You are here

കെവിൻ കേസിൽ വിധി 22ന്​

11:43 AM
14/08/2019
kevin

കോട്ടയം: കെവിന്‍ വധക്കേസിലെ വിധി ആഗസ്​റ്റ്​ 22ലേക്ക്​ മാറ്റി. ബുധനാഴ്​ച കേസ്​ പരിഗണിച്ച ജില്ല പ്രിൻസിപ്പൽ സെഷൻസ്​ കോടതി, സംഭവം ദുരഭിമാനക്കൊലയാണോ എന്നതിൽ വ്യക്തത വരുത്തണമെന്ന്​ നിർദേശിച്ചു. 
ദുരഭിമാനക്കൊലയാണെന്ന്​ േപ്രാസിക്യൂഷൻ ആവർത്തിച്ചു. നീനുവി​െൻറ ഭർത്താവായി താഴ്ന്ന ജാതിയിലുള്ള കെവിനെ  അംഗീകരിക്കാനാകാത്തതാണ്​ കൊലക്കു കാരണം. അപൂർവങ്ങളിൽ അപൂർവകേസാണിതെന്ന്​ ജസ്​റ്റിസ്​ മാർകണ്ഡേയ കട്​ജുവി​െൻറ വിധിന്യായം ചൂണ്ടിക്കാട്ടി േപ്രാസിക്യൂഷൻ പറഞ്ഞു.

സാക്ഷിമൊഴികളിൽ കെവി​െൻറ ജാതിയോടുള്ള എതിർപ്പ്​ വ്യക്തമാണ്. കെവിൻ പിന്നാക്ക വിഭാഗത്തിൽപെട്ടയാളാണ്. ഇതിനുള്ള വില്ലേജ് രേഖകൾ കോടതിയിലുണ്ട്​. തട്ടിക്കൊണ്ടുപോകുന്നതിനിടെ, നീയൊക്കെ കുറവനല്ലേടാ, നിനക്കൊന്നും തരാനുള്ളതല്ല ഞങ്ങളുടെ പെണ്ണിനെയെന്നു പറഞ്ഞിരുന്നതായി മുഖ്യസാക്ഷി അനീഷി​​െൻറ മൊഴിയിലുണ്ട്​. 

നീനുവിനെ കാണാതായ ശേഷം ഗാന്ധിനഗർ സ്​റ്റേഷനിൽ പിതാവ് നൽകിയ പരാതിയിൽ മകൾ കാക്ക രാജുവിനൊപ്പം പോയെന്നു പറയുന്നതു സൂചിപ്പിക്കുന്നതും ദുരഭിമാനത്തിലേക്കാണ്. വിവരങ്ങൾ അറിഞ്ഞശേഷം ഞാൻ ചെയ്തോളം എന്നു ഷാനു പിതാവിനു സന്ദേശം അയച്ചിരുന്നു. കെവിൻ താഴ്ന്ന ജാതിയിൽപെട്ടയാളാണെന്ന്​ സാക്ഷികളിലൊരാളായ ലിജോയോടും ഷാനു പറഞ്ഞിട്ടുണ്ട്. ഇതെല്ലാം ദുരഭിമാനക്കൊലയാണെന്നതിനു​ തെളിവാണെന്ന്​ പ്രോസിക്യൂഷൻ ചൂണ്ടിക്കാട്ടി.

കെവി​​െൻറയും നീനുവി​​െൻറയും വിവാഹം ഒരു മാസത്തിനകം നടത്താമെന്ന്​ ചാക്കോ പൊലീസ്​ സ്​റ്റേഷനിലെത്തിയപ്പോൾ പറഞ്ഞിരുന്നുവെന്നും ദുരഭിമാനം ഉണ്ടെങ്കിൽ ഇത് സമ്മതിക്കുമായിരുന്നോ​ എന്നുമായിരുന്നു പ്രതിഭാഗം വാദം. 

ഗാന്ധിനഗർ സ്​റ്റേഷനിൽ ​പൊലീസിനോട് ചാക്കോ ഇക്കാര്യം പറഞ്ഞിരുന്നുവെന്നു നീനുവി​െൻറ മൊഴിയിലുണ്ട്​. പ്രതിപ്പട്ടികയിലുള്ളവർ വ്യത്യസ്​ത ജാതികളിലുള്ളവരാണ്.  ഈ സാഹചര്യത്തിൽ ദുരഭിമാനക്കൊലയെന്ന്​ എങ്ങനെ പറയാനാകും.

െക്രെസ്​തവർക്കിടയിൽ താഴ്ന്ന, ഉയർന്ന വിഭാഗങ്ങൾ എന്ന വേർതിരിവി​െല്ലന്നും പ്രതിഭാഗം വാദിച്ചു. ജസ്​റ്റിസ്​ മാർകണ്ഡേയ കട്​ജുവി​െൻറ വിധിന്യായം വായിച്ചിട്ടു​േണ്ടായെന്ന്​ പ്രതിഭാഗത്തോട്​ ആരാഞ്ഞ കോടതി കേസ്​ 22ലേക്ക്​ മാറ്റുകയായിരുന്നു. 

വിധി പറയു​െമന്ന പ്രതീക്ഷയിൽ പ്രതികളു​െട ബന്ധുക്കളും ഏറെ അഭിഭാഷകരും കോടതിയിൽ എത്തിയിരുന്നു. കോടതിക്ക്​ അകത്തും പുറത്തും വലിയ തിരക്കും അനുഭവപ്പെട്ടിരുന്നു. ​കെവി​​െൻറ കുടുംബാംഗങ്ങൾ ആരും എത്തിയില്ല. 

Loading...
COMMENTS