സൈറ്റ്​ ​ബ്ലോക്കായി: അതിർത്തിയിൽ കുടുങ്ങി മലയാളികൾ

കാസർകോട്​:  ‘മഹാരാഷ്​ട്രയിൽനിന്നു തലപ്പാടിയി​െലത്താൻ ബുദ്ധിമുട്ടുണ്ടായില്ല. എന്നാൽ, കേരളത്തിലേക്ക്​ കടക്കാൻ സംസ്​ഥാന സർക്കാറി​​െൻറ നടപടി കാരണം മണിക്കൂറുകൾ കഴിയേണ്ടിവരുന്നു’ -നവി മുംബൈയിൽനിന്നു ബുധനാഴ്​ച രാവിലെ മൂന്നിന്​​ പുറപ്പെട്ട തൃശൂർ സ്വദേശി രാമചന്ദ്ര​​െൻറ രോഷം ഇങ്ങനെ പോകുന്നു. 
ഇതര സംസ്​ഥാനങ്ങളിലെ മലയാളികളെ സ്വീകരിക്കുന്നതി​ന്​ അതിർത്തി ചെക്ക്​പോസ്​റ്റുകളിൽ  ഏർപ്പെടുത്തിയ സംവിധാനം ദുരിതമാകുന്നുവെന്നാണ്​ രാമചന്ദ്ര​​െൻറ മൊഴി വ്യക്തമാക്കുന്നത​്​. അദ്ദേഹത്തി​​െൻറ വാക്കുകളിലൂടെ: റായിഗഡിലെ ഉൽവയിൽ ഇൻറീരിയർ ഡെക്കറേറ്ററാണ്​. കർണാടകയുടെ പാസ്​, മഹാരാഷ്​ട്രയുടെ പാസ്​ എന്നിവയൊക്കെയുണ്ടായിരുന്നു. 

എനിക്ക്​ തൃശൂരിലും സുഹൃത്തുക്കളായ രണ്ടുപേർക്ക്​ എറണാകളുത്തുമാണ്​ പോകേണ്ടത്​. വാളയാർ വഴിയാണ്​ സൈറ്റിൽ തിരഞ്ഞെടുത്ത്​. എന്നാൽ, തമിഴ്​നാട്ടുകാർ അതുവഴി കടത്തിവിടുന്നില്ല എന്ന്​ വാർത്തകളിൽ കണ്ടതുകാരണം തലപ്പാടി തിരഞ്ഞെടുത്തു. പാസില്ലാത്ത മലയാളികളെ ഉൾപ്പടെ തലപ്പാടി വഴി പാസ്​ നൽകി കടത്തിവിടുന്നുണ്ടെന്നും  വാർത്തകളിൽ കണ്ടു. 

വാളയാർ എന്ന വഴി തലപ്പാടിയിൽ വന്നാൽ മാറ്റി രജിസ്​റ്റർ ചെയ്​ത്​  കേരളത്തിലേക്ക്​  എത്താമെന്ന്​ മനസ്സിലായതുകൊണ്ടാണ്​ ഇതുവഴി വന്നത്​. എന്നാൽ, ഞങ്ങളുടെ കൂടെ വന്നവർ തലപ്പാടിവഴി കടന്നുപോയി. ഞങ്ങൾക്ക്​ വാളയാർമാറ്റി തലപ്പാടിയെന്നാക്കാൻ പറ്റിയില്ല. വാളയാർ എന്നത്​ മാറ്റി തലപ്പാടി എന്നാക്കാൻ സൈറ്റിൽ ശ്രമിച്ചപ്പോൾ പുതിയ പാസ്​ കിട്ടിയില്ല. 
ഏതാണ്ട്​ 12 മണിക്കൂർ തലപ്പാടിയിൽ താമസിക്കുന്നു. രാവിലെ അഞ്ചുമണിക്ക്​ രജിസ്​റ്റർ ചെയ്​ത്​ കാത്തിരിക്കുകയാണ്​. എന്നാൽ, എട്ടുമണിയോടെ പുതിയ ഉദ്യോഗസ്​ഥർ വന്നു. ഒമ്പതു മണിയോടെ കാര്യം ശരിയാകും എന്ന് ആദ്യം ​ പറഞ്ഞു. എന്നാൽ, ഒമ്പതുമണ​ിയോടെ പാസ്​ നൽകുന്നത്​ നിർത്തിയിരിക്കുകയാണ്​ എന്നറിയിച്ചു​. ഇവിടെനിന്നും ഒന്നും ചെയ്യാൻ കഴിയുകയി​െല്ലന്നും അറിയിച്ചു.

തുടർന്ന്​ എറണാകുളം കലക്​ടറുമായി ബന്ധപ്പെട്ടതിനെ തുടർന്ന്​ കലക്​ടർ ഞങ്ങൾക്ക്​  മൊബൈൽ സന്ദേശം അയച്ചു. ഇത്​ തലപ്പാടിയിലെ  സബ്​ കലക്​ടർക്ക്​ കാണിക്കാനായിരുന്നു നിർദേശം​. സബ്​ കലക്​ടർക്ക്​ കാണിച്ചുകൊടുത്തപ്പോൾ പാസ്​ നൽകുന്നത്​ നിർത്തി​െവച്ചിരിക്കുകയാണെന്നും അത്​ പുനരാരംഭിച്ചാൽ മാത്രമേ കേരളത്തിലേക്ക്​ കടക്കാൻ  കഴിയൂവെന്നുമാണ് അറിയിച്ചത്​​. പാസ്​ തന്നയിടത്തുനിന്നും മാത്രമേ മാറ്റാൻ കഴിയുകയുള്ളൂവെന്നും അദ്ദേഹം അറിയിച്ചു​. വ്യാ​ഴാഴ്​ച  ഇവിടെ നിൽക്കേണ്ടിവരുമെന്നും​ സൂചന നൽകി. തലപ്പാടിയിൽ പ്രാഥമികാവശ്യത്തിനു ​േ​പാലും സൗകര്യമില്ല. കേരളത്തിൽ എല്ലാം ശരിയായി എന്ന്​  വാർത്തകളിൽ കണ്ടപ്പോഴാണ്​ പുറപ്പെട്ടത്​. എന്നാൽ, വലിയ ബുദ്ധിമുട്ടാണ്​ ഉണ്ടായിരിക്കുന്നത് ​-രാമചന്ദ്രൻ പറഞ്ഞു. അതേസമയം, സൈറ്റ്​ ബ്ലോക്കായതാണ്​ കേരളത്തിലേക്ക്​ കടത്തിവിടാൻ പ്രയാസമായതെന്ന്​ ​റവന്യൂ അധികൃതർ പറഞ്ഞു. തലപ്പാടിയിൽ എത്തിയ മറുനാടൻ മലയാളികളെ കോവിഡ്​ ​​കെയർ സ​െൻററിലേക്ക്​ മാറ്റേണ്ടിവരുമെന്ന്​ അധികൃതർ വ്യക്തമാക്കി.