കം 10 പ്രതികളുണ്ടെന്നും ഇവർ തമിഴ്​നാട്ടിലേക്ക്​ കടന്നതായി​ സംശയിക്കുന്നുവെന്നും പൊലീസ്​ അറിയിച്ചു.

ശനിയാഴ്​ചയാണ്​ കെവിനെയും സ​ുഹൃത്ത്​ അനീഷ്​ സെബാസ്​റ്റ്യനെയും അക്രമി സംഘം തട്ടികൊണ്ട്​ പോയത്​. ഏറ്റുമാനൂർ രജിസ്​ട്രാർ ഒാഫീസിൽ വെച്ച്​ കെവി​​​​​​​​െൻറയും തെന്മല സ്വദേശി നീനുവി​​​​​​​​െൻറയും വിവാഹം കഴിഞ്ഞിരുന്നു. ത​​​​​​​​െൻറ സഹോദരനാണ്​ കെവിനെ തട്ടി​െകാണ്ട്​ പോയതെന്ന്​ കാണിച്ച്​ ഭാര്യ നീനു പൊലീസിൽ പരാതി നൽകിയിരുന്നു. എന്നാൽ, സംഭവത്തിൽ ശക്​തമായ നടപടി എടുക്കുന്നതിൽ പൊലീസിന്​ വീഴ്​ചപ്പറ്റിയെന്ന്​ ആരോപണമുണ്ട്​.