മണ്ണെണ്ണയേയും വിടില്ല; വില കൂട്ടി

പാ​ല​ക്കാ​ട്: പെ​ട്രോ​ൾ, ഡീ​സ​ൽ വി​ല വ​ർ​ധ​ന​ക്ക്​ പി​റ​കെ മ​ണ്ണെ​ണ്ണ​യു​ടെ വി​ല​യു​മു​യ​ർ​ന്ന​തോ​ടെ റേ​ഷ​ൻ​ക​ട വ​ഴി വി​ത​ര​ണം ചെ​യ്യു​ന്ന മ​ണ്ണെ​ണ്ണ​യു​ടെ വി​ല വ​ർ​ധി​പ്പി​ച്ചു. 44 രൂ​പ​യാ​ണ് ജൂ​ൺ മു​ത​ൽ ഒ​രു ലി​റ്റ​ർ മ​ണ്ണെ​ണ്ണ​യു​ടെ വി​ല.

മേ​യ് മാ​സ​ത്തി​ൽ 100 ലി​റ്റ​ർ മ​ണ്ണെ​ണ്ണ​ക്ക് ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​നി​ലെ എ​ക്സ് ഡി​പ്പോ നി​ര​ക്ക് 32,837 രൂ​പ​യാ​യി​രു​ന്നു. ജൂ​ണി​ൽ 2451 രൂ​പ വ​ർ​ധി​പ്പി​ച്ച് 35,288 ആ​ക്കി ഉ​യ​ർ​ത്തി. ഇ​താ​ണ് വി​ല വ​ർ​ധ​ന​ക്ക്​ കാ​ര​ണം. ജ​നു​വ​രി​യി​ല്‍ ഒ​രു ലി​റ്റ​റി​ന് 30 രൂ​പ​യാ​യി​രു​ന്നു.

ഫെ​ബ്രു​വ​രി​യി​ല്‍ ര​ണ്ട്​ ഘ​ട്ട​മാ​യി ഉ​ണ്ടാ​യ വി​ല​വ​ര്‍ധ​ന​യി​ല്‍ മ​ണ്ണെ​ണ്ണ വി​ല 37 രൂ​പ​യി​ലെ​ത്തി​യി​രു​ന്നു. മാ​ർ​ച്ചി​ൽ 40 രൂ​പ​യാ​യി വ​ർ​ധി​ച്ചു. മ​ണ്ണെ​ണ്ണ വി​ഹി​തം കേ​ന്ദ്രം വെ​ട്ടി​ക്കു​റ​ച്ച​തോ​ടെ നീ​ല, വെ​ള്ള കാ​ര്‍ഡു​ട​മ​ക​ള്‍ക്ക് ഫെ​ബ്രു​വ​രി​യി​ല്‍ റേ​ഷ​ന്‍ മ​ണ്ണെ​ണ്ണ ല​ഭി​ച്ചി​ല്ല. തു​ട​ർ​ന്ന് നീ​ല, വെ​ള്ള കാ​ർ​ഡു​ക​ൾ​ക്ക്‌ മൂ​ന്ന് മാ​സ​ത്തേ​ക്ക് അ​ര​ലി​റ്റ​ർ മാ​ത്രം എ​ന്ന അ​വ​സ്ഥ​യി​ലേ​ക്ക് മാ​റി.

മു​ൻ​ഗ​ണ​ന വി​ഭാ​ഗ​ത്തി​ൽ​പെ​ട്ട ചു​വ​പ്പ്, മ​ഞ്ഞ കാ​ർ​ഡു​ക​ൾ​ക്ക് മൂ​ന്ന്​ മാ​സ​ത്തേ​ക്ക് ഒ​രു ലി​റ്റ​റും വൈ​ദ്യു​തീ​ക​രി​ക്കാ​ത്ത വീ​ടു​ള്ള എ​ൻ.​ഇ കാ​ർ​ഡി​ന് മൂ​ന്ന് മാ​സ​ത്തേ​ക്ക് എ​ട്ട്​ ലി​റ്റ​റും മ​ണ്ണെ​ണ്ണ ല​ഭി​ക്കും. റേ​ഷ​ൻ മ​ണ്ണെ​ണ്ണ​ക്ക്​ കേ​ന്ദ്ര സ​ർ​ക്കാ​ർ സ​ബ്സി​ഡി അ​നു​വ​ദി​ക്കാ​ത്ത​തി​നാ​ൽ രാ​ജ്യാ​ന്ത​ര വി​പ​ണി​യി​ലെ ക്രൂ​ഡ് ഓ​യി​ൽ വി​ല അ​നു​സ​രി​ച്ചാ​ണ് വി​ല നി​ല​വാ​രം.