കേരള പൊലീസ് ഇങ്ങനെയായിരുന്നില്ല -​െഎ.ജി വിജയ് സാഖറെ

കോട്ടയം: കേരള പൊലീസ് ഇങ്ങനെയായിരുന്നില്ലെന്ന്​ ​െഎ.ജി വിജയ് സാഖറെ. കെവിൻ കൊലക്കേസിൽ സ്​പെഷൽ ബ്രാഞ്ചിന്​ വീഴ്​ചയുണ്ടായെന്ന കണ്ടെത്തലിനെക്കുറിച്ച്​ പ്രതികരിക്കു​േമ്പാഴായിരുന്നു ​െഎ.ജിയുടെ പരാമർശം. സ്​പെഷൽ ബ്രാഞ്ചി​​​​​െൻറ​ വീഴ്​ചകൾ പരിശോധിക്കുകയാണെന്നും അദ്ദേഹം മാധ്യമപ്രവർത്തകരോട്​ പറഞ്ഞു. മേലുദ്യോഗസ്​ഥരെ വിവരങ്ങൾ അറിയിക്കാൻ​ കൃത്യമായ വ്യവസ്​ഥയുണ്ട്​. എല്ലാ കാര്യങ്ങളും പരിശോധിച്ചുവരുകയാണ്​. ഗാന്ധിനഗർ പൊലീസ്​ ശരിയായി പ്രവർത്തിച്ചിട്ടില്ല. അവർക്ക്​ സംഭവത്തി​​​​​െൻറ ഗൗരവം ഉൾക്കൊള്ളാനായി​ല്ലെന്നും അദ്ദേഹം പറഞ്ഞു.

സ്പെഷല്‍ ബ്രാഞ്ചിനും വീഴ്ചപറ്റി​െയന്ന്​ കണ്ടെത്തൽ
കോട്ടയം: കെവിൻ കൊലക്കേസിൽ ഗാന്ധിനഗർ പൊലീസിനൊപ്പം സ്​പെഷൽ ബ്രാഞ്ചിനും​ കടുത്ത വീഴ്​ച. മുഖ്യമന്ത്രി ജില്ലയിലുള്ള ദിവസം കോട്ടയം നഗരത്തിന്​ തൊട്ടടുത്തുണ്ടായ സംഭവം സ്​പെഷൽ ബ്രാഞ്ച്​ അറിഞ്ഞത്​ ഏറെ വൈകിയാണെന്ന്​ അന്വേഷണസംഘം കണ്ടെത്തി. ഇത്​ ജില്ല പൊലീസ്​ മേധാവിയെ അറിയിക്കുന്നതിലും വീഴ്​ച വരുത്തി. അന്വേഷണസംഘത്തലവൻ െഎ.ജി വിജയ് സാഖറെ സംസ്​ഥാന പൊലീസ്​ മേധാവിക്ക്​ നൽകിയ റിപ്പോർട്ടിലാണ്​ ഇക്കാര്യം വ്യക്​തമാക്കുന്നത്​.

പുലർച്ചയുണ്ടായ സംഭവം ഞായറാഴ്​ച ഉച്ചകഴിഞ്ഞാണ്​ സ്പെഷല്‍ ബ്രാഞ്ച്​ ഡിവൈ.എസ്​.പി അടക്കമുള്ളവർ അറിഞ്ഞത്​. ഇവർ ജില്ല പൊലീസ്​ മേധാവിക്ക്​ നൽകിയ റിപ്പോർട്ടിൽ കുടുംബപ്രശ്നം എന്ന നിലയിലാണ്​ സംഭവം അവതരിപ്പിച്ചിരുന്നത്​. കോട്ടയം മാന്നാനത്ത് വീട്ടിൽ ചിലർ അതിക്രമിച്ച് കയറിയെന്നും ആക്രമണത്തിന് ഇരയായവരിൽ ഒരാൾ രക്ഷപ്പെട്ടുവെന്നും മറ്റൊരാൾ ഉടൻ സ്​റ്റേഷനിൽ എത്തുമെന്നുമാണ്​ സ്പെഷൽ ബ്രാഞ്ച് എസ്​.പിയെ ധരിപ്പിച്ചത്​. ഇതി‍​​​െൻറ അടിസ്​ഥാനത്തിലാണ് എസ്.പി മുഖ്യമന്ത്രിക്ക് വിവരം നല്‍കിയതെന്നും അന്വേഷണസംഘം കണ്ടെത്തി.  

ഗാന്ധിനഗർ പൊലീസ്​ സ്​റ്റേഷനിൽ നടന്ന വിവരങ്ങൾ സ്​പെഷൽ ബ്രാഞ്ച്​ മറച്ചു​െവച്ചതായും ആക്ഷേപമുണ്ട്​. കെവിനെയും അനീഷിനെയും വീടാക്രമിച്ച്​ തട്ടിക്കൊണ്ടുപോയ വിവരം പുലർച്ച നാട്ടുകാർ ഗാന്ധിനഗർ പൊലീസിനെ അറിയിച്ചിരുന്നു. രാവിലെ ഏ​േഴാടെ കെവി​​​​െൻറ പിതാവും അനീഷി​​​​െൻറ ബന്ധുക്കളും  പരാതിയുമായി പൊലീസിനെ സമീപിച്ചു. രാവിലെ എ​േട്ടാടെ നീനുവും പൊലീസ്​ സ്​റ്റേഷനിലെത്തി. ഏറെനേരം നീനു ഇവിടെ നിൽക്കുകയും ചെയ്​തു. ഇക്കാര്യമൊന്നും  സ്​പെഷൽ ബ്രാഞ്ച്​ ഉദ്യോഗസ്​ഥർ ജില്ല പൊലീസ്​ മേധാവിയെ അറിയിച്ചില്ല. ഇത്​ മനഃപൂർവമാണോയെന്നും അന്വേഷണസംഘം പരിശോധിക്കുന്നുണ്ട്​.

കഴിഞ്ഞ ദിവസം കോട്ടയം മുൻ എസ്​.പി വി.എം. മുഹമ്മദ്​ റഫീഖും സ്​പെഷൽ ബ്രാഞ്ച്​ തനിക്ക്​ വിവരം നൽകിയില്ലെന്ന്​ വ്യക്​തമാക്കിയിരുന്നു. അതിനിടെ, വീഴ്​ച വരുത്തിയ സ്​പെഷൽ ബ്രാഞ്ച്​ ഉദ്യോഗസ്​ഥരെ നടപടിയെടുക്കാതെ രക്ഷിക്കാൻ  നീക്കം നടക്കുന്നതായി ആക്ഷേപമുണ്ട്​. എസ്​.​െഎയെ സസ്​പെൻഡ്​ ചെയ്​തെങ്കിലും സ്​പെഷൽ ബ്രാഞ്ചുകാർക്കെതിരെ ഇതുവരെ നടപടിയെടുത്തിട്ടില്ല.
മുഖ്യമന്ത്രിയെ തെറ്റിദ്ധരിപ്പിച്ചെന്ന പരാതിയിൽ മുൻ എസ്​.പിക്കെതിരെ വകുപ്പുതല അന്വേഷണത്തിന്​ ഉത്തരവിട്ടിരുന്നു. ഇതിനുപിന്നാലെയാണ്​ സ്​പെഷൽ ബ്രാഞ്ച്​ വീഴ്​ച പുറത്തുവന്നിരിക്കുന്നത്​.

കെവിൻ വധം സി.ബി.ഐ അന്വേഷിക്കണം -അൽഫോൻസ് കണ്ണന്താനം
കോട്ടയം: കെവിൻ കൊലക്കേസ്​ സി.ബി.ഐ അന്വേഷിക്കണമെന്ന്​ കേന്ദ്രമന്ത്രി അൽഫോൻസ് കണ്ണന്താനം. കേസിലെ പൊലീസുകാരുടെ പങ്ക്​ പുറത്തുകൊണ്ടുവരാൻ സി.ബി.​െഎ അന്വേഷണമാണ്​ ഉചിതം. കേസിൽ പൊലീസിനു​ വലിയ വീഴ്​ചവന്നു. പൊലീസി​​​​െൻറ മൗനസമ്മതമില്ലാതെ ഇത്രദൂരം ഒരാളെ തട്ടിക്കൊണ്ടുപോകാൻ കഴിയില്ല. ഒരു എ.എസ്​.ഐ വിചാരിച്ചാൽ ഒരിക്കലും ഇക്കാര്യങ്ങൾ ചെയ്യാൻ സാധിക്കില്ല. ഇത്ര ഗുരുതരപ്രശ്നം ഉണ്ടായിട്ടും സ്​പെഷൽ ബ്രാഞ്ച് അടക്കമുള്ള സംവിധാനം തീർത്തും പരാജയമായിരുന്നു. മുൻ കോട്ടയം എസ്​.പിക്ക്​ പങ്കുണ്ടെന്ന്​ പൊലീസ്​ തന്നെ പറയുന്നു.
പൊലീസുകാർക്കെതിരെ സംസ്ഥാന പൊലീസ്​ അന്വേഷിച്ചാൽ കൃത്യമായ വിവരങ്ങൾ പുറത്തുവരില്ല. കേസുമായി ബന്ധപ്പെട്ട എല്ലാ സത്യങ്ങളും ​പുറത്തു​െകാണ്ടുവരാൻ സി.ബി.​െഎക്ക്​ മാത്രമേ  കഴിയുകയുള്ളൂവെന്നും അദ്ദേഹം പറഞ്ഞു. കെവി​​​​െൻറ വീട്ടിലെത്തിയശേഷം മാധ്യമപ്രവർത്തകരോട്​ സംസാരിക്കുകയായിരുന്നു മന്ത്രി.

കെവിനോടൊപ്പം സംഘം തട്ടിക്കൊണ്ടുപോയ അനീഷ് ത​​​​െൻറ ജീവനു ഭീഷണി ഉണ്ടെന്ന് മന്ത്രിയോടു പറഞ്ഞു. ഒരുതരത്തിലും അക്കാര്യത്തിൽ ആശങ്ക വേണ്ടെന്ന് അനീഷിനെ കേന്ദ്രമന്ത്രി സമാധാനിപ്പിച്ചു. കെവി​​​െൻറ അമ്മയും സഹോദരിയും ഭാര്യയും അദ്ദേഹത്തിനു മുന്നിൽ പൊട്ടിക്കരഞ്ഞു. ഈ സാഹചര്യത്തിൽ ഈ കുടുംബത്തെ സമാധാനിപ്പിക്കാൻ വാക്കുകൾ ഇല്ലെന്ന് മന്ത്രി പറഞ്ഞു. ബി.ജെ.പി ജില്ല പ്രസിഡൻറ്​ എൻ. ഹരിയോടൊപ്പം കെവി​​​െൻറ നട്ടാശ്ശേരിയിലുള്ള വസതിയിൽ എത്തിയ കേന്ദ്രമന്ത്രി 20 മിനിറ്റോളം കുടുംബാംഗങ്ങളോടൊപ്പം ചെലവഴിച്ചു. അഡ്വ. നോബിൾ മാത്യു, കെ.പി. ഭുവനേശ്, കെ.ജി. ജയചന്ദ്രൻ, എൻ.കെ. നന്ദകുമാർ, സന്തോഷ് ശ്രീവത്സം എന്നിവരും ഒപ്പമുണ്ടായിരുന്നു.