കെവി​േൻറത്​ മുങ്ങിമരണമെന്ന്​ മെഡിക്കൽ ബോർഡി​െൻറ പ്രാഥമിക റിപ്പോർട്ട്​

തിരുവനന്തപുരം: ഭാര്യയുടെ ബന്ധുക്കൾ തട്ടിക്കൊണ്ടുപോയശേഷം മരിച്ചനിലയിൽ കണ്ടെത്തിയ കെവി​േൻറത്​ മുങ്ങിമരണം തന്നെയെന്ന്‌ മെഡിക്കല്‍ ബോര്‍ഡി​​​െൻറ പ്രാഥമിക റിപ്പോര്‍ട്ട്. എന്നാൽ, ശരീരത്തിലെ മുറിവുകളും ക്ഷതങ്ങളും എങ്ങനെയുണ്ടായെന്ന് കണ്ടെത്താൻ സ്​ഥലപരിശോധന നടത്തണമെന്ന്​ ശിപാർശചെയ്യുന്നു. ആന്തരികാവയവങ്ങളുടെ പരിശോധനാഫലം വന്നശേഷം അന്തിമ റിപ്പോർട്ട് നല്‍കുമെന്നും ബോർഡ് വൃത്തങ്ങൾ വ്യക്തമാക്കി. ഇതുസംബന്ധിച്ച റിപ്പോർട്ട്​ അന്വേഷണസംഘത്തിന്​ കൈമാറും.  

കെവി​​​െൻറ മരണം സംബന്ധിച്ച പോസ്​റ്റ്​മോര്‍ട്ടം റിപ്പോര്‍ട്ട്‌ ശരിവെക്കുന്നതാണ് മെഡിക്കല്‍ ബോര്‍ഡി​​​െൻറ പ്രാഥമികനിഗമനം. എന്നാൽ, ശരീരത്തിലെ പരിക്കുകൾ പരിശോധിക്കാൻ സ്​ഥലസന്ദർശനം നടത്തണമെന്ന ശിപാർശയിൽ അ​േന്വഷണസംഘമാകും തീരുമാനമെടുക്കുക. അതിനനുസരിച്ച് ഫോറന്‍സിക് സംഘം സംഭവസ്ഥലം പരിശോധിക്കും. കെവി​​​െൻറ ശരീരത്തില്‍ കണ്ട പതിനാറോളം മുറിവുകള്‍ പുഴയിലേക്ക് വീണതി​​​െൻറ ഭാഗമായി സംഭവിച്ചതാണോയെന്നാകും ​പരിശോധിക്കുക.  

കെവിനുമായി പ്രതികൾ ചാലിയേക്കരയില്‍ എത്തിയതുവരെയുള്ള കാര്യത്തിൽ​ പൊലീസിന് വ്യക്​തതയുണ്ട്​. കെവിൻ വാഹനത്തിൽനിന്ന്​ രക്ഷപ്പെ​െട്ടന്നാണ്​ പിടിയിലായവർ പൊലീസിന്​ നൽകിയ മൊഴി. കെവിനെ പിന്തുടര്‍ന്ന പ്രതികൾ അയാളെ പുഴയിലേക്ക് തള്ളിയിട്ടതാണോ മുക്കിക്കൊന്നതാണോ എന്ന കാര്യത്തിലാണ്​ വ്യക്​തത വ​േരണ്ടത്​. ഇത് സംബന്ധിച്ച തെളിവുകള്‍ക്കായാണ് ഇപ്പോള്‍ അന്വേഷണസംഘം നീങ്ങുന്നത്.