എടനീർ മഠാധിപതി കേശവാനന്ദ ഭാരതി അന്തരിച്ചു

കാ​സ​ര്‍കോ​ട്: എ​ട​നീ​ർ മഠാധിപ​തി സ്വാ​മി കേ​ശ​വാ​ന​ന്ദ ഭാ​ര​തി അ​ന്ത​രി​ച്ചു. 79 വ​യ​സ്സാ​യി​രു​ന്നു. ശ്വാ​സ​ത​ട​സ്സം മൂ​ലം ഏ​താ​നും ദി​വ​സ​മാ​യി ചി​കി​ത്സ​യി​ലാ​യി​രു​ന്നു. ഞാ​യ​റാ​ഴ്ച പു​ല​ര്‍ച്ച​യാ​യി​രു​ന്നു അ​ന്ത്യം.

മ​ഞ്ച​ത്താ​യ ശ്രീ​ധ​ര ഭ​ട്ടി​െൻറ​യും പ​ത്മാ​വ​തി​യ​മ്മ​യു​ടെ​യും മ​ക​നാ​യ കേ​ശ​വാ​ന​ന്ദ 19ാം വ​യ​സ്സി​ൽ 1960 ന​വം​ബ​ർ 14നാ​ണ് എ​ട​നീ​ർ മ​ഠാ​ധി​പ​തി​യാ​യ​ത്. പി​താ​വി​െൻറ ജ്യേ​ഷ്ഠ​നും മ​ഠാ​ധി​പ​തി​യു​മാ​യി​രു​ന്ന സ്വാ​മി ഈ​ശ്വ​രാ​ന​ന്ദ ഭാ​ര​തി മ​രി​ക്കു​ന്ന​തി​ന് ര​ണ്ടു​ദി​വ​സം മു​മ്പാ​യി​രു​ന്നു സ്ഥാ​നാ​രോ​ഹ​ണം.

1971ല്‍ ​കേ​ര​ള സ​ര്‍ക്കാ​ര്‍ ന​ട​പ്പാ​ക്കി​യ ഭൂ​പ​രി​ഷ്‌​ക​ര​ണ നി​യ​മ​ത്തി​നെ​തി​രെ സു​പ്രീം കോ​ട​തി​യെ സ​മീ​പി​ച്ച​ത് കേ​ശ​വാ​ന​ന്ദ ഭാ​ര​തി​യാ​ണ്. നി​യ​മ ക്ലാ​സു​ക​ളി​ല്‍ പ​ഠ​ന​വി​ഷ​യ​മാ​യ സ്വ​ത​ന്ത്ര ഇ​ന്ത്യ​യി​ലെ സു​പ്ര​ധാ​ന​മാ​യ ഭ​ര​ണ​ഘ​ട​ന കേ​സാ​യി​രു​ന്നു അ​ത്. സ്വ​ത്ത​വ​കാ​ശം മൗ​ലി​കാ​വ​കാ​ശ​മാ​ണോ എ​ന്ന ത​ര്‍ക്കം ഈ ​കേ​സി​ല്‍ പാ​ര്‍ല​മെൻറി​ന് ഭ​ര​ണ​ഘ​ട​ന ഭേ​ദ​ഗ​തി ചെ​യ്യാ​നു​ള്ള അ​ധി​കാ​ര​ത്തെ​സം​ബ​ന്ധി​ച്ച പ​രി​ശോ​ധ​ന​യാ​യി പ​രി​ണ​മി​ച്ചു.

ഭൂ​പ​രി​ഷ്‌​ക​ര​ണ നി​യ​മ​പ്ര​കാ​രം കാ​സ​ര്‍കോ​ടി​നു സ​മീ​പ​മു​ള്ള എ​ട​നീ​ര്‍ മ​ഠ​ത്തി​െൻറ സ്വ​ത്ത്​ കേ​ര​ള സ​ര്‍ക്കാ​ര്‍ ഏ​റ്റെ​ടു​ത്ത​പ്പോ​ൾ മ​ഠാ​ധി​പ​തി​യാ​യി​രു​ന്ന സ്വാ​മി കേ​ശ​വാ​ന​ന്ദ ഭാ​ര​തി ഇ​തി​നെ​തി​രെ സു​പ്രീം​കോ​ട​തി​യെ സ​മീ​പി​ക്കു​ക​യും ഭൂ​പ​രി​ഷ്‌​ക​ര​ണ നി​യ​മ​ത്തി​െൻറ സാ​ധു​ത ചോ​ദ്യം ചെ​യ്യു​ക​യും ചെ​യ്തു.

പൊ​തു​ആ​വ​ശ്യ​ങ്ങ​ള്‍ക്കു​വേ​ണ്ടി​യും ഭ​ര​ണ​ഘ​ട​ന​യു​ടെ ഭാ​ഗം നാ​ലി​ല്‍ പ​റ​യു​ന്ന നി​ര്‍ദേ​ശ​ക​ത​ത്ത്വ​ങ്ങ​ളു​ടെ ന​ട​പ്പാ​ക്ക​ലി​നാ​യും രാ​ഷ്​​ട്ര​ത്തി​ന് സ്വ​ത്ത​വ​കാ​ശം എ​ന്ന മൗ​ലി​കാ​വ​കാ​ശ​ത്തി​ല്‍ നി​യ​ന്ത്ര​ണ​ങ്ങ​ള്‍ ഏ​ര്‍പ്പെ​ടു​ത്താ​മെ​ന്ന് കോ​ട​തി വി​ധി​ച്ചു.

അ​തേ​സ​മ​യം, ഭ​ര​ണ​ഘ​ട​ന​യു​ടെ അ​ടി​സ്ഥാ​ന സ്വ​ഭാ​വ​ങ്ങ​ളാ​യ ജ​നാ​ധി​പ​ത്യം, ഫെ​ഡ​റ​ല്‍ സ്വ​ഭാ​വം തു​ട​ങ്ങി​യ​വ​യി​ല്‍ മാ​റ്റം വ​രു​ത്താ​നു​ള്ള അ​ധി​കാ​രം പാ​ര്‍ല​മെൻറി​നി​​ല്ലെ​ന്നും ക​ണ്ടെ​ത്തി. 68 ദി​വ​സം നീ​ണ്ട വാ​ദം ന​യി​ച്ച​വ​രി​ല്‍ പ്ര​മു​ഖ​ന്‍ നാ​നി പൽക്കി​വാ​ലാ ആ​യി​രു​ന്നു. 13 സു​പ്രീം​കോ​ട​തി ജ​ഡ്ജി​മാ​ര​ട​ങ്ങി​യ ഭ​ര​ണ​ഘ​ട​നാ ​െബ​ഞ്ചാ​ണ് കേ​സ് കേ​ട്ട​ത്.

എ​ട​നീ​ർ മ​ഠാ​ധി​പ​തിയു​ടെ വി​യോ​ഗ​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​നും പ്രതിപക്ഷ നേതാവ്​ രമേശ്​ ചെന്നിത്തലയും റ​വ​ന്യൂ മ​ന്ത്രി ഇ. ​ച​ന്ദ്ര​ശേ​ഖ​ര​നും അ​നു​ശോ​ചി​ച്ചു. കാ​സ​ർ​കോ​​ട്ടെ എ​ട​നീ​ർ മ​ഠ​ം അ​ധി​പ​നെ​ന്ന നി​ല​യി​ൽ വി​ദ്യാ​ഭ്യാ​സ മേ​ഖ​ല​യി​ലു​ൾ​പ്പെ​ടെ ഗ​ണ​നീ​യ​മാ​യ സം​ഭാ​വ​ന അ​ദ്ദേ​ഹം ന​ൽ​കി​യതായി മു​ഖ്യ​മ​ന്ത്രി അ​നു​സ്മ​രി​ച്ചു. കേ​ശ​വാ​ന​ന്ദ ഭാ​ര​തിയുടെ സംഭാവനകൾ കേരളം മറക്കില്ലെന്ന്​ ചെന്നിത്തല അനുസ്​രിച്ചു.