കെവിന്‍ വധത്തിന് പിന്നിൽ വ്യക്തിവൈരാഗ്യം; രാഷ്ട്രീയ ബന്ധമില്ല- അന്വേഷണ സംഘം

കോട്ടയം: കെവി​ൻ ​കൊലക്കേസിൽ രാഷ്​ട്രീയ, ക്വട്ടേഷന്‍ ബന്ധം തള്ളി അന്വേഷണസംഘം. കേസിലെ മുഖ്യപ്രതി കൊല്ലം തെന്മല ഒറ്റക്കല്‍ ഷാനു നിവാസില്‍ ഷാനുവി​​​െൻറ (26) ബന്ധുക്കളും സുഹൃത്തുക്കളുമാണ് സംഘത്തിലുണ്ടായിരുന്നത്​. ഷാനു ഇവരെ സഹായത്തിനായി ഒപ്പം കൂട്ടുകയായിരുന്നെന്ന്​ ഐ.ജി വിജയ് സാഖറെ പറഞ്ഞു.

പ്രതികള്‍ സഞ്ചരിച്ചിരുന്ന വാഹനത്തില്‍നിന്ന്​ വടിവാളുകൾ ഉള്‍പ്പെടെയുള്ള ആയുധങ്ങൾ കണ്ടെത്തിയിട്ടുണ്ട്. ഇത്​ ഉപ​യോഗിച്ചാണ്​ കെവി​​​െൻറ ബന്ധു മാന്നാനം കളമ്പാട്ടുചിറയില്‍ അനീഷി​​​െൻറ (31) വീട്​ തകര്‍ത്തത്​. കെവിനെ ഇത്​ ഉപയോഗിച്ച്​ മർദിച്ചിട്ടുണ്ടോയെന്ന്​ സം​ശയിക്കുന്നുണ്ട്​. അത്​ പരിശോധിച്ചു വരുകയാണെന്നും അദ്ദേഹം പറഞ്ഞു. ഇതിനായി അനീഷി​​​െൻറ മൊഴിയെടുക്കും.  

കേസിൽ രാഷ്​ട്രീയ ഇടപെടലില്ല. രാഷ്​ട്രീയക്കാർ കേസിൽ ബന്ധ​െപ്പട്ടതായി വിവരമൊന്നും ലഭിച്ചിട്ടില്ല. പ്രാദേശിക സഹായം ലഭിച്ചതി​​​െൻറ സൂചനയുമില്ല. കൊലപാതകം വ്യക്തിപരമായ കാരണത്താലാണ്. പ്രണയവിവാഹത്തെ തുടർന്നുണ്ടായ വൈരാഗ്യമാണ്​ കാരണം. നീനുവി​​​െൻറ സഹോദരന്​ കെവിനോട്​ ഉണ്ടായ വിരോധമാണ്​ കൊലപാതകത്തിലേക്ക്​ നയിച്ചത്​. മറ്റ്​ കാരണങ്ങളൊന്നും ഇതുവ​രെ ക​െണ്ടത്താനായിട്ടില്ല. കെവിൻ സംഘത്തി​​​െൻറ ​ൈകയിൽനിന്ന്​ രക്ഷപ്പെ​െട്ടന്ന മുൻനിലപാട്​ അദ്ദേഹം ആവർത്തിച്ചു.

കെവിൻ ഒാടി രക്ഷപ്പെ​െട്ടന്ന മൊഴിയാണ്​ മുഖ്യപ്രതി ഷാനു അടക്കം എല്ലാവരും നൽകിയിരിക്കുന്നത്​. എഫ്​.​െഎ.ആറിൽ തട്ടിക്കൊണ്ടുപോയ അനീഷ്​ നൽകിയ മൊഴിയും ഇവരുടെ മൊഴും തമ്മിൽ പൊരുത്തക്കേടുകളൊന്നുമില്ല. തട്ടിക്കൊണ്ടുപോയശേഷം അനീഷ്​​ ആദ്യം നൽകിയ മൊഴിയാണ്​ എഫ്​.െഎ.ആറിൽ. അത്​ കൃത്യവുമാണ്​. തുടർന്ന്​ എന്തുസംഭവിച്ചുവെന്ന്​ അന്വേഷിക്കുകയാണ്​. സത്യം ക​െണ്ടത്താനുള്ള ശ്രമം തുടരുകയാണ്​. സത്യം കണ്ടെത്തുക തന്നെ ചെയ്യുമെന്നും സാഖറെ പറഞ്ഞു.

കേസ് രജിസ്​റ്റര്‍ ചെയ്തതിനുശേഷം ഒരു തവണമാത്രമാണ് അനീഷി​​​െൻറ മൊഴി പൊലീസ് രേഖപ്പെടുത്തിയത്. അതി​​​െൻറ അടിസ്ഥാനത്തിലാണ്​ പൊലീസ്​ അന്വേഷണം പുരോഗമിക്കുന്നത്. നീനുവി​​​െൻറ മൊഴിയെടുക്കും. നീനുവി​​​െൻറ അമ്മ രഹ്​നയുടെ പങ്കിനെക്കുറിച്ച്​ വ്യക്തമായിട്ടില്ലെന്നും അദ്ദേഹം കൂട്ടിച്ചേർത്തു. അതേസമയം, കെവിനെയും തന്നെയും തട്ടിക്കൊണ്ടുപോയത് ഒന്നര ലക്ഷം രൂപയുടെ ക്വട്ടേഷനാണെന്ന് അക്രമിസംഘം പറഞ്ഞതായി നേര​േത്ത അനീഷ് മാധ്യമങ്ങളോട് പറഞ്ഞിരുന്നു.