കെവിൻ കൊലക്കേസ്​: 12 പ്രതികൾക്കെതിരെ കൊലക്കുറ്റം; ​േകാടതിയിൽ കുറ്റപത്രം സമർപ്പിച്ചു

കോട്ടയം: കെവിൻ കൊലക്കേസിൽ 12 പ്രതികൾക്കെതിരെ കൊലക്കുറ്റം ചുമത്തി ​പൊലീസ്​ േകാടതിയിൽ കുറ്റപത്രം സമർപ്പിച്ചു. പ്രതികൾ കെവിനെ പുഴയിലേക്ക്​ ഒാടിച്ചുവിടുകയായിരുന്നുവെന്ന്​ കുറ്റപത്രത്തിൽ പറയുന്നു. പ്രതികൾ പിന്തുടർന്നതിനാലാണ്​ കെവി​​​െൻറ മരണം സംഭവിച്ചത്​. കെവിൻ ഒാടിയ ഭാഗത്ത്​ പുഴയുണ്ടെന്ന്​ അറിയാമായിരുന്ന പ്രതികൾ പുഴയിൽ വീഴ്​ത്തുകയെന്ന ലക്ഷ്യത്തോടെയാണ്​ പിന്നാലെ ചെന്നത്​. 

കെവി​​​െൻറ ഭാര്യ നീനുവി​​​െൻറ സഹോദരന്‍ കൊ​ല്ലം തെ​ന്മ​ല ഒ​റ്റ​ക്ക​ല്‍ ഷി​യാ​നു ഭ​വ​നി​ല്‍ ഷാ​നു ചാ​ക്കോയാണ് ​(26) കേസിലെ മുഖ്യസൂത്രധാരൻ. കെവിനും നീനുവുമായുള്ള പ്രണയം വൈരാഗ്യത്തിന് കാരണമായെന്നും കുറ്റപത്രത്തില്‍ പറയുന്നു. പ്രണയത്തിൽനിന്ന്​ പിന്മാറാൻ ഇരുവരെയും ഷാനു ഭീഷണിപ്പെടുത്തിയിരുന്നു. എന്നാൽ, ഇവർ തയാറായില്ല. ഇതോടെ സുഹൃത്തുക്കളെകൂട്ടി കോട്ടയം മാന്നാനത്ത്​ എത്തി കെവിനെ തട്ടിക്കൊണ്ടുപോവുകയായിരുന്നു. നീനുവി​​​െൻറ പിതാവ് ഷി​യാ​നു ഭ​വ​നി​ല്‍ ചാ​ക്കോ ജോ​ണിനെതിരെ (50) ഗൂഢാലോചനക്കുറ്റമാണ്​ ചുമത്തിയിരിക്കുന്നത്​. 186 സാക്ഷി മൊഴികളും 118 രേഖകളും കുറ്റപത്രത്തോടൊപ്പം ഏറ്റുമാനൂർ ജുഡീഷ്യൽ ഫസ്​റ്റ്​ ക്ലാസ്​ മജിസ്​ട്രേറ്റ്​ കോടതിയിൽ സമര്‍പ്പിച്ചിട്ടുണ്ട്​. 

മേ​യ്​ 27ന്​ ​പു​ല​ർ​ച്ച 1.30ഒാടെ മാ​ന്നാ​നം പ​ള്ളി​ത്താ​ഴെ​യു​ള്ള വീ​ട്ടി​ൽ ഷാനു ചാക്കോയുടെ നേതൃത്വത്തിലെത്തിയ സംഘം കെവിനെയും ബന്ധുവായ അനീഷിനെയും തട്ടിക്കൊണ്ടുപോവുകയായിരുന്നു. പിന്നീട്​ െകാല്ലം തെന്മല ചാലിയക്കരയിൽ പുഴയിൽ  കെവിനെ മരിച്ചനിലയിൽ കണ്ടെത്തുകയായിരുന്നു. കെവിൻ കൊല്ലപ്പെട്ടിട്ട്​ 85ാം ദിവസമാണ്​ കുറ്റപത്രം സമർപ്പിച്ചത്​. കേസിൽ ​െമാത്തം 13 പ്രതികളാണുള്ളത്​.